Jeremia 9:8 - JAM DE NHIALIC 2011

⁸ Liëpken acïtkï wiɛth ke dhɛ̈ŋ ee kɔc nɔ̈k, ayek lueth lueel aköölnyïïn. Raan ëbɛ̈n ee mɛ̈thë jääm apiɛth, ku ee wïn ë dɛ̈p yen deep en en.

Jeremia 9:8 Iomraidhean Croise

2 Tham 3:27

Na wën aacï Abener ɣëët Ɣebron, ke jɔ Jowap këde thɛl të lɔ agäu thok, ku jɔ rɔt looi cï raan de jam kɔɔr bïï lɛ̈k Abener në kɛm ken kaarou, go Jowap Abener guɔ gutic në tɔŋ, ku jɔ Abener guɔ thou. Go Jowap Abener nɔ̈k guur mänhë, në baŋ yen Abener yen ë näk Athaɣel mänhë Jowap.

Diɛt 12:2

Ayek röt tɔ̈ɔ̈r lueth kedhie, ayek röt math kapäc në ka cït yith.

Diɛt 12:3

Bɛ̈nydït, miɛɛmë liëp ee käŋ töör! Thiök thook ee kake lɛc lueel an,

Diɛt 120:3

Wek aluɛth eeŋö bïï Nhialic luöi week? Bï we luöi këtuc adï?

Diɛt 28:3

Du ɛn lui këtuc wo kɔc rac, kɔc ee karɛc looi, ayek këpiɛth lueel ë kethook, ku thiëŋkï piɔ̈ɔ̈th në män.

Diɛt 35:20

Acïkï ee jam apiɛth, ayek kɔc nhiaar mät ee pinynɔm cäk gup lueth juëc.

Diɛt 55:21

Wëlke atɛ̈ckï cït man ë miök yat, ku aman kɔc në yepiɔ̈u thïn, wëlke ayek kɔc dɔ̈m mïth cï miök, ku ayek tem cït abätɛ̈ɛ̈u moth thok.

Diɛt 57:4

Yɛn cïï kɔc ke ater gɛɛu cil, ka cït kɔ̈ɔ̈r ee kɔc cuet. Lecken acïtkï tɔɔŋ ku wiɛth ke dhaŋ, ku liëpken acïtkï abätɛ̈ɛ̈u moth thook.

Diɛt 62:5

Yɛn ŋäth Nhialic Yetök, yɛn cï aŋäthdï tääu ë yeguöp.

Diɛt 64:8

Liemden yen abï keek lɛɛr në riääkic, kɔc bï ke tïŋ, abïk kenïïm aa bet.

Kɛ̈ŋ 25:18

Raan ee raan däŋ cäk thok ee nɛ̈k cït thieec ku tɔŋ ku winh moth thok.

Jeremia 5:26

“Kɔc ee karɛc looi arëërkï ë kɔckï yiic, ayek rëër ke ke tït cït man ee kɔc ee bɔi thieth ke ke dep amɔ̈r, ku acïk wïïnkɛn ke dɛ̈p luöi kɔc.

Jeremia 5:9

Cä keek duëër luöi këtuc në biäk de ee kënë, ku ja guur looi në jur cït ee kënë?

Jeremia 9:3

Ayek röt kiëët në tör de lueth, ruëëny ë nyin de yicic yen amac piny. Aye Bɛ̈nydït lueel an, “Kɔckï ayek kërac looi ku cuthkï ë luɔi, ku acïkï Yɛn ee ŋic nɔn Yan Nhialicden.”

Jeremia 9:4

Ŋɛk abï rɔt dhil aa tiit ë mɛ̈thëde, ku ë cïn raan ŋäth mänhë, në biäk cï kɔc ëbɛ̈n mɛth looi cï Jakop, ku raan ëbɛ̈n ee mɛ̈thë jääm guöp.

Jeremia 9:5

Raan ëbɛ̈n ee raan thiëëk kek math, ku acïn raan ee yic lueel, acïk liëpken wɛ̈ɛ̈t bïk aa jam ë lueth, ayek awɛ̈ɛ̈c looi, ku ayek gup ŋɛɛr bïk kepiɔ̈ɔ̈th puk.

Maika 6:12

Kɔckɛn kueth ayek kɔc kuur, ku kɔcken ayek lueth töör, acïn yicdɛn yek lueel.