Jeremia 5:7 - JAM DE NHIALIC 2011

⁷ Bɛ̈nydït ee lop an, “Eeŋö bän karɛc ke kɔckï jɔ pɔ̈l? Acïk Ɛn nyääŋ piny ku lɛmkï yiëth cie yic. Yɛn cï kɔckï cääm abïk kuɛth, ku acïk lɔ köör ku jɔkï aa lɔ cath në akɔɔrröör.

Jeremia 5:7 Iomraidhean Croise

2 Lëk 13:9

Ku wek cï bäny ke kake Nhialic de Bɛ̈nydït kuat de Aron, cuɔp wei, ku cuɔpkï kɔc ke Lebai wei aya. Ku jakï guc kuany në nyïïnken yiic cït man ye juöör ke piny nɔm yen looi. Ago na de raan cï miɔɔr ku nɔn yen thök kadhorou bɛ̈ɛ̈i, ka bïï kuany ke ye guny de yiëthkuönkë.

Jop 31:12

acït manydït ee käŋ thöl, aduëër a riɔ̈ɔ̈k wo këriëëcdiën tɔ̈u ke yɛn ëbɛ̈n.

Diɛt 50:18

Të cïï yïn cuɛ̈ɛ̈r tïŋ yïn ee määth we yen ku yïn ee mat wekë akɔɔrdiäär.

Jeremia 12:16

Na lek Nhialic de kɔckï gam ë kepiɔ̈ɔ̈th ëbɛ̈n, ku lek kuëëŋ luelkï an, ‘Cït man pïïr ë Bɛ̈nydït’, cït man cïï kek kɔckï kɔn wɛ̈ɛ̈t bïk aa kuëëŋ ë Baal, ka keek aya abïk aa kɔckiën kɔ̈k ku abïk kuɛth.

Jeremia 13:27

Acï week tïŋ ke we loi ka mɛɛn keek. Acï week tïŋ ke we kuany yiëth kɔ̈k cök ë kur nïïm ku ë duumiic, cït man ë mony cïï tiiŋ ë raan thiëëk kek diir, ku cït thɔn ë kɛɛu cop ŋun ë kɛɛu. Amawoou në week kɔc ke Jeruthalem, wek cï luöi këtuc, ee nɛn yen bä wek dikëdik?

Jeremia 16:11

Ëtɛ̈ɛ̈n jɔ lëk keek an acïï Bɛ̈nydït lueel an, ‘Kuarkun acïk röt wɛl wei në Yɛn, ku lamkï yiëth kɔ̈k ku luuikï keek. Acïk Yɛn nyääŋ piny ku cïkï wëëtdï riëëu.

Jeremia 16:20

Duëër kɔc röt luöi yanhden? Ei, na lek lɔ looi, kënë acïï duëër aa yiëth ë yic.”

Jeremia 2:11

Acïn jur däŋ cï yanhdɛn yek lam kɔn waar, na cakaa nɔn cïï kek ee yic. Ku kɔckï acïk A waar, Yɛn Nhialic ɣɔn ë gëm keek dhuëëŋ, waarkï Yɛn në yiëth cïn kë duëërkï luöi keek.

Jeremia 2:31

Kɔc ke Yithriɛl piɛŋkï kë lɛ̈k week. Cä ciët jɔ̈ɔ̈r tëde week, cä ciët mɔ̈ɔ̈th ku piny rac? Eeŋö ya wek en lueel an bäk lui cï kë nhiaarkï ë wepiɔ̈ɔ̈th, ku nɔn cäkkï bï kɔn bɛ̈n ciëën tëde Yɛn?

Jeremia 23:10

Piny acï thiäŋ ke kɔc cïn adöt tëde Bɛ̈nydït, ayek rëër ke ke loi karɛc, ku yek riɛlden kuöc luɔi. Në biäk de aciɛɛn ë Bɛ̈nydït piny adhiau, ku ɣään ke nyuäth ë jɔ̈ɔ̈ric acïk ril wei.

