Jeremia 42:2 - JAM DE NHIALIC 2011

² Agokï lɛ̈k tiët Jeremia an, “Loi kë lɛ̈kku yïn! Läŋ Bɛ̈nydït Nhialicda ë biäkda. Läŋë ë biäkda wodhie, wok kɔc cï poth. Ɣɔn thɛɛr wok juëc, ku ënɔɔnë, wok cï döŋ ke wo lik cït man woi yïn en.

Jeremia 42:2 Iomraidhean Croise

1 Mel 13:6

Go melik Jerobowam lɛ̈k raan de Nhialic an, “Acï go aa dhääl läŋ Bɛ̈nydït Nhialicdu në biäkdï, ku thiëc bï köŋdï tɔ waar!” Go raan de Nhialic lɔ̈ŋ në biäkde go kök waar cït man wën.

Diɛt 119:170

Piŋ lɔ̈ŋdï, ku kony yɛn wëi cït man cï yïn gutguut lueel!

Bɛ̈n 8:28

Go melik lɛ̈k keek an, “Të cä wek en bï lɔ baaric tëmec, ke we bä tɔ jäl lak Bɛ̈nydït Nhialicdun näk ë jɔ̈ɔ̈ric. Ku ënɔɔnë, läŋkï në biäkdï.”

Bɛ̈n 9:28

Ka week, läŋkï Bɛ̈nydït! Wok ë bec në rel ë deŋ, ku kɔɔi! Acä gam nɔn bän we tɔ jäl. Wek cï bï bɛ rëër eenë.”

Yith 1:15

“Të la wek we cin taar në lɔ̈ŋ, wek cä bï lieec, na we cak lɔ̈ŋ në lɔ̈ŋ yïndï, ke acä bï piŋ, në luɔi cïï cinkun thiäŋ në rim.

Yith 1:9

Të ë Bɛ̈nydït de rɛm ë kën kɔc kɔ̈k pɔ̈l apïr, adï cï Jeruthalem riɔ̈ɔ̈k taitai, cït man ë Thɔdom ke Gomoora.

Yith 37:4

Melik de Athiriya acï Rabcaka bɛ̈ny de remdɛn ë tɔŋ tuööc bïï Nhialic pïïr läät. Bɛ̈nydït Nhialicda abï lɛ̈ɛ̈t lɛ̈ɛ̈t ë Yen piŋ, ku lui këtuc kɔc ë luel keek. Bä läŋ Nhialic në biäk de kɔckuɔn cï döŋ apïr.”

Yith 42:20

Yithriɛl yïn cï kajuëc tïŋ, ku eeŋö yek lɛ̈k yïn? Yïn de yith yïn ke piŋ ku eeŋö cï piŋ ë yic?”

Jeremia 15:11

Bɛ̈nydït tɔ aciɛɛn ëbɛ̈n tɔ ee yic, na kɛ̈n yïn luöi ë yic, ku na kɛ̈n yïn lɔ̈ŋ në biäk de kɔc ke aterdï, wään cï kek nuan ku cïk nïïm mum.

Jeremia 2:27

Wek bï yɔ̈ɔ̈r gup, wek kɔc ee ye lueel nɔn ye tim wuur ku ye kuur moor. Kënë abï rɔt looi në biäk cïï wek röt yal wei tëde Yɛn në nyin duëër wek röt dɔ̈k Ɛn, ku na tɔ̈ukï në riääkic, wek ee Ya bɛ̈n kɔɔr bä we kony.

Jeremia 21:2

“Luɔpë Bɛ̈nydït në biäkda, në biäk luiyë wo tɔŋ ë Nebukadnedhar melik de Babilon kekë remdɛn ë tɔŋ, tɛkdäŋ bï Bɛ̈nydït këdïït de gäi looi ë biäkda ku tɔ Nebukadnedhar tɔ puk rɔt.”

Jeremia 36:7

Tɛk däŋ bïk Bɛ̈nydït lɔ̈ŋ ku pukkï röt ë kuɛɛrkɛn rac yiic, ë biäk cï Bɛ̈nydït kɔckë lɛ̈k në agöth ku diu ë piɔ̈u.”

Jeremia 37:20

Ku ënɔɔnë yïn meliŋdït, yïn läŋ bä këdï piŋ, ku loi kë bä thiëëc. Du yɛn be tuɔɔc në alooc nu baai de Jɔnathan yic. Na lɔ lɔ looi yɛn bï thou ëtɛ̈ɛ̈n.”

Jeremia 37:3

Na wën ke melik Dhedekia, ë toc Jeɣukal wën de Celemia, ku Dhepania wën de Maathia, bɛ̈ny de kake Nhialic, bïk tiët Jeremia luɔp në luöi bï yen Bɛ̈nydït Nhialicda lɔ̈ŋ, në biäk ë jurda.

Jeremia 38:14

Në kööl däŋ go melik Dhedekia tiët Jeremia tɔ yïn ë yen, në kal de diäk thok në Luaŋdït yic, ago lueel an, “Yïn bä luɔp ë lop tök, ku yïn kaar bä ya lɛ̈k yic.”

