Jeremia 5:12 - JAM DE NHIALIC 2011

¹² Kɔc ke Bɛ̈nydït acïk Yen rɛɛc, ku luelkï an, “Acïn kë bïï looi ë yic. Acïn nuɛɛn bï wo yök, acïn abätäu buk tïŋ, ayï cɔk.”

Jeremia 5:12 Iomraidhean Croise

2 Lëk 36:16

Gokï tuuc ke Nhialic dɔl gup, ku dhɛ̈lkï wëlkɛn lueelkï yiic, ku buikï tïtke gup, aɣët abï agönh de Bɛ̈nydït dït në kɔcke gup ku cïn luɔi bïï ë kɔc ban.

Diɛt 10:6

Ayek lɛ̈k röt kapäc an, “Wok cïï duëër kɔn wïïk, acïn nuan duëër wo kɔn yök.”

Diɛt 14:1

Aye dhän lueel në kepiɔ̈ɔ̈th an, “Acïn Nhialic!” Ayek kɔc cï riääk kedhie, ku acïk kanhiany looi, acïn raan töŋ ee këpiɛth looi në keyiic kedhie.

Kɛ̈ŋ 30:9

ku cä bï kuɛth abä nɔm määr në Yïn, ku na cä dak, ke yɛn duëër dhil kual ku ta rinku lɛ̈ɛ̈të.

Jeremia 14:22

Acïn yanh de juöör kɔ̈k duëër deŋ bɛ̈ɛ̈i, ayï tënhial yetök acïï duëër nyieer. Wok cï aŋäth tääu ë Yïguöp, Yïn Bɛ̈nydït Nhialicda, në biäk yen Yïn ë loi ee kakë.

Jeremia 2:6

Akënkï diɛɛr në Yɛn, cakaa nɔn cän ke luäk bei në Rip, ku caath keek në jɔ̈ɔ̈ric, piny ril cïnic pïïu, të cïn raan rɛ̈ɛ̈r thïn, ku cïn raan ee cath thïn.

Jeremia 28:4

Ku Yɛn bï Jekonia wën de Jeɣoyakim melik de Juda pɔ̈k nɔm ciëën ayadäŋ kekë kɔc ke Juda kedhie, kɔc wään cï peec ë kac ke Babilonia. Ee yic, Yɛn bï riɛl de Babilonia dhoŋ kɔ̈u. Acä lueel, Yɛn Bɛ̈nydït.”

Jeremia 4:10

Ku ja lueel an, “Bɛ̈nydït Awärjäŋ Yïn cï kɔc ke Jeruthalem math taitai, acï lueel an, abïk dɛk mät ku ee abätäu yen atɔ̈u në keröt.”

Jeremia 43:1

Na wën aacï Jeremia jɔ thök ë jam ke kɔc kedhie, ku cï ke lɛ̈k wël ke Bɛ̈nydït Nhialicden kedhie, wël ë tooc ë Bɛ̈nydït Nhialicden Jeremia bï lɛ̈k keek.

Jeremia 5:31

tït ee lueth ke yek lueel, bäny de kakë Nhialic ayek käŋ looi, ku jɔ tït keek aa yɔ̈ɔ̈k, ku kɔckï acïn kë yek rɛɛc. Ku eeŋö bïk looi të lee këriëëc ëbɛ̈n lɔ kɔ̈ɔ̈c?”

Jeremia 6:14

Ayek käŋ looi abï tëtöök ke kɔckï aa ciët piär tei. Ayek lueel an, ‘Acïn kërac,’ të cïn en këpiɛth nu.

Edhekiɛl 13:6

Nyuuthken ayek lueth, ku cäärden ee tör. Ayek lueel an guiirkï wëlkï, ku akɛ̈n keek tooc. Ku ŋoot ke yek lueel nɔn bïï wëlken bɛ̈n ke ke ye yith!

Maika 2:11

“Të de yen aluenh cï bɛ̈n, ku lëk week an, ‘Wek bä thuɛ̈th mɔ̈u ayï mɔ̈n tuc, ka bïk juëc.’ Yen tiët yak gam ka.

Maika 3:11

Bäny ke pänydït ayek wut mac në kumthok, ku wëët bänykɛn ke kake Nhialic kɔc në ariöp. Ku tïtken ayek cɔ̈ɔ̈r në wëu. Ku ŋootkï ke ke ye röt kan në Bɛ̈nydït, ku luelkï an, “Bɛ̈nydït atɔ̈u në woyiic, ka acïn kërɛɛc bï wo yök.

Nyöŋ 29:19

Thɛmkï apiɛth ë cïn raan ë we yiic, raan piŋ ee ka kɔɔr keek ee köölë ku lee rɔt yɔ̈ɔ̈k yetök an käŋ kedhie abïk piath tëde yen, cakaa yen ë lɔ kueerdɛn däŋ gɔl, kënë aduëër week riɔ̈ɔ̈k wedhie, kɔc piɛth ayï kɔc rac akït.

1 Jɔn 5:10

Raan gam Wën ë Nhialic ke jam lueel cäätɔɔ acath kekë yen: raan reec Nhialic gam ka ye Nhialic tɔ ye alueeth, luɔi ë reec en jam lueel Nhialic në këde Wënde.

1 Tham 6:9

Ku woikï na bïï lɔ, na le yenɔm wɛl wun cɔl Beth Cemec, ke ŋiɛckï nɔn Yen Nhialic de Yithriɛl Yen ë yïn wook ee jɔɔkë. Ku na kën yenɔm wɛl Beth Cemec, ka abuk jɔ ŋic nɔn cie Yen ë yïn wook ee jɔɔkë, ka jɔɔk aake bɔ̈ kapäc tei.”