Jeremia 7:9 - JAM DE NHIALIC 2011

⁹ Wek ee kual, ku näkkï, ku nämkï diäär, ku yak kuëëŋ në lueth, ku nyuöpkï Baal wal ŋïr, ku lamkï yiëth kënkï keek kɔn ŋic ɣɔn thɛɛr.

Jeremia 7:9 Iomraidhean Croise

1 Mel 18:21

Go Elija bɛ̈n ë kɔc lɔ̈m tëthiɔ̈k, ku lueel, an, “Bäk tök jɔ dɔm nɛn? Na ee Bɛ̈nydït yen ee Nhialic, ke kuanykï cök, ku na ee Baal yen ee Nhialic, ke kuanykï cök!” Go kɔc ciën kë cïk puk nɔm.

Bɛ̈n 20:3

“Yïn cïï nɔm bï dɛ yiëth kɔ̈k të cïn Ɛn.

Yith 1:13

Acïn naamde të bɛ̈ɛ̈i wek miɔ̈ckun, ee gök de kërɛɛc maan yen miɔ̈c de wal ŋïr cäk nyop, ku yɛn cïï dhuëŋkuön ke yï pɛɛi ë piac wil duëër gam, ayï kööl ë Thabath ku lɔ kööl de lɔ̈ŋ de amatnɔm, acïï awɛ̈ɛ̈ckun ke riɔ̈ɔ̈k ëbɛ̈n.

Yith 58:2

Ayek a lam aköölnyïïn, ku yek lueel nɔn kɔɔr kek bïk kuɛɛrkï ŋic ku bïk lööŋkï riëëu, abïk ciët jur ee piathëpiɔ̈u looi. Akɔɔrkï bä keek gäm lööŋ kapäc, ku an yek piɔ̈ɔ̈th miɛt ë läm ye kek Yɛn lam.”

Jeremia 1:16

Yɛn bï kɔckï luöi këtuc në biäk cï kek awäc looi, acïk A nyääŋ piny, ku lek yiëth kɔ̈k gäm miɔ̈c de wal ŋïr, ku loikï yiëth ku lamkï keek.

Jeremia 11:13

Kɔc ke Juda adekï nïïm yiëth juëc cït kuën de pɛ̈ɛ̈nydïtken, ku kɔc ceŋ Jeruthalem acïk röt yiëk yïk juëc cït kuën ke kuɛɛr ke pänydït, yïk ye Baal nyuöp wal ŋïr.

Jeremia 11:17

“Yɛn Bɛ̈nydït de rɛm, Yɛn cï baai de Yithriɛl com kekë baai de Juda, ku ënɔɔnë acä lëk keek nɔn bän ke yiɛ̈n riääk. Acïk ee kënë bɛ̈ɛ̈i ë kegup ë biäk cï kek awäc looi, acïk Yɛn tɔ göth në baŋ cï kek Baal nyuöp wal ŋïr.”

Jeremia 13:10

Kek ee kɔc rɛckë acïk jaai bïk A riëëu. Acïk nïïm riɛl arëët ku jɔkï rac aläl, ku acïk yiëth kɔ̈k lam ku luuikï keek. Ka keek abïk ciët ee lupɔɔkë, lupɔɔ cïï be piath.

Jeremia 18:15

Ku kɔckï acïk nïïm määr ë yɛn, ayek wal ŋïr nyuöp yiëth. Acïk kɔ̈th në kueerdɛn duëër kek lɔ thïn, acïkï kuɛɛrkɛn thɛɛr be kuany yiic, aciɛthkï ë kueer kënë kuaar yic.

