Jeremia 40:1 - JAM DE NHIALIC 2011

¹ Go Bɛ̈nydït jam ke yɛn, ɣɔn cïï Nebudharadan bɛ̈ny de rem ya lony në Rama. Yɛn aacï lɛɛr ëtɛ̈ɛ̈n ke ya mac, wokë kɔc kɔ̈k ke Jeruthalem ku kɔc ke Juda ëtök, kɔc wään leerë keek Babilonia ke ke mac.

Jeremia 40:1 Iomraidhean Croise

2 Lëk 16:1

Na ɣɔn ë ruöön thiërdiäk ku dhetem ë bääny de Atha yic melik de Juda, go Baaca melik de Yithriɛl Juda yiɛ̈n tɔŋ, ku gɔl ë luöi yïk en Rama gëlgël, ago kuɛɛr thiöök thook kedhie, kuɛɛr ee bɛ̈n Juda ku ka lɔ biic.

Diɛt 107:16

Bɛ̈nydït acï athïïn ke maläŋ dhuɔŋ piny ku dhoŋ gɛ̈ɛ̈rgɛ̈ɛ̈r de wëth kɔ̈ɔ̈th.

Diɛt 68:6

Ee raan rɛ̈ɛ̈r Yetök gäm baai bïï cieŋ, ku tɔ kɔc cï mac lony ku tɔ ke kueth, ku kɔc ee Nhialic rɛɛc, abïk rëër ë jɔ̈ɔ̈ric.

Jeremia 31:15

Aye Bɛ̈nydït lueel an, “Awuɔɔu aye piŋ ë Rama, awuɔɔu ë dhiën kec. Racel adhiëëu mïthke, acï ke nɔ̈k, ku acï luŋëpiɔ̈u rɛɛc.

Jeremia 39:9

Ku kë ciëën, go Nebudharadan bɛ̈ny tueŋ de rem, kɔc wën cï döŋ ë pänydïtic jɔt ëtök në kɔc cï röt mät yen, leer keek Babilonia ke ke mac.

Jeremia 42:7

Na wën aa lɔ nïn kathiëër tɛ̈ɛ̈k, ke Bɛ̈nydït ë jam ke yɛn,

Edhekiɛl 33:21

Në kööl de dhïc, në pɛɛi de thiëër, në ruöön ye run ë peec ë wook thiëër ku rou, aa de raan cï rɔt kual ë Jeruthalem acï bɛ̈n ku lɛ̈k ɛn nɔn cïï pänydït löny.

Luɔi 21:13

Go Paulo bɛ̈ɛ̈r an, “Eeŋö luɔikï wäkya, abäk a tɔ cuän piɔ̈u në dhiëndun? Acie mäny mɛcë ya ë Jeruthalem en gam etök, ayï thuɔɔu acä gam aya, në baŋ de rin ke Bɛ̈nydït Yecu.”

Luɔi 28:20

Kë ë caal ɛn week ka, ee tïŋ bän week tïŋ, aguɔ jam wo week, në baŋ de aŋäth de Yithriɛl, yen a mɛcë yɛn ë jothë.”

Epethiei 6:20

Ku luɔi aa yɛn tuny guiir keek, en a mac ɛn ë joth: yak jɔ lɔ̈ŋ, ke ya bï jam ë jam bän dhil jam, ke ya cïï riɔ̈c.

Jocua 18:25

Ku wuöt kɔ̈kken ee yï Gibiɔn kekë Rama, ku Beeroth,

1 Tham 7:17

Ku aaye yenɔm dak baaiden në Rama, të wään yen luui thïn ke ye bɛ̈ny de luk. Na wën ke yïk yïk Bɛ̈nydït në Rama.