Jɔn 15:2 - JAM DE NHIALIC 2011

² Këër nu ë yayic ëbɛ̈n këër reec luɔk, ka bïïyë bei: ku këër ëbɛ̈n këër ee luɔk, ka looi abï kɔ̈u piath, ke bï luɔk aläl.

Jɔn 15:2 Iomraidhean Croise

Jop 17:9

Ku abïk ŋoot ke ke rɛ̈ɛ̈r në piathëpiɔ̈ndenic, ku abïk lɔ ke ke ŋuak riɛlden nyin.

Diɛt 92:14

tiim ee ŋuɔl ë mïth ke ke cï dhiɔp ku ayek tɔ̈c ku rilkï ëceŋ.

Kɛ̈ŋ 4:18

Ku kueer de kɔc ɣerpiɔ̈ɔ̈th, acït ɣɛɛr de run ë piny, ë lɔ ke jɔ ɣɛɛr abï piny jɔ ruu ë gɔk.

Yith 27:9

Ku awäny de Yithriɛl abï päl en të cïï kek yïïk ke yiëth kɔ̈k dhuɔŋ piny, ku cïn yïïk ke wal ŋïr be tɔ̈u ayï kïn de yanh tik Acera.

Yith 29:19

Kɔc kuanynyïïn ku kɔc ee röt kuɔɔr piny abïk miɛtëpiɔ̈u bɛ yök tëde Bɛ̈nydït, Nhialic Ɣeric de Yithriɛl.

Danyel 11:35

Ku kɔc kɔ̈k në bänykɛn pelnïïm yiic, abïï keek nɔ̈k, ku në biäk de ee kënë kɔc abïk gup piath. Kënë abï rɔt jɔ cuuth aya agut të le ë thök bɛ̈n, kööl cï Nhialic lueel.

Ɣodh 6:3

Gamku Bɛ̈nydït, themku buk dhil ŋic ëgɔk. Ku aŋicku ëgɔk nɔn bï Yen dhil tïc cït man cïï akɔ̈l duëër rëër ke cïï thok bɔ̈. Abï bɛ̈n tëde wook cït nyieer ke deŋ, ku cït deŋ yaak ee piny liëër.

Malakai 3:3

Abï bɛ̈n nyuc, ku guiir löŋ de kɔc cït man ye raan ateek lëëŋ. Abï Lebai bɛ̈n waak abïk lɔ wic, cït man ye adhääp lëëŋ abï lɔ bilbil. Ku ëtɛ̈ɛ̈n, keek abïk Bɛ̈nydït aa gäm miɔ̈c lɔgɔk.

Math 13:12

Raan ëbɛ̈n raan de nɔm käŋ, ka bï gäm kɔ̈k, ku abï dɛ kajuëc arëët, ku raan ëbɛ̈n raan cïn nɔm käŋ, acakaa kë cath ke yen abï nyaai tëde yen.

Math 13:33

Go ke lɛ̈k kääŋ däŋ an, “Ciɛɛŋ de paannhial acït luɔu cï ë tik nööm, go ke liääp kekë aköp wac, cït aduuk kadiäk aɣet të bï en tuak ëbɛ̈n.”

Math 15:13

Go bɛ̈ɛ̈r an, “Wäl ëbɛ̈n wɛ̈ɛ̈l kënë piith ë wäär nu paannhial abï wöth bei kekë meeide.

Math 21:19

Na wën, ke tïŋ tim ë ŋaap ë kueer këc, go bɛ̈n të nu yen, go ciën kë yök ë yenɔm, ee yïth tei kapäc. Go tim yɔ̈ɔ̈k an, “Ë cïn mïth bï bɛ aa tɔ̈u ë yïnɔm athɛɛr!” Go ŋaap riɔu ënɔnthiinë.

Math 25:29

Raan ëbɛ̈n raan de nɔm käŋ abï gäm kɔ̈k, ago kuɛth ë käŋ, ku raan cïn nɔm käŋ acakaa kë cath ke yen abï nööm tëde yen.

Math 3:10

Ku ënɔɔnë yiëp ë guɔ tääu të nu mei ke tiim, tim ëbɛ̈n tim reec luɔk në mïth piɛth aye yiɛp piny, ku cuɛtë mɛɛc.

Math 3:12

amuk kën ee yen rap kɔ̈l ë yeciin, ku abï yiɛɛude nap abï lipëlip, ago agamɔde kuöt ë adhaanic, ku nyop ayiɛl ë many cie lëu në näk.”