Jeremia 3:19

Aye Bɛ̈nydït lueel an, “Yithriɛl yïn kaar bä yï gam ke yï wëndï ku gäm yïn piny bï yïn piɔ̈u miɛt, piny wär piiny ke juöör në piath. Akaar bä Yɛn aa cɔɔl an Wäär, ku du rɔt bï bɛ yal wei tëde Yɛn.

Jeremia 3:8

Acïï Juda tïŋ aya nɔn cïï Yɛn nyankënë Yithriɛl pɔ̈l, ku cuɔp baai, në kë cïï yen rɔt yal wei tëde Yɛn ku looi rɔt ke ye akɔɔrröör. Ku Juda nyankënë Yithriɛl cïn piɔ̈u adöt, aa kën riɔ̈ɔ̈c. Yen aya acï rɔt bɛ̈n looi ke ye akɔɔrröör

Jeremia 7:9

Wek ee kual, ku näkkï, ku nämkï diäär, ku yak kuëëŋ në lueth, ku nyuöpkï Baal wal ŋïr, ku lamkï yiëth kënkï keek kɔn ŋic ɣɔn thɛɛr.

Jeremia 9:1

Aa ya nhiaar duëër nɔmdï aa yinh ë pïïu, ku jɔ nyïïnkï aa awɛɛŋ ke pïïu, aguɔ aa dhiau aköl ku wakɔ̈u në biäk de kɔckiën cï nɔ̈k.

Jeremia 9:2

Aa ya nhiaar duëër nɔm dɛ të duëër ɛn ceŋ ë jɔ̈ɔ̈ric, të bä yɛn mɛc wo kɔckï. Ayek kɔc cïn adöt ëbɛ̈n, kuut de kɔc ee kɔc nyiɛɛn.

Dhiëëu 3:42

“Wo cï karɛc looi ku reecku Yïn, ku Yïn kɛ̈n wo päl awɛ̈ɛ̈c Yïn Bɛ̈nydït.

Edhekiɛl 22:11

Kɔ̈k ayek niin ë diëër lei, ku nin kɔ̈k në diëër ke wɛ̈ɛ̈tken, ku kɔ̈k në duet ke wärken ku duet ë wacken.

Ɣodh 11:8

“Duɛ̈ɛ̈r week jɔ päl wei adï, kɔc ke Eparaim? Duɛ̈ɛ̈r week gam wei adï, wek kɔc ke Yithriɛl? Duɛ̈ɛ̈r week riɔ̈ɔ̈k taitai adï cït päny de Adama, ku nɔn luöi week kë cä luöi Dheboyim? Acïï ë piɔ̈ndï duëër tɔ luɔɔi! Nhiëërdiën nhiaar Ɛn week adït aläl.

Ɣodh 13:6

Të ɣɔn cääm Ɛn week, wek ë ye kuɛth, ku të cä wek kuɛth, ke wek ɣɛ̈ɛ̈c wenïïm, ku määrkï nïïm në Yɛn.

Ɣodh 4:2

Aciɛɛn yen aya wek röt cieen, ku tɔ̈ɔ̈rkï röt lueth, ku näkkï röt, ku cuɛ̈ɛ̈rkï röt, ku nɔ̈mkï diäär ë röt. Wek ee lööŋ mäc röt, ku gɔ̈thkï ku dhuööŋkï kekɔ̈ɔ̈th. Ku wek ee riɛm lëu ë cieŋ.

Ɣodh 7:4

Ku keek kedhie, ayek dhööm cï tuöc cït man ë many de purun dɛ̈p cïï köör në raan thööc en të ŋoot awac ke nuai, agut të bï yen kɔn piɔ̈ɔ̈r.

Lebai 20:10

Na lɔ raan tiiŋ de raandäŋ nööm, na ee tiiŋ ë raan rɛ̈ɛ̈r kek yen ë mony ë nöm tik kekë tiiŋ ë nöm abïï keek dhil nɔ̈k kedhie.

