Jeremia 9:7 - JAM DE NHIALIC 2011

⁷ Në biäk de ee kënë acï Bɛ̈nydït de rɛm lueel an, “Yɛn bï kɔckï lëëŋ cï wëëth, ku thɛm keek. Kɔckï acïk kërac looi, eeŋö däŋ duëër luöi keek?

Jeremia 9:7 Iomraidhean Croise

2 Tham 13:26

Ago Abthalom lueel an, “Na cäkï kɔɔr bäk bɛ̈n, ke yï tɔ wänmääth Amnon lɔ ke wook?” Go melik Debid lop an, “Eeŋö ee yen lɔ ke week?”

2 Lëk 36:15

Go Bɛ̈nydït Nhialic de kuarken, bɛ̈n ŋoot ke ye tït tooc bïk kɔcke lɔ jɔ̈ɔ̈ny, në biäk kɔɔr en bï yen keek kony ku kony Luaŋdït.

Diɛt 120:4

Në jön de tɔŋ muk wiɛth moth thook, në tɔɔŋ cï dɛ̈ɛ̈p thook në atiam ë many de cool!

Diɛt 55:22

Tääuwë nuandu ë Bɛ̈nydït kɔ̈u, ku abï yïn gël, acïï kɔc piɛthpiɔ̈ɔ̈th bï tɔ tiam.

Diɛt 62:5

Yɛn ŋäth Nhialic Yetök, yɛn cï aŋäthdï tääu ë yeguöp.

Yith 1:25

Yɛn bï Yanɔm wɛ̈l week në agɔ̈th, ka wek bä tɔ agɔk cït man ye wëëth lëëŋ abï lɔ kïr, ka Yɛn bï acoldun ëbɛ̈n nyaai.

Yith 48:10

We cä them në many de nuan, cït man ye ateek lëëŋ në mac. Ku acä yök ke we ye kɔc cïn naamdun.

Yith 59:3

Wek de gup awɛ̈ɛ̈c ke jam në lueth, ku aköörkuöör, ku nääk.

Jeremia 31:20

“Yithriɛl Yïn ee wënhdiën läk, mɛnh nhiaar aläl. Të yan yïn lueel rin, yïn ya tak ë nhiëër. Piɔ̈ndï ee lɔ biic tënu yïn, Yɛn bï piɔ̈u kok.

Jeremia 5:1

Kɔc ke Jeruthalem, katkï ke we kuany kuɛɛriic! Tiëŋkï welɔ̈m! Woikï në gupkun! Kaarkï ɣään ke ɣɔ̈ɔ̈c! Duɛ̈ɛ̈rkï raan tök yök raan ee yic looi ku ye them bï piɔ̈u adöt ke Nhialic? Na bä ye lëu ke Bɛ̈nydït abï Jeruthalem päl awänyde.

Jeremia 6:27

Them kɔckï Jeremia, cït man ye raan wëëth them, ku tïŋ täu bïï kek tɔ̈u.

Ɣodh 4:1

Piɛŋkï jam ë Bɛ̈nydït wek kɔc ke Yithriɛl, Bɛ̈nydït ade gääk wël nɔm week, wek kɔc cieŋ ee pinyë. “Wek cïn piɔ̈n adöt, ku ciënkï nhiëër, ku wek cïï Nhialic ŋic.

Dhek 13:9

Ku biäk thiin cï döŋë abä dhiim apiɛth, cït man ye ateek dhiim në mac, dhiɛɛm keek në dhiëm adhääp. Ku ëtɛ̈ɛ̈n, abïk ɛn jɔ aa lɔ̈ŋ, ku abä keek aa piŋ thook. Abä nyuöth keek nɔn ye kek kɔckï, ku abïk jɔ gam nɔn yan Nhialicden.

Malakai 3:3

Abï bɛ̈n nyuc, ku guiir löŋ de kɔc cït man ye raan ateek lëëŋ. Abï Lebai bɛ̈n waak abïk lɔ wic, cït man ye adhääp lëëŋ abï lɔ bilbil. Ku ëtɛ̈ɛ̈n, keek abïk Bɛ̈nydït aa gäm miɔ̈c lɔgɔk.

1 Pet 1:7

ke thëm cïï gämdun them, luɔi ee yen këpiɛth aläl awär adhääp bï riääk, acakaa yen ë them ë mac, ka bï yök aye këde lɛc ku dhuëëŋ ku riëëu ëkööl bï Yecu Kërtho rɔt nyuɔɔth.

1 Pet 4:12

Wek kɔc nhiaar, duökï gäi ë thëm tuc cït mac nu ë weyiic, thëm ee we them ënɔɔnë, duökï e lueel an, ee këgäi mɛɛn pei kë cï tuöl tëde week.