Jeremia 5:3 - JAM DE NHIALIC 2011

³ Ee yic Bɛ̈nydït ee kɔc ee piɔ̈ɔ̈th adööt kɔɔr. Acï we luöi këtuc, ku akɛ̈nkï yök në wepiɔ̈ɔ̈th, acï we dum yiic, ku we kën wëët. Wek aake ril nïïm, ku wek cïï köör bäk röt puk në karɛckun yiic.

Jeremia 5:3 Iomraidhean Croise

Cäk 19:34

Na ɣɔn amiäk, ke lëk ë nyan kɛ̈ide nyan thiinë an, “Yɛn ë tɔ̈c wën akɔ̈u wokë wää. Beku tɔ dëk ë mɔ̈u ee köölë ayadäŋ. Ku bä tɔ̈c wekë yen, ke wo bï nïïm dɛ mïth në wääda.

1 Mel 13:33

Melik Jerobowam de Yithriɛl, akën e piɔ̈u puk në kërɛɛcde yic, ku aaye ŋoot ke kuany guc në kɔc ke Yithriɛliic ëbɛ̈n, alɔ raan cï yök, aye kuany ke ye bɛ̈ny ë kake Nhialic de ɣään thöny.

2 Mel 1:13

Na wën ke melik ë be bɛ̈ny ë rem de tɔŋ ee kek diäk bɛ tuöc en kekë kɔcke kathiërdhïc, go lɔ nhial në kuur nɔm, ku cuɛt rɔt piny ku tuk e miɔl në Elija nɔm, ku lïm ke cï röt kuɔɔr piny an, “Raan de Nhialic yïn läŋ bä wëikï pɔ̈l ku wëi ke lïïmku kathiërdhïc!

2 Lëk 16:9

Bɛ̈nydït ee pinynɔm caath ku woi, ke bï riɛl gäm kɔc piɛth piɔ̈ɔ̈th ee yen riëëu. Yïn cï tak cït man ë dhɔ̈n, gɔl ënɔɔnë leer tueŋ, yïn bï tɔ̈u ë tɔɔŋ yiic.

2 Lëk 28:22

Na wën aa cï awɛ̈ɛ̈c ke melik Aɣadh juëc, go Bɛ̈nydït luöi kërɛɛc kënë kɔn looi anande.

Diɛt 51:6

Tïŋ, Yïn ee yic kɔɔr në raan yäc thïn, ku ënɔɔnë wɛ̈ɛ̈të yɛn në pɛlënɔm ë ya piɔ̈u thïn.

Diɛt 51:8

Tɔ ya piŋ röl ë miɛtëpiɔ̈u kekë dɔl, tɔ yom cï dhuööŋë be piɔ̈ɔ̈th miɛt.

Diɛt 55:20

Raan ye wok cath acï määthke mak acï gutguutke dhoŋ kɔ̈ɔ̈th.

Kɛ̈ŋ 21:29

Täk në kueer piɛth ee këde kɔc piɛthpiɔ̈ɔ̈th, ku kɔc ee karɛc looi ayek röt guɔ tɔ cït kɔc piɛth.

Kɛ̈ŋ 22:12

Ŋïny de käŋ aye Bɛ̈nydït gël, ku ee jam de kɔc cïn gäm tɔ cïn naamde.

Kɛ̈ŋ 23:35

Abä jɔ lueel an, “Yɛn cï dhil dui, acïk a dui ku akɛ̈n yök. Eeŋö cän pääc? Yɛn kɔɔr mɔ̈n däŋ lɔ dek.”

Kɛ̈ŋ 27:22

Të ciɛkë raan piɔl piɔ̈u kɔ̈ɔ̈m ë käm ë rap, ke pial ë piɔ̈nde acie jäl.

Yith 26:11

Acïï ë kɔc ke aterdu ŋic nɔn bï Yïn ke luöi këtuc. Tɔ ke yäär Bɛ̈nydït ku tɔ ke nuan, tɔ ke yök nuan cï kiëët në biäkden. Nyuöth ë keek nhiëër dïït nhiɛɛr Yïn kɔcku.

