Jeremia 5:6 - JAM DE NHIALIC 2011

⁶ Në biäk de ee kënë yen abïï köör roor keek nɔ̈k, abïï aŋuööth ke jɔ̈ɔ̈ric keek riɔ̈ɔ̈k, ku kuac abï aa cath ë pɛ̈ɛ̈nydïtken yiic. Të lee ee kɔckë lɔ biic, abïï keek rɛt yiic, në biäk juëc awɛ̈ɛ̈cken, ku ayek cool ke ke jäl ë Nhialic lɔ̈ɔ̈m.

Jeremia 5:6 Iomraidhean Croise

2 Lëk 36:14

Ku däŋ aya, bäny ke kɔc ke Juda, ku bäny ke kake Nhialic, ku kɔc acïk ciɛɛŋ de luɔi de kërac ke juöör thiääk ë keek dɔm yic, gokï yiëth lam, ku jɔkï Luaŋdït tɔ nhiany, të wään cïï Bɛ̈nydït guöpde tɔ ɣeric.

Edhr 10:10

Go Edhera bɛ̈ny de kake Nhialic rɔt jat nhial ku jiëëm keek lueel an, “Wek cïn adöt, wek cï awɛ̈ɛ̈c ŋuak nyïïn në weyiëth në kë cï wek thiëëk në duet ke juöör.

Edhr 9:6

Ku luɛɛl an, “Nhialic, yɛn cï yäär ka yɛn cï guöp riɔ̈ɔ̈c arëët bä yanyin wɛ̈l Yïn, awɛ̈ɛ̈ckuɔ acïk thɔc ka cïk wo wöör nïïm, acïk ɣet abïk nhial cuööp.

Jop 10:16

ku të cän rɔt ŋɔ̈ɔ̈th, ke Yïn ee ya yɔ̈ɔ̈p, cït nɔn ee köör lɛ̈i yɔ̈ɔ̈p, ku loi kagɛ̈iyë, tɔ Yïn ke yɛn tɔ gum nuan.

Diɛt 104:20

Yïn cï wakɔ̈u cak, ku yen ee mɔ̈ɔ̈th yen ye läi roor kedhie jɔ bɛ̈n biic.

Diɛt 80:13

aye kuöl roor duöm piny në kecök, ku ciɛm ë läi roor.

Yith 1:23

Bänyku ayek A rɛɛc, ku mɛ̈ɛ̈thkï në cuɛ̈ɛ̈r, ku ayek miɔ̈c ku kumthok nööm kedhie. Acïkï mïth abɛɛr ee kony ë gööny yic, ku cïkï gööny de diëër abɛɛr cï yiɛ̈n keek ee piŋ.

Yith 59:12

“Bɛ̈nydït awɛ̈ɛ̈ckuɔn cuk wäc yïn ajuëckï. Awɛ̈ɛ̈ckuɔ ayek wo gaany. Aŋicku keek apiɛth kedhie.

Jeremia 14:7

Kɔckï ayek Yɛn lɔ̈ŋ an, ‘Cakaa nɔn cï karɛckuɔ wo gaany, Bɛ̈nydït kony wook, cït man cïn gutguut lueel. Wok cï röt wɛl wei ë Yïlɔ̈ɔ̈m raan juëc, wok cï kërac wäc yïn.

Jeremia 2:15

Ayek yiic ŋun në biäkde cït kɔ̈ɔ̈r, acïk pinyde tɔ ye jɔ̈ɔ̈r, ku cï pɛ̈ɛ̈nydïtke nyääŋ piny në riääkic ëbɛ̈n.

Jeremia 2:17

Yithriɛl, yïn cï ee kënë yiɛ̈në rɔt! Yïn cï ya nyääŋ piny, Yɛn Bɛ̈nydït Nhialicdu, ku ee Yɛn ë ciɛɛth yïn në pïïrdu yic ëbɛ̈n.

Jeremia 2:19

Awänyduön cäk loi yen abï we luöi këtuc, ku jäldun tëde Yɛn abï we luöi këtuc. Abäk ŋic nɔn tuc en thok ku rɛɛc, yen kë cä wek Ɛn nyääŋ piny, Yɛn Bɛ̈nydït Nhialicdun, ku bɛkï piɔ̈ɔ̈th ciɛ̈n adöt në Yɛn. Acä lueel, Yɛn Bɛ̈nydït Awärjäŋ.”

Jeremia 2:31

Kɔc ke Yithriɛl piɛŋkï kë lɛ̈k week. Cä ciët jɔ̈ɔ̈r tëde week, cä ciët mɔ̈ɔ̈th ku piny rac? Eeŋö ya wek en lueel an bäk lui cï kë nhiaarkï ë wepiɔ̈ɔ̈th, ku nɔn cäkkï bï kɔn bɛ̈n ciëën tëde Yɛn?

Jeremia 25:38

Bɛ̈nydït acï kɔcke nyääŋ piny cït man ë köör cï köŋde nyääŋ piny. Riɔ̈ɔ̈cdïït de tɔŋ ku agönh tuc de Bɛ̈nydït acï wut puk ke ee jɔ̈ɔ̈r.

Jeremia 30:14

Kɔc nhiaarkï acïk nïïm määr ë week, acïkï we be kuɔny. Wek cä mak cï raan de ater, luɔi cän we luöi këtuc atuc arëët, në biäk juëc ë awɛ̈ɛ̈ckun, ku kërɛɛcdun adït.

