Jɔn 1:10 - JAM DE NHIALIC 2011

¹⁰ Aa nu ë piny nɔm, ku yen aa cak piny, ku aa kuc piny.

Jɔn 1:10 Iomraidhean Croise

Cäk 16:13

Ago Ɣajer rɔt luɔp yetök an, “Cä Nhialic tïŋ ë yic, ku ŋuɔɔt ke ya pïïr?” Go Bɛ̈nydït ë jam ke yen cäk an, “Nhialic ee daai.”

Cäk 17:1

Ɣɔn cï run ke Abram aa thiërdhoŋuan ku dhoŋuan, ke Nhialic Awärjäŋ ë tul tëde yen, ku lëk en an, “Yɛn ee Nhialic Awärjäŋ lëu këriëëc ëbɛ̈n, ye kë cä lɛ̈k yïn piŋ, ku ye yic looi ë cieŋ.

Cäk 18:33

Na wën, aa lɔ Bɛ̈nydït thök në jam kekë Abraɣam, ke jël ku puk Abraɣam enɔm baaide.

Yith 53:3

Ayok dhɔɔt guöp ku reecku, go nuan ku guum arɛɛm. Acïn raan töŋ ee Ye lieec ayok dhɔɔt guöp, abï ciët kë cie këdäŋ.

Math 11:27

Käŋ kedhie acï Wäär ke tääu ë yacin, ku acïn raan ŋic Wënde, ee Wäär etök, ayï Wäär acïn raan ŋic en, ee Wënde etök, ku raan nu ë Wënde piɔ̈u nɔn bï en ë nyuöth en.

Jɔn 1:11

Aa bɔ̈ tëde kɔcke, ago kɔcke ye cuö gam.

Jɔn 1:18

Acïn raan cï Nhialic kɔn tïŋ ëkööl tök, ee Wën töŋdɛn cï dhiëëth etök, Wën nu ë Wun yɔu, yen aa nyuuth en.

Jɔn 1:3

Käŋ kedhie yen aa cak keek, ku acïn kë cï cak ke liiu yen thïn.

Jɔn 1:5

Ku ɣɛɛrëpiny aaye riau tëcol, ku aacïï cuɔlëpiny ë tïŋ.

Jɔn 17:25

“Wäär, Raan piɛthpiɔ̈u, yïn kuc kɔc ke piny nɔm, ku yïn ŋiɛc, ku ŋic kɔckë nɔn ee yïn ë toc ɛn.

Jɔn 5:17

Go Yecu pɔ̈k nɔm keek an, “Wäär ee luui aɣet cï ënɔɔnë, ku yɛn ee luui aya.”

Luɔi 14:17

Ku akën rɔt pɔ̈l të cïn cäätɔde tei, aaye cool ë loi luɔi piɛth, ee wo miɔɔc në deŋ bɔ̈ nhial ayï pɛɛi ee käŋ luɔk, go wo tɔ kueth ë këcam abuk piɔ̈ɔ̈th miɛt.”

1 Kor 1:21

Ku të cï kɔc ke piny nɔm Nhialic guɔ kuc në pɛl ë kek nïïm, cït man cï Nhialic e lueel në pɛlënɔmde, ke Nhialic jɔ piɔ̈u miɛt luɔi bï en kɔc gäm kony wëi në këɣɔ̈ric cɔl guiëër ë wëlpiɛth.

1 Kor 2:8

Yen aye pɛlënɔm cïn raan töŋ de bäny ke pinyë nɔm ë cï e ŋic, tëë cïk ŋic, adï kënkï Bɛ̈nydïït de dhuëëŋ piäät ë tim cï rïïu nɔm kɔ̈u.

1 Kor 8:6

ku të de wook ade Nhialic tök tei, yen Wääda, Aciëŋ ë bïï käŋ kedhie ë ye, ku tɔ̈uku në yen, ku Bɛ̈nydït tök, yen Yecu Kërtho, raan tɔ̈uwë käŋ kedhie ë ye, ku tɔ̈uku në yen.

Kolothai 1:16

Käŋ acï ke cak ë yeyic kedhie, ka nu paannhial ayï ka nu ë piny nɔm, ka duëërë tïŋ ku ka cïï duëërë tïŋ, nɔn ee kek riɛl de meliik, ku nɔn ee kek bäny ceŋ piny, ku nɔn ee kek ciɛɛŋ, ku nɔn ee kek riɛl, käŋ aake cak në yen kedhie, ku aake cak në këde.

Ɣeberuu 11:3

Në biäk de gämdan de yic aŋäth, ayok ŋic luɔi ë ciɛk ë piny në jam ë ye Nhialic lueel ë Yethok, ku ŋicku ayadäŋ nɔn ë ciɛk ë ka woi në ka liu.

1 Jɔn 3:1

Tiëŋkï nhiëër dïït cïï Wääda wo nhiaar, bï wo ya cɔɔl mïth ke Nhialic, ku ee wook. Yen a kucë kɔc ke piny nɔm wook, luɔi ë kuc kek en.