Jeremia 8:2 - JAM DE NHIALIC 2011

² Ku abïï keek thieth në akɔ̈l nɔm kekë pɛɛi ku në rem de paannhial nɔm ëbɛ̈n, kɔc cï keek nhiaar ku luuikï keek, ku kuanykï keek cök, kɔc cïk gam ku lamkï, acïï keek bïï määtiic ku cïï keek tɔ̈ɔ̈u, abïk ciët wär ke ɣɔ̈k piny.

Jeremia 8:2 Iomraidhean Croise

2 Mel 17:16

Acïk lööŋ ke Bɛ̈nydït Nhialicden dhoŋ kɔ̈ɔ̈th ëbɛ̈n, ku luikï röt yiëth ke daau kaarou bïk keek lam, ku loikï yanh tiiŋ cɔl Acera, ku yek kuɛl nhial lam ku luuikï Baal.

2 Mel 21:3

Ë ɣään thöny nyɔk në yïk, ka ɣɔn cïï Ɣedhekia ke riɔ̈ɔ̈k, ku lui Baal yïk kekë yanh tiiŋ cɔl Acera cït luɔi de Aɣap melik de Yithriɛl, ku ye kuɛl lam ku luuikï ke.

2 Mel 21:5

Ku yïk yïïk ye ke kuɛl lam thïn në për kaarou ke Luaŋdïtic.

2 Mel 23:5

Ku cop guc ke yiëth ɣɔn cïï melik ke Juda ke kuany, bïk yiëth aa nyuöp wal ŋïr në ɣään thöny në wuöt ke Juda yiic, ku Jeruthalem kɔ̈u ciëën. Ku nyiɛɛi guc ee Baal nyuöp wal ŋïr aya, ku guc ke akɔ̈l, ku guc ke pɛɛi ku guc ke kuɛl nhial ëbɛ̈n.

Diɛt 53:5

Ku ëtɛ̈ɛ̈n abïk jɔ riɔ̈ɔ̈c, ë riɔ̈ɔ̈c kënkï kɔn tïŋ, në luɔi bï Nhialic yom de kɔc ke aterde thiɔ̈i. Acïï Nhialic keek rɛɛc, abï Yithriɛl keek tiaam taitai.

Diɛt 83:10

Acï keek tiaam në Endor, ago gupken bɛ̈n dhiap piny.

Diɛt 83:11

Luöiyë bänyken kë awään bä luöi Orep kekë Dheeb, tiam bänyken kedhie cït man ë kë cï luöi Dheba kekë Dhalmuna.

Wɛ̈ɛ̈t 6:3

Na de raan nɔm bɔt ë meth, ku pïïr në run juëc, ku cïï piɔ̈u ee kuɛth në kapiɛth ke pïïr tɔ̈u në yen, ku kënë ŋiëc thiɔ̈k ayadäŋ, aya lueel, an, mɛnh athɔ̈ɔ̈r bei aŋuän në yen.

Jeremia 14:16

Ku kɔc cïk keek lɛ̈k ee jamë abïï keek nɔ̈k në ee kueerë aya. Gupken abïï keek cuat wei ë kuɛɛr ke Jeruthalem yiic, ku abï ciɛ̈n raan bï keek tɔ̈ɔ̈u. Kënë abï rɔt luöi keek kedhie. Diäärken ku wɛ̈ɛ̈tken, ku duetken, abä keek tɔ col karɛcken.”

Jeremia 16:11

Ëtɛ̈ɛ̈n jɔ lëk keek an acïï Bɛ̈nydït lueel an, ‘Kuarkun acïk röt wɛl wei në Yɛn, ku lamkï yiëth kɔ̈k ku luuikï keek. Acïk Yɛn nyääŋ piny ku cïkï wëëtdï riëëu.

Jeremia 16:4

Abïk thou në jɔɔk tuc thook, ku acïn raan bï keek dhiëëu ku cïn raan tɔ̈ɔ̈u keek. Gupken abïk dhɔt piny cï tiɔɔm awäi cï kut nɔm piny. Abïï keek nɔ̈k ë abätäu ku thoukï në cɔk, ku gupken abïk aa këcam de diɛt ku läi roor.

Jeremia 16:6

Kɔc kueth ku kɔc kuanynyïïn abïk thou ee pinyë, ku acïn raan bï ke tɔ̈ɔ̈u ku cïn raan bï ke dhiëëu. Acïn raan bï rɔt ŋuɛ̈ɛ̈t ku cïn raan mut yenɔm bïï yen ke dhiëndepiɔ̈u nyuɔɔth.

Jeremia 19:13

Ɣööt ke Jeruthalem, ku ɣööt ke meliik ke Juda, ku lɔ ɣööt kedhie, ɣööt ye ke wal ŋïr nyuöp kuɛl ë kenïïm, ku të cï mɔ̈u gam thïn ke ye miɔ̈c gɛ̈më yiëth, abïk yiic cuɔl kedhie cït Topeth.”

Jeremia 22:19

Täuden piɛth, abï thɛl wei cï mul cï thou, ku cuɛtë wei ë kal ë Jeruthalem thok.”

