Jɔn 13:1 - JAM DE NHIALIC 2011

¹ Na wën, aŋoot Dhuëëŋ ë Winythok wei, ke ŋic Yecu nɔn cï köölde bɛ̈n, kööl bï en jäl piny le tëde Wun, ku nhiëër nhiɛɛr en kɔckɛn nu ë piny nɔm, yen aa nhiɛɛr en keek athöökë käŋ.

Jɔn 13:1 Iomraidhean Croise

Kɛ̈ŋ 8:31

Ka yɛn mit piɔ̈u ë pinyde nɔm ëbɛ̈n, ku miɛt piɔ̈u wokë mɛnh ë raan.

Jeremia 31:3

Yɛn cï bɛ̈n tuöl tëde keek tëmec. Kɔc ke Yithriɛl wek cä nhiaar ëceŋ, ku ŋuɔɔt ke we nyuöth nhiëërdiën agɔk.

Math 26:45

Na wën, ke bɔ̈ të nu kɔckɛn ë piööcë, bï ku yöök keek an, “Yɔ̈kkï ë we nin tëthiinakäŋ, abäk lɔ̈ŋ, tiëŋkï! Thaar ë guɔ thiɔ̈k, ke Wën ë Raan ë nyiinë ku yïnë kɔc ë kërac looi.

Math 28:20

ku yak keek wɛ̈ɛ̈t, bïk käŋ aa döt kedhie ka cä thɔ̈n week, ku ya kï, yɛn ee cool ë tɔ̈u wo week ë aköölnyïïn kedhie, aɣët thök bï piny thök. Amiin.

Luk 22:53

Wään aa yɛn cool ë rëër wokë week Luaŋdïtic, wek ë kën a dɔm: apiɛth, kööldun kï ee kënë, ku ye riɛl ë cuɔlëpiny.”

Luk 9:51

Na ɣɔn, aacï nïn thiɔ̈k nïn ke leer bï ye lɛɛr nhial, ke jɔ enɔm wɛ̈l të lɔ Jeruthalem an, bï dhil lɔ.

Jɔn 11:55

Ku Dhuëëŋ ë Judai cɔl Winythok acï guɔ thiɔ̈k: go kɔc juëc jäl rɛɛr lek Jeruthalem, të ŋootë Winythok wei, lek kegup tɔ piɛth.

Jɔn 12:23

Go Yecu pɔ̈k nɔm keek an, “Kööl acï bɛ̈n kööl bï Wën ë Raan dhuëëŋ yök thïn.

Jɔn 13:29

Ku në luɔi ciɛthë Judath ke athep ë wëu, aye kɔc kɔ̈k lueel an, cï Yecu yiɛ̈n lɛ̈k en an, ɣɔc ka kɔɔrku tëde Dhuëëŋ, ku nɔn bï en kɔc kuanynyïïn yiɛ̈n miɔɔc ë käŋ.

Jɔn 13:3

Ku ŋic Yecu nɔn cï Wun käŋ tääu ë yecin kedhie, ku ŋic nɔn ë bïï yen tëde Nhialic, ku nɔn le yen tëde Nhialic.

Jɔn 13:34

Wek thɔ̈n cöök cï piac lueel an, Nhiaarkï röt, acït man cän week nhiaar, ke we bï röt nhiaar wapäc ayadäŋ.

Jɔn 14:28

Acäk piŋ nɔn cän e lɛ̈k week an, ‘Yɛn jël, ku yɛn bï lɔ bɛ̈n tëde week.’ Tëë we nhiaar ɛn, adï cäk piɔ̈ɔ̈th miɛt, nɔn cän e lueel an, ‘Yɛn lɔ tëde Wäär.’ Wäär awär ɛn e dït.

Jɔn 14:31

ku luɔi bï kɔc ke piny nɔm e ŋic nɔn nhiaar ɛn wäär, ku acït man cï Wäär a thɔn, en aluɔɔi. “Jatkï röt, jëlku eenë.

Jɔn 16:28

Yɛn ë bɔ̈ tëde Wäär, bä ë piny nɔm: ku ënɔɔnë, yɛn be piny nɔm nyääŋ piny, la tëde Wäär.

