Jeremia 39:4 - JAM DE NHIALIC 2011

⁴ Wën cï Dhedekia melik kekë bänyke kedhie kë loi rɔt tïŋ, gokï them luɔi bïï kek röt kual wei ë pänydïtic wakɔ̈u. Gokï tëëk në kueer ë dom ë bääny, tëkkï në kaam de kueer ee kɛ̈l kaarou rek, ku jɔkï röt kual ë kueer të lɔ wak de Jordanic.

Jeremia 39:4 Iomraidhean Croise

2 Lëk 32:5

Go melik kɛ̈l ke pänydït tɔ yïk abïk riɛl ku yïk ɣööt bär në kɛ̈l nïïm, ku yïk kal däŋ biic ë kal kɔ̈u. Ku acï biäk thɛɛr të lɔ aköl amiäk de Pänydït de Debid looi ayadäŋ. Ku aa de nɔm tɔɔŋ juëc ku kööt ayadäŋ.

Yith 22:11

Wek cï pul wec ë pänydït thar, ke bï pïïu ee wat ke ke lɔ në awuöl thɛɛr yic aa muk. Ku wek kën këde Nhialic gam, Raan ë kïït ee kënë ɣɔn thɛɛr, ku tɔ ee kënë loi rɔt.

Yith 22:3

Bänykun ëbɛ̈n aake cï kat, go ke dɔm ke ke cïn winh töŋ cïk guɔ moc.

Yith 29:2

ku ëtɛ̈ɛ̈n Nhialic abï riääk bɛ̈ɛ̈i pänydïït ye cɔl an, “yïïŋ de Nhialic.” Abï dɛ dhiëëu ku dhuöör, ku pänydït ëbɛ̈n abï ciët yïïŋ cï riɔk ëbɛ̈n në riɛm.

Jeremia 32:4

ku melik Dhedekia acï bï ban. Abä gäm melik de Babilonia, abïï melik tïŋ guöp ë yenyin ku abï jam ke yen.

Jeremia 32:5

Dhedekia abïï lɛɛr Babilonia, ku abï tɔ̈u ëtɛ̈ɛ̈n aɣet të bän ye neem. Cakaa yen ë thäär ke kɔc ke Babilonia acïn kë bïï lëu. Acä lueel, Yɛn Bɛ̈nydït.”

Edhekiɛl 12:12

Wën melik mac päny keek abï kakɛn cï duut ɣääc në mɔ̈ɔ̈thic ku kuɛl rɔt të ɣɔ̈ɔ̈r cïk wɛ̈c en në päny kɔ̈u. Abï yenyin kum ku acïï të le yen thïn bï tïŋ.

Edhekiɛl 12:4

Të ŋoot ë piny ŋoot ke kën guɔ cuɔl, dut nɔmdu ke yï wel yïnɔm ë pɛ̈cic, agokï yïn tïŋ, ku bïk yïn woi ke yï jël thëën ke yï cït kë lɔ ë pɛ̈cic.

Lebai 26:17

Yɛn bï rɔt wël week, ago kɔc dɛ wek ater week tiaam, kɔc man, week abïk week cieŋ. Ku wek bï ya kat, cakaa të cïn en raan cop week.

Lebai 26:36

“Ku në biäkdun wek kɔc cï döŋ ke we pïïr, yɛn bï riɔ̈ɔ̈cdït tääu në wepiɔ̈ɔ̈th piny de kɔc dɛ wek ater. Cakaa röl de yïnh ë tim gɔp ë yom abï keek tɔ kɔt. Abïk kat cït man ë ka kɔt në tɔŋ, ku abïk aa wïïk, cakaa cïn raan cop keek.

Amoth 2:14

Ku raan ŋic riŋ acï bï ban, ku kɔc ril, riɛlden acï bï tïc. Ayï jööt ke tɔŋ acïkï röt bï lëu në kuny aya.

Nyöŋ 28:25

“Bɛ̈nydït abï kɔc ke aterdun tɔ tiam week. Abäk keek mak në tuuŋ tök, ku wek bï aa kat në keek në tuŋ thook kedhie, ku kɔc ke piny nɔm kedhie, abïk riɔ̈ɔ̈c arëët të tïŋ kek kë cï tuöl tëde week.