Jeremia 4:1 - JAM DE NHIALIC 2011

¹ Aye Bɛ̈nydït lueel an, “Kɔc ke Yithriɛl, na kaarkï bäk bɛ̈n ciëën ke we puk röt Ɛn. Ku nyaaikï yiëthkuön maan ku takï wepiɔ̈ɔ̈th adööt në Yɛn,

Jeremia 4:1 Iomraidhean Croise

Cäk 35:2

Ago Jakop lɛ̈k kɔc ke baaide, ku kɔc rɛ̈ɛ̈r në yen kedhie an, “Cuatkï yiëth lɛɛn cath në week wei. Ku wakkï wegup, abäk gup lipëlip. Ku waarkï lupɔɔkuön ciɛŋkï, në lupɔɔ kɔ̈k cäk waak.

2 Mel 23:13

Ku melik ë ɣään thöny ɣɔn nu ë Jeruthalem biäk të lɔ aköl amiäk tɔ nhiany, ku ka nu ë kuur de Olip biäk të lɔ wöuwic, ɣɔn cïï melik Tholomon yiëk Acetoreth yanh de Thidon rɛɛc mɛɛn Bɛ̈nydït, ku yïk Cemoc yanh ë Mowap rɛɛc mɛɛn Bɛ̈nydït, ku yïk Molek yanh ë Amon rɛɛc mɛɛn Bɛ̈nydït.

2 Mel 23:24

Në biäk bïï löŋ cï gɔ̈ɔ̈r në awerekic looi, awerek wään bïï Ɣilikia bɛ̈nydïït ë kake Nhialic yök në Luaŋdïtic, go Melik Jothia yiëth nyaai, ku kɔc ee cɔ̈ɔ̈r, ku kɔc ee thuëth, ku nyiɛɛi kak ye yiëth lam ëbɛ̈n ë Jeruthalem ku piny de Juda ëbɛ̈n.

2 Lëk 15:8

Na wën aa piŋ Atha wël cï tiët Adharia wën ë Oded ke caar, acï yen bɛ̈n gäm riɛl ë piɔ̈u. Ago yiëth riɔ̈ɔ̈k kedhie yiëth tɔ̈u ë Juda ku Benjamin, ku lɔ yiëth kedhie nu ë pɛ̈ɛ̈nydït cï ke peec piny ë kuur de Eparaim yic. Ku tɔ yïïŋ de Bɛ̈nydït tɔ nyɔk ë luɔi, yïïŋ nu ë kal de Luaŋdït yic cil.

2 Lëk 33:8

Ku na lɔ kɔc ke Yithriɛl lööŋkï riëëu kedhie ku dötkï löŋ cï awundï Mothe gäm keek, acä keek bï tɔ copë wei në tiɔɔm cä gäm kuarken.”

2 Lëk 34:33

Go melik Jothia yiëth wään tɔ̈u piny de kɔc ke Yithriɛl riɔ̈ɔ̈k kedhie, ku akööl wään pïïr en ëbɛ̈n, aaye kɔc yɔ̈ɔ̈k bïk Bɛ̈nydït Nhialic de kuarken aa luööi.

Yith 31:6

Go Bɛ̈nydït lueel an, “Kɔc ke Yithriɛl, wek cï ya luöi awäc ku rɛɛckï Yɛn. Ku ënɔɔnë, bäkkï ciëën tëde yɛn!

Jeremia 15:19

Go Bɛ̈nydït ee kënë bɛ̈ɛ̈r lueel an, “Na lɔ rɔt puk, yïn bä dhuöny nɔm ciëën, ku yïn bï bɛ aa raan ee ya luööi. Yïn cï jam yic lueel, yïn bï bɛ aa tiëtdï. Kɔc abïk bɛ̈n ciëën tëde yïn, ku acïn kë bï yïn tɔ lɔ tëde keek.

Jeremia 15:4

Yɛn bï kɔc ke piny nɔm ëbɛ̈n aa tɔ riɔ̈c ë keek, në biäk de kë cï Ɣedhekia wën de Manatha looi ë Jeruthalem wään yen melik.”

Jeremia 18:11

Ka ënɔɔnë lɛ̈kë kɔc ke Juda ku kɔc ke Jeruthalem, nɔn luöi Yɛn keek kiɛɛr rac, ku cä rɔt kiëët bä ke luöi këtuc. lɛ̈kë keek bïk rëër de rɛ̈ɛ̈c pɔ̈l, ku bïk kuɛɛrken waar ku bïk ka loikï keek pɔ̈l.