Jeremia 40:15

Na wën ke lëk ë Joɣanan yen tëden kapäc an, “Tɔ yɛn lɔ bä Yicmiɛl lɔ nɔ̈k, ku acïn raan bï raan ë näk en ŋic. Eeŋö duëërë yen pɔ̈l anäk yïn? Kënë aduëër kɔc ke Judai cï kenïïm kut ë yïlɔ̈ɔ̈m tɔ thiäi, ku abï riääkdït yiɛ̈n kɔc kedhie kɔc lik cï döŋ ë Juda.”

Jeremia 42:20

wek bï awäny rac looi. Wek cï ya thiëëc bä Bɛ̈nydït Nhialicda lɔ̈ŋ në biäkdun, ku wek cï gutguut lueel nɔn bä wek kë cï lueel ëbɛ̈n looi.

Dhiëëu 1:1

Eeŋö cïï Jeruthalem döŋ aya yetök, wun wään cï kɔn thiäŋ ke kɔc! Wun wään ye juöör riëëu, ënɔɔnë acï ciët tiiŋ thuööm. Adhuëëŋ ke pɛ̈ɛ̈nydït acï keek tɔ ye lïïm.

Edhekiɛl 12:16

Yɛn bï kɔc lik tɔ pïïr në tɔŋic, ku cɔk, ku jɔɔk, yen abïï kek e jɔ ŋic në juöör yiic ëtɛ̈ɛ̈n, abïk jɔ ŋic nɔn rɛɛc ë ka wään yek looi, ku abïk a ŋic nɔn ee Yɛn Bɛ̈nydït.”

Ɣodh 8:10

Na cakaa nɔn cï kek röt ɣɔ̈c juöör, abä keek bɛ mat yiic tëtök, ku luöi keek këtuc. Ka abïk thök në meliik cin, meliik yɔŋ keek.

Lebai 26:22

Yɛn bï läi rac tuöc week, ku abïk mïthkun ruöm bei në wecin ku riäärkï ɣɔ̈kkun, ku tɔkï week lik aläl ka kuɛɛrkun abïk keek pɔ̈l.

Amoth 7:2

Na wën ë nyuuthic, ke ya tïŋ kɔyɔm acï këriëëc tɔ̈c cam ëbɛ̈n në ee pinyë. Guɔ lɔ̈ŋ an, “Bɛ̈nydït Awärjäŋ, pälë kɔcku awänyden! Duëërkï pïïr adï? Keek akoorkï ku akɔ̈ckï?

Math 24:22

Ku të kënë aköölkë teem kɔ̈ɔ̈th, ka cïn kɔc duëërë luök, ku në baŋ de kɔc cï lɔc, aköölkë abï ke teem kɔ̈ɔ̈th.

Luɔi 8:24

Go Thimon bɛ̈ɛ̈r an, “Läŋkï Bɛ̈nydït në këdï, ke bï ciën kë bï bɛ̈n ë yaguöp në ka wën cäk lueel.”

Nyöŋ 28:62

Cak aa wek ë cï juëc abäk ciët kuɛl nu nhial, ee kɔc liaakäŋ tei kek abï pïïr ë weyiic, në biäk kën wek Bɛ̈nydït Nhialicdun riëëu.

Nyöŋ 28:63

Cït man Ye Bɛ̈nydït piɔ̈u miɛt në kuɛthdunic, ku juëc bä wek juëc, yen abï Yen piɔ̈u miɛt aya në riääk riëëk En week, ku bïï riääk dït tëde week. Wek bï cuän bei në piny bäk lɔ nöömë yic.

Nyöŋ 4:27

Bɛ̈nydït abï week thiäi piny ë juööriic, të bïï kɔc liaakäŋ kapäc lɔ pïïr ë we yiic.

Jakop 5:16

Yen aa wek awɛ̈ɛ̈c gam ë röt wapäc, ku yak lɔ̈ŋ në röt wapäc, ke we bï dem. Pal ë raan piɛthpiɔ̈u, pal cath ke riɛl, en aye kajuëc tiaam.

1 Tham 12:19

agokï lɛ̈k Thamwɛl an, “Bɛ̈ny, läŋ Bɛ̈nydït Nhialicdu, ke wo cïï bï thou. Ku ënɔɔnë acuk ŋic, na ciɛk dɛk karɛckuɔn kɔ̈k, ke wok cï wäc në baŋ cïï wok melik kɔɔr.”

1 Tham 12:23

Na yɛn, yɛn cï kuëëŋ në Bɛ̈nydït nɔn bän aa lɔ̈ŋ në biäkdun. Kë bä looi ee luɔi bän we piööc bäk këpiɛth ku yic aa looi.

1 Tham 7:8

agokï lɛ̈k Thamwɛl an, “Ee Bɛ̈nydït Nhialicda lɔ̈ŋ ë ceŋ, ke wo cïï kɔc ke Pilithiin bï nɔ̈k.”