Yith 42:25

Ago wook tɔ yök rac de agönhde ku gumku akuöörkuöör de tɔŋ. Go agönhde dëp cï mac në Yithriɛl yic ëbɛ̈n, ku wok kuc kë loi rɔt, acïn kë cïï wok wëët në ye yic taitai.

Yith 48:4

Aa ŋiɛc nɔn bïï wek riɛl ë nɔmdun nyuɔɔth, wek ril nïïm ëtör cï wëëth ku cäkï wenïïm ee waar cï maläŋ.

Yith 9:13

Kɔc ke Yithriɛl akënkï kepiɔ̈ɔ̈th puk, cakaa nɔn cï Bɛ̈nydït de rɛm ke luöi katuc, akënkï röt pɔ̈k En.

Jeremia 15:7

We ya wiɛɛu ë yomic cï wal, ë wuöt ke pinydun ëbɛ̈n. Kɔckï wek cä riɔ̈ɔ̈k, ku näk mïthkun, në biäk kën wek kuɛɛrkuön rac pɔ̈l.

Jeremia 17:23

Kuarken akënkï jamdï piŋ, ku cïn këden yic thïn ë yen. Acïk nïïm bɛ̈n riɛl, akënkï ya riëëu ku cïkkï wɛ̈ɛ̈t tëde Yɛn.

Jeremia 19:15

an acïï Bɛ̈nydït de rɛm, Nhialic de Yithriɛl lueel an, “Yɛn bï ee pänydïïtë kekë wuöt thiääk ë yen kedhie, luöi këtuc wään cä lueel an bä looi, në biäk riɛl wek nïïm, ku cäkkï kë luɛɛl ee piŋ.”

Jeremia 2:30

Yïn cä luöi këtuc, ku acïn këpiɛɛth cï looi, yïn kën Yɛn pɔ̈l bä yï jɔ̈ɔ̈ny. Yïn cï tïtku nɔ̈k në abätäu, cï köör cï wäth.

Jeremia 3:3

Yen acï deŋ tɔ yaak ke cïï tueny, ku yen akën ë nyïïn bɛ thiɔɔr ke ke bɔ̈ biic. Ku yïn ee tïc cït tiiŋ akɔɔrröör, yïn cïn guöp ayäär.

Jeremia 32:19

Yïn ee kïït ë pɛlënɔm looi ku loi kadït, Yïn ee këriëëc looi ë raan ëbɛ̈n woi, ku aye ke thieei në kë röŋ ke luɔiden.

Jeremia 35:13

An, “Acïï Bɛ̈nydït de rɛm, Nhialic de Yithriɛl lueel an: Lɔɔr lɛ̈kë kɔc ke Juda ku kɔc ceŋ Jeruthalem, an eeŋö cä wek lööŋkï ku wɛ̈ɛ̈t cä gäm week ee riëëu?

Jeremia 44:10

Ku agut cï ee köölë wek kën röt kuɔɔr piny. Wek kën ya riëëu, ku wek kën rɛ̈ɛ̈r në wɛ̈ɛ̈t de lööŋkï yiic, lööŋ cä gäm week ë kuarkun.

Jeremia 7:26

Ku acïn raan ee këden gam ku cïn raan piŋ këden. Ku wek cï nïïm riɛl ku rɛɛckï käŋ awär kuarkun.

Jeremia 7:28

Abä lɛ̈k keek an jurden acïï Yɛn ee riëëu, Yɛn Bɛ̈nydït Nhialicden, ku acïkï wɛ̈ɛ̈t në kë tuc cï luöi keek. Luɔi adöt acï thou. Acïn raan ee bɛ jam në yen.

Jeremia 8:5

Eeŋö kɔckï, kë yal wek röt wei në Yalɔ̈ɔ̈m, ku cäkkï röt be pɔ̈k Ɛn? Wek cï nuɛt ë yiëthkun kɔ̈ɔ̈th, ku jaikï në baŋ bä wek röt pɔ̈k Ɛn.