Amoth 8:14

Ku kɔc lɔ aa kuëëŋ në Acima yanh de Thamaria, ku raan lɔ ye lueel an, ‘Në rin ke yanhdan tɔ̈u ë Dan, ku nɔn ee yanhdan tɔ̈u ë Biirceba,’ Kek ë kɔckë, abïk wïïk në wïïk cï kek röt bï bɛ jɔt.’

Dhep 1:5

Yɛn bï kɔc riɔ̈ɔ̈k, kɔc ee kenïïm guöt piny në ɣööt nïïm nhial, ke ke lam akɔ̈l ku pɛɛi ku kuɛl, ku kɔc ee röt tɔ ye kɔc ee kuëëŋ në Yɛn ku ayek lɔ kuëëŋ në Molek yanhden,

Malakai 3:5

Ku lueel ë Bɛ̈nydït de rɛm an, “Ku Yɛn bï lɔ bɛ̈n ë welɔ̈m, bä löŋdun week bɛ̈n guiir, Yɛn bï tït ke yiëth dap bɛ̈n gaany, ku kɔc ee diëër lei kɔɔr, ku kɔc ee kuëëŋ në lueth, ayï kɔc ee kɔc luui keek cam në ariöp de luɔiden, ku kɔc ee diëër cïn nïïm röör yɔŋ, ku yɔŋkï abɛɛr, ku pënkï kamaan yinyden, ku cïkï riɔ̈c në Yɛn.

1 Kor 6:9

Kuöckï kɔc racpiɔ̈ɔ̈th nɔn cïï kek ciɛɛŋ de Nhialic bï lɔ̈ɔ̈k lak? Duökï röt ë tɔ mɛnhë: dhööm, ayï kɔc ee yiëth lam, ayï kɔc ee diëër lei kɔɔr, ayï diëër ee röör kɔɔr, ayï röör ee röt tɔ ye diäär, ayï röör ë niin ë röör,

1 Kor 8:4

Ku në këde cäm de ka cï läm yiëth, yath aŋicku nɔn cïn en naamde ë piny nɔm, ku aŋicku nɔn cïn en Nhialic däŋ ee tök tei.

Galatai 4:8

Ku wään kuöc wek Nhialic, wek aaye lïïm ke yiëthkun yiëth cie Nhialic në ciɛɛŋdɛn ë ciɛkë keek.

Nyöŋ 32:15

“Kɔc ke Bɛ̈nydït acïk lɔ ke ke kueth, ku reeckï gäm, acïk cuai ku kuethkï në këcam. Acïk Nhialic Aciëŋden nyääŋ piny ku reeckï Awärjäŋ Konyden.

Nyöŋ 32:21

Keek në yiëthken acïk ɛn tɔ göth, ku tiɛl kakɛn cɔl ke yiëth, kek yiëth cie Nhialic yith. Ka yɛn bï kë cɔl jur tuöc keek, bï ke tɔ göth. Abä keek tɔ dɔm tiɛl në jur dhɔ̈n.

Ɣeberuu 13:4

Week mïthëkɔckuɔ, ë thiëëk ë ye riëëu në kɔc kedhie. Yak kë nhiany tɔ mec në biöŋ ë thiëëkic. Kɔc cïn gup athɛɛk kedhie ku kɔc ee diëër lei kɔɔr abï Nhialic ke löŋden guiir atuc.

Jakop 4:4

Wek röör akɔɔrdiäär ku diëër akɔɔrröör, kuöckï määth ë ka ke pinynɔm nɔn ee yen ater lueel kekë Nhialic? Yen na de raan kɔɔr nɔn bï en määth kekë ka ke piny nɔm, ka ye rɔt tɔ ye raan de ater kekë Nhialic.

Jocua 23:7

Ku duökï röt liëëp në juöör cï döŋ në weyiic. Duökï yiëthken ee cɔɔl rin, ku duökï ee kuëëŋ në rinken. Duökï lam, ku duökï keek ee luööi.