Jeremia 24:9

Yɛn bï riääk dït bɛ̈ɛ̈i në kegup, ka juöör ke pinynɔm kedhie abïk riɔ̈ɔ̈c. Abïï kɔc ke biɔɔn gup, ku dɔl kɔc ke gup, ku bui keek gup, ku rinken abïï keek tɔ ee këde aciɛɛn në piny nɔm ëbɛ̈n, piny bän keek thiäi thïn.

Jeremia 25:5

Acïk week yɔ̈ɔ̈k bäk röt puk në kuɛɛrkuön rac yiic, ku në karɛc yak looi yiic, aguɔkï rëër piny cï Bɛ̈nydït gäm week ë kuarkun ke ye këdun aɣet athɛɛr.

Jeremia 3:1

Aye Bɛ̈nydït lueel an, “Na cï moc tiiŋde pɔ̈l, ku cï ye nyääŋ piny, ku cï lɔ ya tiiŋ de mony däŋ, acïï moc bï bɛ dök nɔm ciëën. Kënë aduëër piny tɔ rac taitai. Ku yïn Yithriɛl, yïn cï aa akɔɔrröör de röör juëc, ku akɔɔr ënɔɔnë bä rɔt dɔ̈k Ɛn!

Jeremia 3:12

Acï lɛ̈k ɛn bä lɔ lɛ̈k kɔc nu të lɔ rut an, “Yithriɛl cïn piɔ̈u adöt, bïï rɔt dɔ̈k ɛn. Yɛn ee piɔ̈u kok ku yɛn cïï bï gɔ̈th, yɛn cïï bï gɔ̈th wo yïn aɣet athɛɛr.

Jeremia 3:14

“Wek kɔc cïn piɔ̈ɔ̈th adöt, bäkï ciëën, wek ee kɔckï. Yɛn bï raan tök aa nööm wun tök, ku nääm kɔc kaarou dhiën tök, ku wek bä bɛ̈ɛ̈i ciëën në kuur de Dhiɔn nɔm.

Jeremia 3:22

Pɔ̈kkï röt ee në wedhie, wek kɔc wään cï röt yal wei tëde Bɛ̈nydït, abï we tɔ piɔl gup ku tɔ we ye adööt. Ayak lueel an, “Ɣɛɛ, wok bɔ̈ tëde Bɛ̈nydït, në biäk ee Yen Nhialicda.

Jeremia 35:15

Wek ya cool ë tuöc keek tïtkï kedhie, kɔc ee Yɛn luööi, ku acïk we yɔ̈ɔ̈k bäk kuɛɛrkuön rac pɔ̈l, ku bäk këpiɛth aa looi. Acïk we yɔ̈ɔ̈k luɔi cä wek yiëth kɔ̈k bï aa lam ku cäkkï keek luui, aguɔkï ŋoot ke we rɛ̈ɛ̈r piny cä gäm week ku gäm kuarkun. Ku wek kën jamdï piŋ ku cäkkï wëlkï tɔ lɔ ë weyïth.

Jeremia 36:3

Tɛk däŋ të le kɔc ke Juda riääk kaar bä yiɛ̈n keek ëbɛ̈n piŋ, abïk röt puk ë kuɛɛrkɛn rac yiic. Ku ëtɛ̈ɛ̈n Abä ke päl karɛcken ku awɛ̈ɛ̈cken.”

Jeremia 4:4

Mɔ̈kkï mändun në Yɛn Bɛ̈nydïtdun, ku gämkï röt Ɛn, wek kɔc ke Juda ku Jeruthalem. Na cäk ye lɔ looi ke agönhdï abï dëp cït mac në biäk de awɛ̈ɛ̈c cäk looi, abï dëp ku abï ciën raan liiu en.”

Jeremia 7:5

“Waarkï kueer de pïïrdun, ku duökï kë luɔikï ee looi. Yak röt luööi apiɛth.

Jeremia 7:7

Të la wek röt waar, wek bä tɔ rɛ̈ɛ̈r eenë, piny cä gäm wärkun bïk lɔ̈ɔ̈k lak athɛɛr.