Edhekiɛl 2:4

Keek arilkï nïïm, ku acïkï Yɛn ee riëëu, ka yïn tuɔɔc bä keek lɔ lɛ̈k, kë lɛ̈k keek, Yɛn Bɛ̈nydït Awärjäŋ.

Edhekiɛl 24:13

Jeruthalem karɛckuön ye looi acïk yïn dhiöök. Na cak them bä yïn tɔ lɔgɔk, yïn ee ŋoot ke yï de acuɔl. Yïn cïï bï bɛ lɔgɔk, aɣet të bïï yïn tuöc de agönhdï yök thok.

Danyel 9:13

ago wook tɔ luiyë këtuc wään cï lueel ë löŋ de Mothe yic ëbɛ̈n. Ku na cakaa ënɔɔnë, Bɛ̈nydït Nhialicda, akënku them buk yïn tɔ mit piɔ̈u në päl pɛ̈l wok karɛckuɔ ku kuɛnyku yithku cök.

Lebai 26:23

“Ku në ee kakë yiic kedhie, ku ŋuɔɔtkï ke we cïï jamdï gam ku lakï tueŋ ke we loi ater në yɛn.

Amoth 4:10

“Wek cä luöi riääkdït, cït riääk ɣɔn cä kɔn luöi kɔc ke Rip. Yɛn ë wɛ̈ɛ̈t dhuökkun tɔ näk tɔŋ, ku jöŋgöörkun abä ke peec ë tɔŋ. Ku ta we tɔ nɛ̈k aŋuäc de kɔc cï thou ë pɛɛnykun yiic. Ku wek ŋoot ke we kën röt pɔ̈k Ɛn. Kë cïï Bɛ̈nydït lueel ka.

Amoth 4:11

“Yɛn ë kɔckuön kɔ̈k riɔ̈ɔ̈k cït man wään riääk Ɛn Thɔdom kekë Gomoora. Kɔc cï pïïr ë we yiic, wek cït luny ë tim ë göpë bei mɛɛc. Ku wek ŋoot ke we kën röt pɔ̈k Ɛn.” Kë cïï Bɛ̈nydït lueel ka.

Amoth 4:6

“Ee Yɛn ë tɔ week nɛ̈k ë cɔk në wuöt yiic, ku ta week cïn rap në bɛ̈i yiic kedhie. Aa luɔi aya ke we bï röt pɔ̈k ɛn. Ku wek kën röt bɛ̈n pɔ̈k ɛn.

Amoth 4:8

Ku kɔc cï yiɛɛl wei acïk thiëi ë wuöt yiic ke ke kɔɔr pïïu, ku acïn pïïu cïk yök. Ku wek ŋoot ke wek cïï röt puk Ɛn. Kë cïï Bɛ̈nydït lueel ka.

Amoth 4:9

“Wek cä tuöc käm juëc riäk rɛɛpkun, ku yiën week kɔyɔm riëëk duumkuön ke tiim ëbɛ̈n, tiim ke enap, ayï tiim ke olip. Ku wek ŋoot ke wek kën röt pɔ̈k Ɛn. Kë cïï Bɛ̈nydït lueel ka.

Dhep 3:7

Ku aa cä tak an bï kɔckï A yiɛ̈n riëëu ku gamkï duidï, ku cïï ɣöötken bï bɛ nyuän thäär bei, ku ënɔɔnë aŋootkï ke ke loi karɛc cït ëmanë.

Romai 2:2

Ku aŋicku jäny ee Nhialic kɔc jɔ̈ɔ̈ny, kɔc ë ka cït ee kakë looi, nɔn ee yen jäny yic.

Ɣeberuu 12:9

Wärkuɔn ke piny nɔm ayek wo dui në dui rac ku ŋootku ke ke riëëuku, ku cïï ŋuän duëërku Wäärdan ë wëikuɔ riëëu ku buk pïïr!