Jeremia 25:33

Në ee köölë, gup ke kɔc cï Bɛ̈nydït ke nɔ̈k, abïk dhɔt piny ke ke cï wɛɛr gɔl aguk baŋë lee aguk däŋë. Acïn raan bï ke dhiëëu, ku acïï keek bïï jɔt, lek ke tɔ̈ɔ̈u. Abïk dhɔt piny cï tiɔɔm awäi cï kut nɔm.

Jeremia 31:40

Wak ëbɛ̈n, të cï kɔc cï thou tɔ̈ɔ̈u, ku cuɛtë kɔc cï rɛɛc thïn, ku lɔ duum nu në awuöl de Kidron nɔm ëbɛ̈n, ɣeet ë Kal de Jöŋgöör thok të lɔ aköl amiäk, abï aa kë ɣeric tëde Yɛn. Pänydït acïï bï bɛ thuöör piny ku riäk.”

Jeremia 36:30

Ka ënɔɔnë Yɛn Bɛ̈nydït Alɛ̈k yïn, melik Jeɣoyakim, acïn kuatduön bï bɛ aa melik në ciɛɛŋ ë Debid yic. Guöpdu abïï dɛɛny wei të bï aköl en aa ruël ku cuɛtë rooric wakɔ̈u.

Jeremia 9:20

Aguɔ lueel an, “Piɛŋkï kë lueel Bɛ̈nydït wek diäär, ku yak wëlke yökiic. Wɛ̈ɛ̈tkï duetkun ë dhiëëu, ku wɛ̈ɛ̈tkï määthkun ë diɛt ke dhiëëu.

Jeremia 9:21

Thuɔɔu acï bɛ̈n thïn në awëërkuɔ nyïïn, ku le ë ɣöötkuɔn ke bääny yiic, acï mïth dhuɔŋ piny ë kuɛɛr yiic, ku dhoŋ dhuök piny ë ɣään ke ɣööc yiic.

Jeremia 9:22

Gup ke kɔc cï thou acïk wɛɛr piny ëbɛ̈n, cï kuut de tiɔɔm awäi domic, cï rɛɛp cï tem ku nyiëëŋ ë ke piny ë kɔc ee tem, rɛɛp cïn raan ee ke määt yiic. Kënë lëkë Bɛ̈nydït yɛn ka bä bɛ̈n lueel.”

Edhekiɛl 29:5

Yïn bä cuat wei në jɔ̈ɔ̈ric wekë rec cï röt pat ë yïguöp ëbɛ̈n. Guöpdu abïï dhɔt piny ke cïn raan tɔ̈ɔ̈u en. Abä tɔ cuet ë läi roor ku ŋueet diɛt ke ye këcamden.

Edhekiɛl 39:5

Abïk wïïk kedhie thoukï në ruɔɔr yiic. Acä lueel, Yɛn Bɛ̈nydït Awärjäŋ.

Edhekiɛl 6:5

Yɛn bï gup ke kɔc ke Yithriɛl cï thou wɛɛr piny, yɛn bï yomken wɛɛr piny ëbɛ̈n në yïk kɔ̈ɔ̈th.

Edhekiɛl 8:16

Go yɛn lɛɛr ë kal de Luaŋdït yic thïn. Të thiääk ke tëɣeric, në kaam de yïk kekë kueer, të de yic röör kathiërrou ku dhïc. Acïk kekɔ̈ɔ̈th wel tëɣeric, ku acïk kenïïm guöt piny të lɔ aköl amiäk, ke ke lam akɔ̈l bɔ̈ thok.

Dhep 1:17

Aye Bɛ̈nydït lueel an, “Yɛn bï ee riäŋë yiɛ̈n mɛnh ë raan, ka raan ëbɛ̈n abï cath ëpäthpäth cï cɔɔr, në luɔi cïï kek A luöi awäc, ka rimken abïk wat cï pïïu ku jɔ gupkɛn cï thou dhɔt piny ke ke cï ŋuäc.

Dhep 1:5

Yɛn bï kɔc riɔ̈ɔ̈k, kɔc ee kenïïm guöt piny në ɣööt nïïm nhial, ke ke lam akɔ̈l ku pɛɛi ku kuɛl, ku kɔc ee röt tɔ ye kɔc ee kuëëŋ në Yɛn ku ayek lɔ kuëëŋ në Molek yanhden,

Luɔi 7:42

Na wën, ke Nhialic yɛl rɔt wei, ku pɛ̈l keek bïk rem de kuɛl nhial aa lam, acït man cï këcïgɔ̈ɔ̈r de tït e lueel an: ‘Wek baai de Yithriɛl! Acie Yɛn ë yak näk läi ku tëmkï ke röt Ɛn ë jɔ̈ɔ̈ric në run kathiërŋuan?

Nyöŋ 17:3

në läm lɛm en yiëth kɔ̈k ku ye keek luööi, ku lɛm aköl kekë pɛɛi ku nɔn ee kuɛl, ka wuöc në lööŋ ke Bɛ̈nydït.

Nyöŋ 4:19

Ku të cä wek nhial lieec ku tiëŋkï akɔ̈l kekë pɛɛi ku kuɛl, ku ka nu nhial kedhie, duökï röt bï tɔ them, aguɔkï keek lam. Acïï Bɛ̈nydït Nhialicdun keek gäm juöör kɔ̈k ë pinynɔm bïk keek aa lam.