Jeremia 19:4

Yɛn lɔ ee kënë looi në biäk cï kɔc Yɛn pɔ̈l, ku acïk eetënë dhiöök në luɔi ye kek yiëth kɔ̈k nyuöp wal, yiëth kuckï keek, ku kuc kuarken ayï meliik ke Juda acïn kë ŋickï ë biäkden. Acïk ee tënë riɔ̈ɔ̈k në riɛm de kɔc cïn kë cïk wööc,

Jeremia 32:29

ku abïk ɣɔ̈k mac. Abïk nyuɔp piny kekë ɣööt ëtök, ɣööt cï kɔc Yɛn tɔ göth në nyum ye kek wal ŋïr nyuöp Baal ë ɣööt nïïm, ku yek miɔ̈c de mɔ̈u ye poor gäm yiëth kɔ̈k.

Jeremia 44:3

në biäk cïï ë kɔcken karɛc looi, ku acïk Yɛn tɔ göth. Ayek yiëth kɔ̈k nyuöp wal ŋïr, ku yek yiëth kɔ̈k luööi, yiëth kënkï ke kɔn luööi, ayï week, ayï kuarkun akënkï ke kɔn luööi.

Jeremia 44:8

Eeŋö ya wek Yɛn tɔ göth, në läm ya wek yiëth lam, ku yak yiëth kɔ̈k nyuöp wal ŋïr ë Rip eenë, të cä wek bɛ̈n ceŋ thïn? Ë we loi ee kënë ke we bï we röt riɔ̈ɔ̈k, ago juöör ke piny nɔm ëbɛ̈n, week aa luööi në abiaan, ku yek rinkun tɔ ee kë de aciɛɛn?

Jeremia 44:9

Cäk nïïm määr në karɛc wäänë kedhie, karɛc wään looi ë kuarkun keek në wuöt ke Juda yiic ku kuɛɛr ke Jeruthalem yiic, kak ë looi meliik ke Juda keek ë diëërken, ku kak ë luɔikï week ë diëërkun?

Jeremia 48:35

Acä lueel Yɛn Bɛ̈nydït an, Yɛn bï kɔc ke Mowap pɛ̈n luöi bï kek miɔ̈c nyop në ɣäänkɛn ke lam, ku abä ke pɛ̈n luɔi bï kek yiëthken nyuöp wal ŋïr.

Jeremia 5:2

Cakaa nɔn ya wek e lueel nɔn ya wek Bɛ̈nydït lam, ku ayek kuëëŋ ë lueth.

Jeremia 5:7

Bɛ̈nydït ee lop an, “Eeŋö bän karɛc ke kɔckï jɔ pɔ̈l? Acïk Ɛn nyääŋ piny ku lɛmkï yiëth cie yic. Yɛn cï kɔckï cääm abïk kuɛth, ku acïk lɔ köör ku jɔkï aa lɔ cath në akɔɔrröör.

Jeremia 7:6

Duökï alɛi ee cam, ku mïth abɛɛr, ku diëër abɛɛr. Ku duökï kɔc cïn gup awɛ̈ɛ̈c ee nɔ̈k ee pinyë. Duökï yiëth kɔ̈k ee lam, kënë abï week riɔ̈ɔ̈k.

Edhekiɛl 18:18

Wun aaye kɔc math ku rum kɔc, ku ye cool ë lui kërac raan ëbɛ̈n. Abï jɔ thou në biäk de awɛ̈ɛ̈c cï ke looi yen guöpde.

Edhekiɛl 20:30

Ënɔɔnë lɛ̈kë baai de Yithriɛl kë lueel ë Bɛ̈nydït Awärjäŋ: eeŋö bä wek aa wäc në awäny wään cï ë kuarkun kɔn looi, ku riɛŋkï në yiëthken cök?

Edhekiɛl 23:39

Kööl man yen nɛ̈k kek wɛ̈ɛ̈tkï ke ke ye miɔ̈c näk gëmë yiëthken, acïk bɛ̈n tëdiën ɣeric ku dhiökï!

