Jeremia 48:2 - JAM DE NHIALIC 2011

² dhuëëŋ de Mowap acï jäl. Kɔc ke ater acïk Ɣecbon peec, ku acï guiir nɔn bï kek jur cɔl Mowap riɔ̈ɔ̈k. Pänydït de Madmen abï miɛɛm thok, rɛm ke tɔŋ abïk lɔ thïn.

Jeremia 48:2 Iomraidhean Croise

Yith 15:1

Kënë ee jam në biäk de Mowap. Pɛ̈ɛ̈nydït ke Ar ku Kir acï ke riɔ̈ɔ̈k në wɛ̈ɛ̈r tökic, ku jɔ piny de Mowap lɔ dïu ëbɛ̈n

Yith 15:5

Yɛn dhiau piɔ̈u në këde Mowap! Kɔc acïk kɛt wutic Dhowar ku Eglath Celicia. Kɔ̈k acïk kueer ë Luɣith dɔmic ke ke dhiau, ku lɔ kɔ̈k thiaan ë Ɣoronaim ke ke cï piɔ̈ɔ̈th jiɛth arëët.

Yith 16:14

Ku ënɔɔnë aye Bɛ̈nydït lueel an, “Në run kadiäk yiic ëdhöc, kuɛth dïït de Mowap abï määr. Ayï kɔc juëcke abïk thök, ee kɔc lik kek bï döŋ apïïr, ku abïk nïïm ciën riɛl.”

Yith 25:10

Bɛ̈nydït abï kuur ë Dhiɔn gël, ku kɔc ke Mowap abï ke dum yiic ë kɔc cök, cït man ye anin dum yic të nuɛɛi ë tiɔp.

Jeremia 25:15

Acï Bɛ̈nydït Nhialic de Yithriɛl Lueel an, “Kënë ee cum de mɔ̈u cä thiɔ̈ɔ̈ŋ në agönhdï. Yiɛ̈në juöör ëbɛ̈n, juöör tuɔɔc Yɛn yïn tënu kek, ku tɔ keek dëk në ye.

Jeremia 25:17

Guɔ cup nööm ë Bɛ̈nydït ciin, ku gäm juöör ëbɛ̈n, juöör cï Nhialic ya tuöc keek, ku ta dëk ë ye yic.

Jeremia 31:36

Acï gutguut lueel an na ŋoot lööŋ cï mac ke ke tɔ̈u ë täuden, ke Yithriɛl abï ŋoot ke ee jur.

Jeremia 33:24

“Cï piŋ luöi ye kɔc ye lueel an, cä Yithriɛl kekë Juda rɛɛc, kek ɣööt kaarou cä ke lɔc? Ku ayek kɔckï woi gup në abiaan, ku acïkï keek ee bɛ woi ke ke ye jur.

Jeremia 46:28

Yɛn bï bɛ̈n tëde week ku kuɔny week. Yɛn bï juöör riɔ̈ɔ̈k ëbɛ̈n, të cän week thiäi piny, ku wek cä ke bï riɔ̈ɔ̈k. Ku we cä bï pɔ̈l ke we kën luöi këtuc, ku të lan week luöi këtuc, abä looi arɔ̈ŋ. Acä lueel, Yɛn Bɛ̈nydït.”

Jeremia 48:17

“Dhiëëukï ee jurë, wek kɔc rëër tëthiɔ̈k në yen, wek kɔc kedhie kɔc ŋic kɛkde. Luɛlkï an, ‘Bäänydɛn ɣɔn muk në riɛl acï dhoŋ kɔ̈u, dhuëëŋde ku riɛldɛndït acïï be tɔ̈u.’

Jeremia 48:42

Mowap abïï riɔ̈ɔ̈k ku acïï bï bɛ aa jur, në biäk cïï yen A rɛɛc gam.

Jeremia 48:45

Kɔc cï kat cïn riɛl, athemkï bïk kuɔɔny lɔ yök ë Ɣecbon, pänydïït wään cïï ë melik Thiɣon kɔn mac, ku adɛ̈p. Mac acï wuöt nu këëc ku kur ke Mowap nyop, kɔc nhiaar tɔŋ.

Jeremia 49:3

Cɔ̈tkï arëët! Kɔc ke Ɣecbon! Ai acï riɔ̈ɔ̈k! Lak dhiaukï diëër ke Rabba! Tääukï lupɔɔ ke cual ku dhuöörki. Yak riŋ ke wïïl piny në anuɔɔn. Yanhduön Molek abïï peec kekë gucke ku wɛ̈ɛ̈t meliikke.

Jeremia 49:37

Yɛn bï kɔc ke Eelam tɔ riɔ̈c në kɔc ke aterden, kɔc kɔɔr bïk keek nɔ̈k. Në agönhdiën dït Yɛn bï kɔc ke Eelam riɔ̈ɔ̈k ku tuöc keek remdïït de tɔŋ agut të bän keek cuöth bei.

Kuɛ̈n 32:37

Ku yïk kɔc ke dhiën ë Ruben Ɣecbon, ku Eliɛla, ku Kiriathaim.