Edhekiɛl 11:18

Të le kek kenïïm lɔ puk, abï këriëëc nhiany ëbɛ̈n pɔ̈l, ayï yiëth rackɛn wään cïk yök.

Edhekiɛl 18:13

ku gɛm wëu në aŋuëk. Bïï pïïr? Ei, acïï duëër pïïr,. Acï ee karɛckë looi kedhie, ka yen abï dhil thou. Abï gɔ̈k në biäk de thonde.

Edhekiɛl 43:9

Ënɔɔnë ë ke jɔ läm de yiëth kɔ̈k pɔ̈l ku nyiɛɛikï gup ke meliikkɛn cï thou. Na lek lɔ looi, ke Yɛn bï rëër në keyiic aɣet athɛɛr.”

Ɣodh 14:1

Puɔ̈kkï röt Bɛ̈nydït Nhialicdun, wek kɔc ke Yithriɛl. Awɛ̈ɛ̈ckun acïk week tɔ tuëk ku wiɛ̈ɛ̈kkï.

Ɣodh 2:2

“Jänykï mɔɔrdun mïthkï, na cakaa nɔn cï yen a puɔ̈l ku tɔ rɔt ee tiiŋ ë mony däŋ. Jamkï në yen, takï päl kɔ̈ɔ̈r ë röör ku cäth thïn. Ku ë cïï rɔt be gäm röör.

Ɣodh 7:16

Acïkï röt ee be puɔ̈k Nhialic Awärjäŋ. Acïkï Yɛn ee bɛ cɔɔl në kepiɔ̈ɔ̈th ëbɛ̈n. Acïk röt goŋ cït dhaŋ ŋɔl kɔ̈u, bänyken abïk thou tɔɔŋ, në luɔi ye bänyken A läät. Abïk thou në akuöörkuöör, ku lee ke leeŋ piɔ̈ɔ̈th paan de Rip.

Jowɛl 2:12

Go Bɛ̈nydït lueel an, “Agut cï ënɔɔnë, puɔ̈kkï wenïïm Ɛn në wepiɔ̈ɔ̈th ëbɛ̈n, në reec de cäm, ku dhuöör, ku dhiëëu.

Dhek 1:4

Duökï be ciët kuarkun, kɔc ɣɔn ye tït ke guiëër jamdï. Acï Bɛ̈nydït de rɛm lueel an, ‘Pälkï karɛckuön yak looi. Ku acïkï jamdï ee piŋ, ku cïkï ya riëëu.’

Nyöŋ 27:15

‘Aciɛɛn de Nhialic abï tɔ̈u ë raan yeth, raan ee yiëth looi në kuur, ku tim, ku wëëth, ku ye keek lam në cuëër, Bɛ̈nydït aman läm de yiëth.’ “Ku abïï kɔc kedhie jɔ bɛ̈ɛ̈r an, ‘Amiin!’

Nyöŋ 4:30

Të la wek lɔ nuan, ku cï kakë röt luöi wek kedhie, wek bï röt pɔ̈k Bɛ̈nydït ëtɛ̈ɛ̈n, ku jakï Bɛ̈nydït riëëu guöp.

Jocua 24:14

Na wën, ke lëk ë Jocua keek an, “Ka week, jakï Bɛ̈nydït riëëu guöp arëët, ku yak luööi aläl në wepiɔ̈ɔ̈th ëbɛ̈n. Cuatkï yiëth wei kedhie, yiëth ɣɔn ye kuarkun lam lɔŋ de wɛ̈ɛ̈r ë Yuparat, ayï Rip. Ku Bɛ̈nydït yetök yen luööikï.

Bäny 10:16

Gokï yiëth ke juöör nyaai në ke yiic, ku lamkï Bɛ̈nydït, go Bɛ̈nydït bɛ diɛɛr në yaaŋ de Yithriɛl.

1 Tham 7:3

Ago Thamwɛl lɛ̈k baai de Yithriɛl an, “Na lak wenïïm puɔ̈k Bɛ̈nydït në piɔ̈ɔ̈thkun ëbɛ̈n, ke we pälkï yiëth ke juöör ëbɛ̈n ku kïn de yanh cɔl Acetaroth. Takï röt ee kɔc ke Bɛ̈nydït ku Yen bäk aa lɔ̈ŋ Yetök, ago week kony ë kɔc ke Pilithiin cin.”