Jɔn 17:1

Na wën, acï Yecu kakë lueel, ke jɔ enyin jat nhial, ku lueel an, “Wäär, kööl acï bɛ̈n, gämë Wëndu dhuëëŋ, ke Wëndu bï yï tɔ yök dhuëëŋ aya.

Jɔn 17:16

Acïkï ee ka ke piny nɔm, cït man ë yɛn, yɛn cie këde piny nɔm.

Jɔn 17:26

Ku acä ke tɔ ŋic rinku, ku abä ke tɔ ŋic, ke nhiëër ee yïn a nhiaar bï nu ë keyiic, ku nuö ë keyiic.”

Jɔn 17:5

Ku ënɔɔnë, yïn Wäär, tɔ ya yök dhuëëŋ wokë yïn ëtök, në dhuëëŋ ɣɔn cath ke yɛn wokë yïn ëtök ɣɔn ŋootë piny ke liu.

Jɔn 18:4

Go Yecu, në ŋïny ŋic en käŋ kedhie ka bï yök, go lɔ biic tëde keek, le ku thiëëc keek an, “Eeŋa kaarkï?”

Jɔn 19:28

Na wën, aacï kakë wan, luɔi ŋicë Yecu nɔn cï käŋ guɔ thök kedhie, ke këcïgɔ̈ɔ̈r bï aa yic, ke jɔ lueel an, “Yɛn cï yal.”

Jɔn 2:13

Dhuëëŋ ë Judai ë guɔ thiɔ̈k, Dhuëëŋ cɔl Winythok, go Yecu lɔ Jeruthalem.

Jɔn 6:4

Ku Winythok, Dhuëëŋ ë Judai, ë guɔ thiɔ̈k.

Jɔn 7:30

Agokï piɔ̈ɔ̈th dɛ luɔi bï kek e dɔm: ku acïn raan cï yeciin tääu ë yeguöp, luɔi ŋootë köölde ke kën guɔ bɛ̈n.

Jɔn 7:6

Go Yecu keek yɔ̈ɔ̈k an, “Kööldï aŋoot ke kën bɛ̈n, ku kööldun ee nu ëcaŋɣɔn.

Jɔn 8:20

Aa luel wëlke të ye käŋ juaar thïn, të wëët en kɔc ë Luaŋdïtic: ku acïn raan cï yen dɔm, në luɔi ŋootë ë köölde ke kën bɛ̈n.

Romai 8:37

Acie yen, ku në kakë yiic kedhie wok ee jööt ee tɔŋ tiaam arëët në riɛl ë raan cï wo nhiaar.

1 Kor 1:8

Raan bï week muk abäk riɛl a thöökë piny, ke bï ciën kë bï we gɔ̈k ëkööl ë Bɛ̈nydan Yecu Kërtho.

Ɣeberuu 3:14

Wok duëër rɔm në Kërtho ëtök, të muk wok gämdan cï wok kɔn gam aril agut cï thök de käŋ.

Ɣeberuu 3:6

Ku Kërtho ee mɛnh adöt në dhiën de Nhialic nɔm ëbɛ̈n. Ku wok aye dhiënde, të muk wok wopiɔ̈ɔ̈th aril, ku dötku aŋäthdan ye wok röt leec athöökë käŋ.

Ɣeberuu 6:11

Kë kɔɔrku wek mïthëkɔckuɔ, luɔi bï raan ëbɛ̈n ë weyiic kɔ̈ɔ̈c aril në cökke yiic, agut cï thök de käŋ, ago aŋäth de kapiɛth cïï Nhialic kiëët në këdun aa yic.

1 Pet 1:13

Yen juɔɔc wek wepiɔ̈ɔ̈th, ku yak yïn, ku yak cök ë ŋääth wek dhuëëŋdepiɔ̈u bïï yiɛ̈n week ë kööl bï Yecu Kërtho rɔt nyuɔɔth.

1 Jɔn 4:19

Nhiëër cï en wo kɔn nhiaar, en a nhiɛɛr wok en.

Nyuuth 1:5

ku në kë bɔ̈ tëde Yecu Kërtho, ee cäätɔ adöt, ku ye raan cï dhiëëth ke ye kɛ̈ɛ̈i ë kɔc cï thou yiic, ku ye Bɛ̈nydïït nu ë Meliik ke piny nɔm nïïm. Raan ë wo nhiaar, ago wo waak në karɛckuɔ në riɛm de yenguöp,