Jeremia 4:16 - JAM DE NHIALIC 2011

¹⁶ Abïk juöör bɛ̈n jɔ̈ɔ̈ny ku lëkkï Jeruthalem nɔn bïï kɔc ke ater piny mec. Kek kɔc ke ater abïkï ke ke wuou ku lɛ̈ɛ̈tkï pɛ̈ɛ̈nydït ke Juda

Jeremia 4:16 Iomraidhean Croise

Yith 34:1

Bäkkï, kɔc ke juöör ëbɛ̈n! Matkï wenïïm ku piëŋkï. Takï piny nɔm ëbɛ̈n kekë këriëëc nu thïn bɔ̈ ee tënë ku pïŋ.

Yith 39:3

Na wën ke tiët ë Nhialic Yithaya lɔ tëde melik Ɣedhekia, ku lop an, “Ë ke bɔ̈ tënou ku eeŋö cïk lueel?” Go ë Ɣedhekia bɛ̈ɛ̈r an, “Aake bɔ̈ piny mec, në Babilonia.

Jeremia 1:15

në biäk caal Ɛn dhiëën ke ciɛɛŋ tɔ̈u ë biäk të lɔ rut ëbɛ̈n, bïk bɛ̈n ku meliikken abïk thöcken tääu piny në kɛ̈l ke Jeruthalem thok, ku në pɛ̈ɛ̈nyke kɔ̈ɔ̈th, ayï pɛ̈ɛ̈nydït kɔ̈k ke Juda kɔ̈ɔ̈th.

Jeremia 16:6

Kɔc kueth ku kɔc kuanynyïïn abïk thou ee pinyë, ku acïn raan bï ke tɔ̈ɔ̈u ku cïn raan bï ke dhiëëu. Acïn raan bï rɔt ŋuɛ̈ɛ̈t ku cïn raan mut yenɔm bïï yen ke dhiëndepiɔ̈u nyuɔɔth.

Jeremia 2:15

Ayek yiic ŋun në biäkde cït kɔ̈ɔ̈r, acïk pinyde tɔ ye jɔ̈ɔ̈r, ku cï pɛ̈ɛ̈nydïtke nyääŋ piny në riääkic ëbɛ̈n.

Jeremia 31:10

Aye Bɛ̈nydït lueel an, “Juöör piɛŋkï kë luɛɛl, ku yak wëlkï luɛɛl ë bɛ̈i mec nu ë wɛ̈th tɔ̈u lɔɔk. Yɛn cï kɔckiën ke Yithriɛl thiɔ̈i ku abä ke määt yiic, ku abä ke tiit cït man ye tïn ë thök lunyde tiit.

Jeremia 39:1

Në pɛɛi de thiëër në ruöön de dhoŋuan, wään ye Dhedekia melik de Juda, go Nebukadnedhar melik de Babilonia bɛ̈n kekë remdɛn ë tɔŋ ëbɛ̈n ku mɛk Jeruthalem.

Jeremia 4:17

ku abïk pänydït de Jeruthalem tuɔɔk, cï kɔc tit dom, në biäk cïï kɔcke Bɛ̈nydït rɛɛc. Acïï Bɛ̈nydït lueel.

Jeremia 5:15

Baai de Yithriɛl, Bɛ̈nydït abï jur bɛ̈ɛ̈i tëmec bïï we bɛ̈n mak. Ee jur thɛɛr ku ril, jur cä wek thoŋde ŋic.

Jeremia 5:6

Në biäk de ee kënë yen abïï köör roor keek nɔ̈k, abïï aŋuööth ke jɔ̈ɔ̈ric keek riɔ̈ɔ̈k, ku kuac abï aa cath ë pɛ̈ɛ̈nydïtken yiic. Të lee ee kɔckë lɔ biic, abïï keek rɛt yiic, në biäk juëc awɛ̈ɛ̈cken, ku ayek cool ke ke jäl ë Nhialic lɔ̈ɔ̈m.

Jeremia 50:2

“lɛ̈kë thok juöör! Guiir jam! Nyuɔɔthë kïït ku caalë thok! Du muk ke ee kë cï moony! Babilon acï wïïk! Marduk yanhde acï dhuööŋ! Yiëth ke Babilon acï keek tɔ yäär gup, yiëthkɛn nhiany gup acï ke dum yiic!

Jeremia 6:18

Go Bɛ̈nydït jɔ lueel an, “Wek juöör, piɛŋkï wek akutnɔm, ku ŋiɛckï kë bï rɔt luöi keek.

Jeremia 6:19

Ku yïn piny piëŋë! Ku në biäk luöi Yɛn täŋdɛn rac këtuc ëbɛ̈n, Yɛn bï riääk bɛ̈ɛ̈i në ee kɔckë gup, në biäk cï kek wëëtdï rɛɛc ku kënkï wëlkï riëëu.

Jeremia 6:22

Aye Bɛ̈nydït lueel an, “Kɔc abïkï piny nu të lɔ rut, jur ril mec arëët aguiir tɔŋ.

Jeremia 6:23

Acïk dhɛ̈ŋken ku tɔɔŋken nööm, ayek kɔc kec piɔ̈ɔ̈th ku cïnkï kokdepiɔ̈u. Të ciɛth kek ë jöŋgöörken kɔ̈ɔ̈th, ayek wuur cï awuööu de wɛ̈ɛ̈r. Acïk röt guiir në luöi bï kek nyan de Dhiɔn mak.”

Jeremia 8:19

Piɛŋkï! Piny yic ëbɛ̈n, Yɛn ee kɔckï piŋ röt ke ke dhiau an, “Cïï Bɛ̈nydït be tɔ̈u ë Dhiɔn? Cïï melikde bï tɔ̈u ëtɛ̈ɛ̈n?” Go Bɛ̈nydït melikden bɛ̈ɛ̈r an, “Eeŋö ta wek Ɛn göth ë lam ë yiëthkun, ku eeŋö ya wek we nïïm guöt piny në yiëth nïïm?”

Edhekiɛl 21:22

Ënɔɔnë! Ciin cuënyde amuk wïnh ë dhaŋ cï giit an ‘Jeruthalem’ aye yɔ̈ɔ̈k bïï kɛ̈l lɔ dhuööŋ thook, ku looi awuɔɔu de tɔŋ, ku took kɛ̈l thook, ku thɔɔc tiɔp nɔm, ku wec puɔ̈l.