Jeremia 39:3 - JAM DE NHIALIC 2011

³ (Wään cï ë Jeruthalem peec, go bäny ke melik de Babilonia bɛ̈n kedhie ku dɔmkï ɣäänken në kal thok, thoŋ cil, adekï yiic yï Nergal Tharedher, ku Thamgar Nebo, ku Tharthekim de Rabathath, ku lɔ Nergal Tharedher däŋë.)

Jeremia 39:3 Iomraidhean Croise

2 Mel 17:30

kɔc ke Babilon acïk röt luöi yanh cɔl Thukoth Benoth, ku kɔc ke Kuth acïk röt luöi yanh cɔl Nergal, ku kɔc ke Ɣamath acïk röt luöi yanh cɔl Acima,

Jeremia 1:15

në biäk caal Ɛn dhiëën ke ciɛɛŋ tɔ̈u ë biäk të lɔ rut ëbɛ̈n, bïk bɛ̈n ku meliikken abïk thöcken tääu piny në kɛ̈l ke Jeruthalem thok, ku në pɛ̈ɛ̈nyke kɔ̈ɔ̈th, ayï pɛ̈ɛ̈nydït kɔ̈k ke Juda kɔ̈ɔ̈th.

Jeremia 21:4

Kë bä lɛ̈k Dhedekia kï, an Acïï Bɛ̈nydït Nhialic de Yithriɛl lueel an, “Yɛn bï remduön ë tɔŋ bï thɔ̈ɔ̈r kekë melik de Babilonia tiaam. Yɛn bï tɔɔŋ ke remduön ë tɔŋ kut nïïm ë pänydïtic cil.

Jeremia 38:17

Aguɔ lɛ̈k Dhedekia nɔn cïï Bɛ̈nydït Awärjäŋ, Nhialic de Yithriɛl ye lueel an, “Na lɔ rɔt lɔ gäm bäny ke rem de tɔŋ de melik de Babilonia, ke yïn bï pïïr, ku pänydïïtë acïï bï nyuɔp piny. Yïn wekë baaidu wedhie wek bï pïïr.”

Jeremia 39:13

Go Nebudharadan kekë bäny tueŋ ëtök, yï Nebucadhban de Rabathath, ku Nergal Tharedher, ku bäny ke rem de tɔŋ de melik de Babilonia kɔ̈kë kedhie,

Edhekiɛl 26:10

Luändïït de tɔɔr ye ë jöŋgöörken tuk abïk we kuöm piny. Awuööu de jöŋgöörkɛn ke abëël ke tɔŋ abïk pɛ̈ɛ̈nykun lath, të jɔ kek lɔ ke ke tëëk në thook ke kal de pänydït cï riääk.