Jeremia 4:4 - JAM DE NHIALIC 2011

⁴ Mɔ̈kkï mändun në Yɛn Bɛ̈nydïtdun, ku gämkï röt Ɛn, wek kɔc ke Juda ku Jeruthalem. Na cäk ye lɔ looi ke agönhdï abï dëp cït mac në biäk de awɛ̈ɛ̈c cäk looi, abï dëp ku abï ciën raan liiu en.”

Jeremia 4:4 Iomraidhean Croise

2 Lëk 34:25

Acïk ya rɛɛc ku acïk miɔ̈c de wal ŋïr gäm yiëth kɔ̈k, ka cïk agönhdï jat nhial në ka cïk looi ëbɛ̈n. Agönhdï acä wɛ̈l nɔm Jeruthalem, ku acïï bï thök.

Yith 10:17

Nhialic, ee ɣɛɛr de Yithriɛl, abï aa mac. Nhialic Ɣeric abï aa lɔ̈k de mac, abï këriëëc nyop ëbɛ̈n në kööl tök, ayï kuɔɔth ku thil.

Yith 30:33

Ɣɔn thɛɛr ade të cï kiëët bï gök de mac dëp thïn bï melik de Athiriya nyop. Athuth ku alääuwic, ku acï thɔ̈ɔ̈ŋ në wal ku tiim juëc. Bɛ̈nydït abï wëi në nyïïn ke mac bï ye ɣaak.

Yith 51:17

Jeruthalem jɔ pääc! Jɔt rɔt ku kääcë! Yïn cï dek në abïny de këtuc kë cï Bɛ̈nydït gäm yïn bä dek në agönhde, guɔ ë thölic ëbɛ̈n go yï tɔ cath ke yï tuëk.

Jeremia 15:14

Abä keek tɔ luui kɔc ke aterden piny cïn kë ŋickï thïn, në biäk cït agönhdï mac, ku abï dɛ̈p aɣet athɛɛr.”

Jeremia 21:5

Yɛn bï thɔ̈ɔ̈r wo yïn ë riɛldï ëbɛ̈n, në agöth, ku në tuöc ë piɔ̈u ku në agönhdït.

Jeremia 23:19

Agönhde ee amaŋdït, ee yomdïït bï lööny ë kɔc ee karɛc looi nïïm,

Jeremia 36:7

Tɛk däŋ bïk Bɛ̈nydït lɔ̈ŋ ku pukkï röt ë kuɛɛrkɛn rac yiic, ë biäk cï Bɛ̈nydït kɔckë lɛ̈k në agöth ku diu ë piɔ̈u.”

Jeremia 44:22

Yen ee köölë pinydun adhɔt ke cï riɔ̈ɔ̈k, ku acïn raan ceŋ en. Acï aa tëde riɔ̈ɔ̈c, ku ye kɔc lueel ke ya aciɛɛn, në luɔi cïï Bɛ̈nydït luɔiduön rac bï bɛ guum.

Jeremia 9:25

Aye Bɛ̈nydït lueel an, “Akööl abïkï, kööl bän kɔc cï cueel, ayï kɔc kën ë cueel luöi këtuc.

Jeremia 9:26

Kɔc ke Rip, ku Juda, ku Edom, ku wɛ̈ɛ̈t ke Ammon, ku Mowap, ku kɔc ee rëër ë jɔ̈ɔ̈ric kedhie, kɔc ë nhïmken tem nïïm, kek e juöörkë kedhie akënë keek cueel, ku baai de Yithriɛl ëbɛ̈n akën ë keek cueel piɔ̈ɔ̈th.”

Dhiëëu 4:11

Bɛ̈nydït acï agönhdɛn tuc aläl wɛ̈lnɔm Dhiɔn, acï Dhiɔn ɣök many cï yen nyuɔp piny ayï këërkëërde.

Edhekiɛl 16:38

Yïn bä luöi këtuc në biäk de kɔ̈ɔ̈r ë diäär ku nääk de kɔc, ku në agönhdï, ku tuöc de piɔ̈ndï yïn bä mäc thuɔɔu.

Edhekiɛl 18:31

Pälkï luɔi de karɛc wään yak looi, ku gämkï röt täŋ piɛth ku piɔ̈ɔ̈th piɛth. Eeŋö kaar wek thuɔɔu baai de Yithriɛl?