Jeremia 30:15

Du be gööny ë biäk ë tëtöökkun, acïn kë bï yïn tɔ waar. Wek cä luöi këtuc aya, në biäk juëc ë awɛ̈ɛ̈ckun, ku kërɛɛcdun adït.

Jeremia 30:24

Agönh tuc de Bɛ̈nydït acï rɔt bï puk, ke kën këdɛn kɔɔr bïï looi looi. Ku kënë abäk yökic në akööl ciëën bï bɛ̈n.

Jeremia 4:7

Acït köör bɔ̈ biic tëdɛn ë thiaan, kën ee juöör riɔ̈ɔ̈k acï bɛ̈n bei. Abï Juda bɛ̈n riɔ̈ɔ̈k. Pɛ̈ɛ̈nydït ke Juda abïï keek nyääŋ piny ke ke cï riääk, ku acïn raan bï ke cieŋ.

Jeremia 49:19

Yɛn bï bɛ̈n cït man ë köör bɔ̈ bei në tiim lɔ thïk në Jordan yɔu, ke bɔ̈ në wal tɔ̈c yiic, ku ta kɔc ke Edom tɔ kɔt ëthiäu pinyden. Ku bɛ̈ny bä lɔc abï jur jɔ ceŋ. Eeŋa duëër ë thɔ̈ɔ̈ŋ ke yɛn? Eeŋa duëër Yɛn guääk? Ee bɛ̈ny ŋa duëër teer ke Yɛn?

Jeremia 8:5

Eeŋö kɔckï, kë yal wek röt wei në Yalɔ̈ɔ̈m, ku cäkkï röt be pɔ̈k Ɛn? Wek cï nuɛt ë yiëthkun kɔ̈ɔ̈th, ku jaikï në baŋ bä wek röt pɔ̈k Ɛn.

Jeremia 8:7

Cakaa diɛt nhial aŋickï thaar ye kek kenïïm puk, ku guök ku amɔ̈r ku jak aŋickï thaar de jäl. Ku kɔckï, wek kuc lööŋ mac Ɛn ke week.

Dhiëëu 1:5

Kɔc de ater në Dhiɔn acïk tiam, ka amukkï në riɛlden. Acïï Bɛ̈nydït tɔ nuan në biäk de karɛckɛn juëc kedhie. Mïthke acï keek peec ku jɔtë keek wei.

Edhekiɛl 16:25

Wek ee läkdun daal ë tiɔ̈kic. Wek ee wegup gäm raan cï thiɔ̈k ke we, ku wek wär akɔɔrröör ë ceŋ.

Edhekiɛl 22:27

Bäny ke luɔi de miric acïtkï aŋuööth tëër lɛ̈n cïk nɔ̈k. Ayek kɔc nɔ̈k në biäk bï kek kuɛth.

Edhekiɛl 23:19

Ago jɔ lɔ ke ŋuak kɔ̈ɔ̈rdɛn ë röör nyin aläl, wään ee yen akɔɔrröör ë Rip, ke ŋoot ke ye dhuec.

Danyel 7:4

Kë tueŋë acït köör, ku ade wuök cï cuɔɔr. Ku të wën daai yɛn, wuök acï keek guɔ cuän bei. Go läi jat nhial ku tɔ kääc në yecök. Na wën ke gëmë nɔm de raan.

Danyel 7:6

Ku të wën daai ɛn, guɔ lɛ̈n däŋ tïŋ. Acït guöp kuac, ku ade kɔ̈u wuök kaŋuan, wuök cït wuök ke dit, ku ade nïïm kaŋuan. Ku ade bääny tiëc në daaide yic.

Ɣodh 5:14

Në biäk bän rɔt dɛ̈ny kɔc ke Yithriɛl cït köör, ku dɛ̈ny rɔt kɔc ke Juda cït man ë ŋun ë köör. Abä keek rɛtiic Yɛn guöpdï, ku nyääŋ keek piny. Abä keek kuaath, ku acïn raandɛn bï keek luäk bei në yaciin.

Ɣabakuk 1:8

“Jöŋgöörken aŋickï riŋ awärkï kuëc. Ku ayek ŋɛny wär aŋuööth nɛ̈k cɔk. Ku remdɛn de tɔŋ cath ë jöŋgöör kɔ̈ɔ̈th, ayek bɛ̈n tëmec. Abïk ciët cuɔɔr nyuc ë lɛ̈n ŋueet kɔ̈u.

Dhep 3:3

Bänyke ayek ŋäär cït kɔ̈ɔ̈r, ku cït bänykɛn ee lööŋ guiir aŋuööth nɛ̈k cɔk cï wäth, cïn yuɔɔm yek buɔ̈th miäk.

Kuɛ̈n 32:14

Ku ënɔɔnë wek cï tëde wärkun nööm, rem ë piɛc bɛ̈n de kɔc ee karɛc looi, rɛm cï röt coc kɔɔr bï agöny de Bɛ̈nydït bɛ yiɛ̈n kɔc ke Yithriɛl.

Nyuuth 13:2

Ku lɛ̈n rɛɛc wën cä tïŋ acït guöp kuac, ku cït cök lɛ̈ndïït rɛɛc cɔl köörayuääl, ku cït thok köör: ku ye ŋuäldït en aa gëm en riɛlde, ku thöönyde, ku bɛ̈ɛ̈nydɛndït cath ke ye.