Jeremia 39:1 - JAM DE NHIALIC 2011

¹ Në pɛɛi de thiëër në ruöön de dhoŋuan, wään ye Dhedekia melik de Juda, go Nebukadnedhar melik de Babilonia bɛ̈n kekë remdɛn ë tɔŋ ëbɛ̈n ku mɛk Jeruthalem.

Jeremia 39:1 Iomraidhean Croise

2 Lëk 36:17

Go Bɛ̈nydït melik de Babilonia bɛ̈ɛ̈i bïï keek bɛ̈n luöi tɔŋ. Go melik dhuök ke Juda nɔ̈k ɣön tɔ̈u tëdɛn ɣeric. Akën piɔ̈u kok ke kɔc, kɔc kor ayï kɔcdït, röör ku diäär, kɔc de gup juäi ku kɔc piɔl gup. Kɔc kedhie acï Nhialic keek tääu ë yeciin.

Jeremia 32:1

Go Bɛ̈nydït jam ke tiët Jeremia në ruöön de thiëër ye Dhedekia melik de Juda, ku ye ruöön de bɛ̈t ye Nebukadnedhar melik de Babilonia.

Jeremia 34:1

Go jam de Bɛ̈nydït bɛ̈n tëde yɛn, wään bï Nebukadnedhar melik de Babilonia kekë remdɛn de tɔŋ, ku akony ë rɛm ke juöör ku thook ëbɛ̈n, juöör wään cï ke peec, aake mɛk Jeruthalem ku lɔ wuöt thiääk në yen.

Jeremia 34:22

Abä ke yɔ̈ɔ̈k ka abïk kenïïm pɔ̈k ee pänydïïtë. Abïk mak ku abïk peec, ku nyopkï piny. Yɛn bï wuöt ke Juda tɔ cït jɔ̈ɔ̈ric të cïn raan ee ceŋ thïn. Acä lueel, Yɛn Bɛ̈nydït.”

Jeremia 42:18

“Acïï Bɛ̈nydït de rɛm, Nhialic de Yithriɛl lueel an, ‘Cït man cï agönhdiën tuc wäl ë kɔc ke Jeruthalem gup, yen abï agönhdiën tuc wäl ë wegup aya të la wek lɔ lɔ Rip. We bï aa kɔc ye kɔc riɔ̈ɔ̈c të tïŋ ë we, kɔc abïk we aa luööi në abiaan, ku ye rinkun tɔ aa ciɛɛn. Wek cïï ee tënë bï bɛ tïŋ taitai.’ ”

Jeremia 52:1

Dhedekia aaye run thiërrou ku tök, wään dɔm yen bääny ë Juda, ku jɔ bääny muk në run kathiëër ku tök. Man acɔl Ɣamutal, nyan de Jeremia wään rëër në pänydïït de Libna yic.

Jeremia 6:6

Bɛ̈nydït de rɛm acï meliikë yɔ̈ɔ̈k bïk tiim yep ku yïkï thɔc bïï kek Jeruthalem tuɔɔk. Acï lueel an, “Yɛn bï ee pänydïïtë luöi këtuc në biäk cï yen yic thiäŋ kekë yaaŋ.

Edhekiɛl 33:21

Në kööl de dhïc, në pɛɛi de thiëër, në ruöön ye run ë peec ë wook thiëër ku rou, aa de raan cï rɔt kual ë Jeruthalem acï bɛ̈n ku lɛ̈k ɛn nɔn cïï pänydït löny.

Edhekiɛl 4:3

Nöm aduŋ de wëëth, ku tääuwë cï päny de wëëth në kaamdu we pänydït. Wɛlë yïnɔm pänydït. Acï gɛɛu cil, ku ee yïn geeu en cil. Kënë abï aa kïït tëde baai de Yithriɛl.

Edhekiɛl 40:1

Aa ye kööl de thiëër, de ruöön ë piac bɛ̈n, ku ye ruöön ye runkuɔn ke pɛ̈c thiërrou ku dhïc, ku ye ruöön de thiëër ku ŋuan në dɔ̈m de Jeruthalem cök. Në ye köölë yɛn cï riɛldïït de Bɛ̈nydït yök në yaguöp, ku jɔt yɛn wei.

Edhekiɛl 5:2

Nyop këde diäŋden në pänydït, miäk cïï geeu cï ë pänydït gɛɛu cil wan, nöm diäŋ kɔ̈kë ku tɛ̈m ë keek në abätäu të le yïn ke yï cath në wut këc, wɛɛrë diäŋ kɔ̈k cï döŋë në yomic ku jɔ ke ya kaaŋiic në abätäudï.

Dhek 8:19

“Kë cï Bɛ̈nydït de rɛm lueelkï: an thɛ̈k ye pɛɛi ye pɛ̈i ŋuan theek, ayï pɛɛi ye pɛ̈i dhïc, ayï pɛɛi ye pɛ̈i dhorou, ayï pɛɛi ye pɛ̈i thiëër abïk aa dhuëŋ ku miɛtëpiɔ̈u arëët tëde baai de Juda. Ka week nhiaarkï yic, ku mät.

Nyöŋ 28:36

“Bɛ̈nydït abï week lɛɛr piny lei në melikdun, jur kɛ̈n wek kɔn lɔ rëër thïn ayï kuarkun, ku wek bï yiëth cï looi në kur ku tiim aa lɔ luööi ëtɛ̈ɛ̈n.