Jeremia 6:1 - JAM DE NHIALIC 2011

¹ Acïï Bɛ̈nydït lueel an, “Bääkï wëikun wei, wek kɔc ke Benjamin! Bäkkï bei në Jeruthalem! Kuɔthkï kaaŋ në Tekowa, ku kuɔthkï many de tɔŋ në Bethɣakerem. Wek bïï riääk bɔ̈ të lɔ rut yök ee nïnkë.

Jeremia 6:1 Iomraidhean Croise

2 Tham 14:2

go Jowap raan tuöc tiiŋ pelnɔm nu ë Tekowa bïï bɛ̈n. Na wën cï bɛ̈n ke lëk yen an, “Looi rɔt cï raan dhiau, ku tääuwë lupɔɔ ke dhiëëu në yïkɔ̈u, ku du tac ë miök. Thööŋë rɔt tiiŋ cï dhiau ë nïn juëc në këde raan cï thou.

2 Lëk 11:6

Betheleɣem, Etam, Tekowa,

Neɣe 3:14

Ku yïk Malikija wën de Rekap, bɛ̈ny de Bethɣakerem Thoŋ lɔ Dhuurnɔm ku tɛ̈ɛ̈ukï athïïnke tëden, ku rïurïu ke.

Neɣe 3:5

Ku kɔc ke Tekowa yïkkï kal biäkdäŋë, ku bänyken acïk bɛ̈n jaai në luɔi cï kënë gäm keek në bäny.

Jeremia 10:22

Piëŋkï! Thok acï bɛ̈n! Ade awuɔɔu looi ë jur nu të lɔ rut, rem de tɔŋde abï pɛ̈ɛ̈nydït ke Juda tɔ ye jɔ̈ɔ̈r, të bï kɔ̈ɔ̈rgɔl aa ceŋ thïn.”

Jeremia 25:9

‘Yɛn bï dhiëën nu të lɔ rut kedhie tuöc, ku tuöc raan ee ya luööi, Nebukadnedhar melik de Babilonia. Abä keek lɔ bɛ̈ɛ̈i bïk tɔŋ yiɛ̈n Juda ku kɔc ceŋ en, ku yïn tɔŋ juöör thiääk ë yen. Yɛn bï ë jurë riääk kekë juöör thiääk ë yen, ku nyääŋ keek ë riääkic aɣet athɛɛr, ee kërɛɛc de gäi në tïŋ. Acä lueel, Yɛn Bɛ̈nydït.

Jeremia 4:29

Në awuööu de kɔc ke jöŋgöör, ku kɔc ke dhɛ̈ŋ raan ëbɛ̈n abï kat. Kɔc kɔ̈k abïk kenïïm cɔ̈k roor, ku kɔc kɔ̈k abïk lɔ ë kur nïïm. Wuöt ëbɛ̈n abïk döŋ ke ke cïn yiic kɔc, ku acïn raan bï ke bɛ cieŋ.

Jeremia 6:22

Aye Bɛ̈nydït lueel an, “Kɔc abïkï piny nu të lɔ rut, jur ril mec arëët aguiir tɔŋ.

Amoth 1:1

Amoth ee raan töŋ de tïït ke thök, wun cɔl Tekowa. Ku jam ë lueel kï, në ka cï tïŋ në biäk de Yithriɛl, të ɣɔn ŋoot ë run kaarou wei, ɣɔn cïï piny rɔt nieeŋ. Ku në ee ruöönë, Yudhia aaye melik de Juda, ku ye Jerobowam wën ë Jowac, meliŋ de Yithriɛl.

Amoth 3:6

Të cïï kaaŋ de tɔŋ kooth, cïï kɔc ke pänydït ee päu? Duëër pänydït riääk, ke cie Bɛ̈nydït Yen ee yen bɛ̈ɛ̈i?

Dhek 6:6

Abël thel ë jöŋgöör col, alɔ piny de Babilonia të lɔ rut. Ku abël thel ë jöŋgöör ɣer, alɔ të lɔ aköl athɛ̈i. Ku abël thel ë jöŋgöör kän lëk, alɔ të lɔ wöuwic.

Jocua 15:63

Ku kɔc ke Juda akënkï kɔc ke Jebuth bɛ̈n lëu në cup, kɔc ɣɔn rɛ̈ɛ̈r ëtɛ̈ɛ̈n në kɔc ke Juda ëtök.

Bäny 1:21

Ku kɔc ke Benjamin akënkï kɔc ke Jebuth, rɛ̈ɛ̈r në Jeruthalem cop, ago kɔc ke Jebuth ŋoot ke ke rɛ̈ɛ̈r ë kɔc ke Benjamin në Jeruthalem, aɣet cï ë köölë.