Math 7:19

Tim ëbɛ̈n tim cie luɔk ë mïth piɛth, ke yepë piny, ku cuɛtë mɛɛc.

Mak 4:20

Ku kɔc kɔ̈k ee ka cï com ë tiɔɔm piɛthic, ayek kɔc ë jam piŋ, ku gamkï, ku lokkï, tök abï thiërdiäk bɛ̈ɛ̈i, ku bïï tök thiërdhetem, ku bïï tök bɔt.

Luk 8:13

Ku ka nu piny de kuur, ayek kɔc ee jam piŋ, ku dɔmkï në piɔ̈nmit: ku acïnkï mei, agokï gam tëthiinakäŋ, ku bïk röt dak ciëën ëkööl themë ke.

Jɔn 15:1

“Yɛn aye tim yic tim de enap, ku Wäär yen aye raan tit dom.

Jɔn 15:16

Acie week ë lɔc ɛn, ee yɛn ë lɔc week, ku tääu week tëdun an, bäk lɔ luɔk, ago mïthkun tɔ̈u: ago na de kë bäk lip tëde wäär në rinkï, ka bï gäm week.

Jɔn 15:3

Ku week we cï guɔ piath në jam cä lɛ̈k week.

Jɔn 15:6

Raan cie rëër ë yayic, ka cuɛtë wei cït man ë këër, ago riɔu, ago ke kut nïïm, ku cuɛtë ke mɛɛc, agokï nyop.

Jɔn 15:8

Luɔk luɔk wek aläl, yen aye Wäär tɔ yök dhuëëŋ, yen abä wek aa kɔckiën ë piööcë.

Jɔn 17:12

Të wään nuö yɛn wo keek ëtök ë piny nɔm, acä ke muk apiɛth ë rinku: kɔc cï gäm ɛn acä ke tiit, ku acïn raan tök ë keek cï määr, ee wën ë määr ë käŋ ëtök, ke këcïgɔ̈ɔ̈r bï aa yic.

Romai 11:17

Ku na cï këër kɔ̈k cak dhuöŋ bei, ku yïn, yïn ee këër ë olip ë cil roor, na cï yï cak tuɛɛl ë keyiic, abä cil we keek ëtök, ago rɔm we keek ëtök në cuai de tim de olip, kë bɔ̈ në meei yic.

Romai 11:22

Wɔikï ënɔɔnë, piath ë Nhialic piɔ̈u ayï riɛl ë yenpiɔ̈u: tëde kɔc wään cï wïïk, ee riɛlëpiɔ̈u, ku tëde yïn ee piathëpiɔ̈u, të ee yïn cool ë rëër ë piath de yenpiɔ̈u, na rɛɛcë, ke yïn bï tɛ̈ɛ̈m bei aya.

Romai 8:28

Cöök ŋicku kï, an, Këriëëc ëbɛ̈n ee mat ëtök, bï kɔc nhiaar Nhialic bɛ̈n luöi këpiɛth, kɔc cï cɔɔl ë këde piɔ̈nde.

1 Kor 13:1

Na ya cak jam wokë liëp ke kɔc ayï tuucnhial, ku ciën nhiëër, ke yɛn cï ciët maläŋ kök, ku ciët alogör cï tɔɔŋ.

Tito 2:14

raan cï rɔt gäm thuɔɔu në biäkda, luɔi bï en wo wɛ̈ɛ̈r bei ë luɔi racic ëbɛ̈n, ago jur mɛɛn tɔ ɣerpiɔ̈u ëtop abï aa këde, jur lëthic ë luɔi piɛth.

Ɣeberuu 12:15

Yak yïn ke cïn raan töŋdun bï löny ku cïï dhuëëŋ de Nhialic piɔ̈u bï yök, tiir tök ee tiir riɔ̈ɔ̈k, yen ya wek cök ë wɔi wek röt apiɛth ke cïn mei de kɛcëpiɔ̈u bï cil në weyiic ku tɔ kɔc juëc lɔ në këracic

1 Jɔn 2:19

Aake jël ë woyiic, ku aake cïï raan në wook: të ë ke raan në wook, adï ŋootkï ke ke rɛ̈ɛ̈r në wook: ë luɔi bï kek lɔ gɔk nɔn ë cïï kek raan në wook keek kedhie, en aa jël kek.

Nyuuth 3:19

Kɔc nhiaar ëbɛ̈n, kek aya nen ku ya ke wɛ̈ɛ̈t cït mïth: yen lëth yïn yic, ku puk yïpiɔ̈u.