Edhekiɛl 5:11

“Ka ënɔɔnë, ke ya ye Nhialic pïïr, kënë ee jam de Bɛ̈nydït Awärjäŋ në biäk cä wek tëdiën ɣeric dhiöök në kërac yak looi ëbɛ̈n, kanhiany cäk looi, we bä ke nɔ̈k ke cïn kokëpiɔ̈u.

Ɣodh 2:13

Abä keek luöi këtuc në biäk de aköölkɛn ɣɔn cï kek a puɔ̈l, ku yek Baal nyuöp wal ŋïr. Aake ye röt jäm në joth, ku kur tuc ë ɣööcden, ku riŋkï në röör cök, ku mɛ̈ɛ̈rkï nïïm në Yɛn. Kë cïï Bɛ̈nydït lueel ka.

Ɣodh 6:9

Bäny ke kake Nhialic acïk röt tɔ cït amatnɔm de nɛ̈ɛ̈k, ee kɔc buuth në kuɛɛriic. Ku näkkï kɔc në kueer ë Cekem në nääk ayäär.

Amoth 4:5

Wek ee miɔ̈c lɛɛc wek Nhialic, ku miɔ̈c de thieithieei gam, ku gamkï miɔ̈cduön däŋ cäk tak lɛɛc wek röt! Cie kë nhiaarkï bäk looi ka wek Yithriɛl? Kë cïï Bɛ̈nydït lueel ka.

Dhep 1:5

Yɛn bï kɔc riɔ̈ɔ̈k, kɔc ee kenïïm guöt piny në ɣööt nïïm nhial, ke ke lam akɔ̈l ku pɛɛi ku kuɛl, ku kɔc ee röt tɔ ye kɔc ee kuëëŋ në Yɛn ku ayek lɔ kuëëŋ në Molek yanhden,

Malakai 3:5

Ku lueel ë Bɛ̈nydït de rɛm an, “Ku Yɛn bï lɔ bɛ̈n ë welɔ̈m, bä löŋdun week bɛ̈n guiir, Yɛn bï tït ke yiëth dap bɛ̈n gaany, ku kɔc ee diëër lei kɔɔr, ku kɔc ee kuëëŋ në lueth, ayï kɔc ee kɔc luui keek cam në ariöp de luɔiden, ku kɔc ee diëër cïn nïïm röör yɔŋ, ku yɔŋkï abɛɛr, ku pënkï kamaan yinyden, ku cïkï riɔ̈c në Yɛn.

Romai 2:2

Ku aŋicku jäny ee Nhialic kɔc jɔ̈ɔ̈ny, kɔc ë ka cït ee kakë looi, nɔn ee yen jäny yic.

Nyöŋ 32:17

Acïk yiëth cie yith näk, yiëth ë piac bɛ̈n, yiëth kuc ë kuarken, yiëth kën Yithriɛl kɔn riëëu.

Nyuuth 21:8

Ku na ariɔ̈c, ku kɔc reec gäm, ku kɔc nhiany piɔ̈ɔ̈th, ku kɔc ee kɔc nɔ̈k akurkï, ku kɔc ee diäär kɔɔr, ku kɔc ee thuëth, ku kɔc ee yiëth lam, ku aluɛth kedhie, këden ee täu bï kek tɔ̈u ë baar ë dëp ë macic ku thulpuric, yen aye thon ee kek rou.”

Nyuuth 22:15

Ku jɔ̈k, ku kɔc ee thuëth, ku kɔc ee diäär kɔɔr, ku kɔc ee kɔc nɔ̈k akurkï, ku kɔc ee yiëth lam, kek atɔ̈ukï biic, ayï raan ëbɛ̈n raan nhiaar lueth ku ye lueth töör.

Bäny 5:8

Të wään cï kɔc ke Yithriɛl yiëth kɔ̈k lam, tɔŋ acï bɛ̈n thɔ̈ɔ̈r wutic. Cakaa nɔn ye rem de tɔŋ de Yithriɛl bot kathiërŋuan 40,000, aa cïn raan töŋ de köt kekë tɔŋ në keyiic.