Jeremia 38:2 - JAM DE NHIALIC 2011

² nɔn cïï Bɛ̈nydït ye lueel an, “Raan lɔ rëër ë pänydïtic abï thou në cɔk ku nɔn ee jɔk, ku kɔc lɔ lɔ biic, ku gëmkï röt kɔc ke Babilonia, acïï keek bï nɔ̈k, abïk ban në wëiken.”

Jeremia 38:2 Iomraidhean Croise

Jeremia 21:4

Kë bä lɛ̈k Dhedekia kï, an Acïï Bɛ̈nydït Nhialic de Yithriɛl lueel an, “Yɛn bï remduön ë tɔŋ bï thɔ̈ɔ̈r kekë melik de Babilonia tiaam. Yɛn bï tɔɔŋ ke remduön ë tɔŋ kut nïïm ë pänydïtic cil.

Jeremia 24:8

“Ku në biäk de Dhedekia melik de Juda, ku bäny thiäk në yen, ku kɔc kɔ̈k ke Jeruthalem ceŋ ee pinyë ku nɔn cïk lɔ Rip, Yɛn Bɛ̈nydït, abä keek looi arac kedhie cï man de mïth ke enap rac cïï duëërë cam.

Jeremia 27:11

Ku jur ëbɛ̈n jur lɔ ciɛɛŋ de melik de Babilonia lɔ gam ku le luööi, abä tɔ rëër pinyde, ku bïï aa com, ku rëër ëtɛ̈ɛ̈n. Acä lueel, Yɛn Bɛ̈nydït.”

Jeremia 27:13

Eeŋö duëër yïn rɔt tɔ thou wekë kɔcku në tɔŋ ku cɔk jɔɔk? Cït man ë kë cïï Bɛ̈nydït lueel an bïï tuöl tëde jur ëbɛ̈n jur cïï jaai nɔn cï yen melik de Babilonia bï luööi.

Jeremia 29:16

Piɛŋkï kë ye Bɛ̈nydït lueel ë biäk ë melik mac ciɛɛŋ ɣɔn mɛcë Debid ku në biäk de kɔc ke ee pänydïïtë, kɔckuön kënë keek peec ke ke mac ë week.

Jeremia 29:18

Abä keek cop cök ë tɔŋ, ku cɔk, ku jɔɔk, ku juöör ke piny nɔm kedhie abïk riɔ̈ɔ̈c në kë yek tïŋ. Të cän keek thiäi thïn ëbɛ̈n, kɔc abïk aa gäi ku riɔ̈ckï në kë cï tuöl tëde keek. Abïï kɔc ke biɔɔn gup ku tɔ rinken ee këde aciɛɛn.

Jeremia 34:17

Ka ënɔɔnë Aya lueel Yɛn Bɛ̈nydït wek kën ya riëëu: Wek kën mïthëkɔckuön ke Yithriɛl gäm nɔm lääuden. Apiɛth aläl, wek bä gäm nɔm lääu: nɔm lääu bä wek thou ë tɔŋic, ku jɔk, ku cɔk. Yɛn bï juöör ke pinynɔm ëbɛ̈n tɔ päu në kë bä luöi week.

Jeremia 39:18

Yïn bä muk apiɛth, ku yïn cïï bï nɔ̈k. Yïn bï ban we wëiku, në biäk cï yïn Yɛn ŋɔ̈ɔ̈th. Acä lueel, Yɛn Bɛ̈nydït.”

Jeremia 42:17

Kɔc kedhie, kɔc lɔ ye lueel an bïk lɔ rɛ̈ɛ̈r ë Rip abïk thou në tɔŋ, ku në cɔk ku në jɔk. Acïn raan töŋ bï pïïr ë keyiic, acïn raan töŋ bï ban ë riääk bä yiɛ̈n ke thok.’

Jeremia 42:22

Ka ënɔɔnë jakï kënë aa tak: Wek bï thou tɔŋ ku nɔn ee cɔk ku nɔn ee jɔk në piny kaarkï bä wek lɔ rëër thïnë.”

Jeremia 44:13

Yɛn bï kɔc cëŋ ë Rip luöi këtuc, cït man cän Jeruthalem luöi këtuc, ë tɔŋ, ku cɔk ku jɔk.

Jeremia 45:5

Ee luɔi mɛɛn yen kɔɔr bïï luöi yïn pei? Du ee kënë loi. Yɛn bï riääk bɛ̈ɛ̈i në kɔc ke piny nɔm gup ëbɛ̈n, ku yïn bï aa ban we wëiku, të bïï yïn aa lɔ thïn ëbɛ̈n. Acä lueel, Yɛn Bɛ̈nydït.”

Edhekiɛl 14:21

Kënë yen aye Bɛ̈nydït Awärjäŋ lueel an, “Yɛn bï karɛc kaŋuan tuɔɔc luöi yɛn Jeruthalem këtuc, tɔŋ, ku cɔk, ku läi roor, ku jɔɔk bï kɔc ku läi nɔ̈k athöŋ.

Edhekiɛl 6:11

Acïï Bɛ̈nydït Awärjäŋ lueel an, “Pamkï wecin! Yuöpkï Wecök! Dhiaukï në jiɛthëpiɔ̈u në biäk de kërɛɛc cï baai de Yithriɛl looi. Abïk lɔ thou në tɔŋ, ku cɔk, ku jɔk.

Edhekiɛl 7:15

Ade tɔŋ në kuɛɛr yiic, ku juäi ku cɔk në ɣööt yiic. Raan ee lɔ biic ëbɛ̈n abï thou në tɔŋic, ku raan tɔ̈u në pänydït yic ëbɛ̈n, abï thou në juäi ku cɔk.