Edhekiɛl 20:33

Ee yic, ke ya ye Bɛ̈nydït Awärjäŋ, yɛn ee Nhialic pïïr, wek cä jɔ̈ɔ̈ny në agönhdï, wek bä cieŋ në ciin ril, ku në riɛldï ëbɛ̈n

Edhekiɛl 21:17

Yɛn aya yɛn cï yaciin pam, ku agönhdï abï jɔ thök. Ee yɛn Bɛ̈nydït yɛn ajam.”

Edhekiɛl 24:13

Jeruthalem karɛckuön ye looi acïk yïn dhiöök. Na cak them bä yïn tɔ lɔgɔk, yïn ee ŋoot ke yï de acuɔl. Yïn cïï bï bɛ lɔgɔk, aɣet të bïï yïn tuöc de agönhdï yök thok.

Edhekiɛl 24:8

Yɛn cï riɛm nyääŋ piny ëtɛ̈ɛ̈n, të cïï ë yen bï thiaan, të kɔɔr en guur atuc.”

Edhekiɛl 44:7

Acïk tëdiën ɣeric riɔ̈ɔ̈k në luɔi cï kek kɔc alɛi kënë cueel cïï Yɛn ee riëëu tɔ lɔ Luaŋdït, të wën ye miɔ̈c de kɔl ku riɛm de ka cï nɔ̈k gäm Yɛn. Ka kɔckï acïk mändï dhoŋ kɔ̈u në karɛc juëc cïk keek looi.

Edhekiɛl 6:12

Kɔc meckë abïï juäi ke dɔm ku thoukï, ku kɔc thiɔ̈kë abïï ke nɔ̈k në tɔŋ, ku kɔc bï döŋ ke ke pïïr abïï cɔk ke nɔ̈k. Abïk riɛl de agönh de Bɛ̈nydït yök në kegup.

Edhekiɛl 8:18

Abïk riɛl de agönhdï yök ëbɛ̈n. Acä keek bï pɔ̈l, ku cä piɔ̈u bï kok wo keek. Abïk a lɔ̈ŋ aläl në awuɔɔu dït, ku yɛn cïï lɔ̈ŋden bï piŋ.”

Lebai 26:28

ëtɛ̈ɛ̈n në agönhdï, Yɛn bï ater luöi week, ku bɛ we luöi këtuc thok aläl raandhorou awär këtueŋ ë biäk de karɛckun.

Lebai 26:41

Yen kën ë tɔ ya loi ater wo keek, aguɔ keek tuɔɔc piny de kɔc de kek ater. Ku të le piɔ̈ɔ̈thkɛn kën ë cueel röt kuɔɔr piny ku cuɛtkï ariöp de karɛcken piny.

Amoth 5:6

Bä tëde Bɛ̈nydït, ku yïn bï pïïr. Na cïï bɔ̈, Yɛn bï paan ë Jothep dap nap wei ëbɛ̈n cït man ë mac. Ku Bethel abï ciët kë cï ɣɔ̈k many cïn raan lëu en në liiu.

Dhep 2:2

Të kënë we guɔ wiɛɛu wei cït man aa yiɛl, të kënë kööl agönhdïït de Bɛ̈nydït we kɔn yök.

Romai 2:25

Cuɛ̈l ee këpiɛth ë yic, të döt yïn löŋ apiɛth, ku të ee yïn raan ë löŋ wööcic, ke cuɛ̈ldu acï tɔ ye ciën cuɛ̈l.

Nyöŋ 10:16

Ka ënɔɔnë, gɔl ee köölë yak Bɛ̈nydïtdun riëëu, ku duökï nïïm be riɛl.

Nyöŋ 30:6

Ku Bɛ̈nydït Nhialicdun abï week ku mïthkun gäm piɔ̈ɔ̈th ke riëëu, aguɔkï jɔ nhiaar në piɔ̈ɔ̈thkun ëbɛ̈n, ku we bï ŋoot ke we rɛ̈ɛ̈r ë pinyë yic.

Nyöŋ 32:22

“Agönhdï abï biöl cït mac, ku nyop këriëëc ëbɛ̈n ë pinynɔm. Ku abï lɔ ë piny thar ku nyop mei ë kur thäär.

Kolothai 2:11

Ku we cï cueel ë yen në cuɛ̈l kënë looi ë raan ciin, ee luny cä wek guöp de rïŋ luöny bei, në cuɛ̈l cïï Kërtho we tɔ cuel.