Jeremia 32:2 - JAM DE NHIALIC 2011

² Në ee kaamë yic, rem de tɔŋ de Babilonia aa mɛk Jeruthalem, ku tiët Jeremia aa cï guöör ë kal ë kɔc ee tïït yic kal nu ɣön ë bääny ë Juda yic.

Jeremia 32:2 Iomraidhean Croise

2 Mel 25:1

Ku në ruöön ɣɔn ye Dhedekia run dhoŋuan ke ye melik de Juda, në kööl ë thiëër, në pɛɛi ë thiëër, yen aa bïï Nebukadnedhar melik de Babilon kekë remdɛn ë tɔŋ ëbɛ̈n, bïï ku took Jeruthalem. Gokï piɔ̈ɔ̈t ë pänydït kɔ̈u, ku wilkï kal në thɔc abï nɔm ɣet nhial,

Neɣe 3:25

Ku Palal wën de Yudhai acï Aŋel biäk däŋë bɛ̈n yïk, gɔl në aguk nɔm ale guööt në aloocdïït de melik nu nhial thiääk ke ɣön ye kɔc mac thïn. Ku yïk Pedaya wën ë melik biäk däŋ nu të lɔ aköl amiäk, thiääk ke Thoŋ de Pïïu ku Alooc ye Luaŋdït tiit,

Diɛt 88:8

Yïn cï yɛn tɔ reec ë määthkï, Yïn cï yɛn tɔ ye kë ye kek kat, yɛn cï thiɔ̈ɔ̈k ɣöt ka yɛn cïï rɔt duëër kual,

Jeremia 32:3

Në biäk cï melik Dhedekia ya mac, ku ciëk yathok an cä lueel nɔn cïï Bɛ̈nydït ye lueel an, “Yɛn bï melik de Babilonia tɔ pec ee pänydïïtë,

Jeremia 32:8

Ku ëtɛ̈ɛ̈n cït man cï Bɛ̈nydït ye lueel, Ɣanamel ë bɛ̈n tëde yɛn ë kalic ëtɛ̈ɛ̈n ku thiëëc yɛn luöi bän dom ɣɔɔc. Ku aŋiɛc ë yic nɔn cï Bɛ̈nydït jam ke yɛn.

Jeremia 33:1

Të wään ŋuɔɔt ɛn ke ya mac në kal de kɔc ë tïït yic, go jam de Bɛ̈nydït bɛ bɛ̈n tëde yɛn.

Jeremia 34:1

Go jam de Bɛ̈nydït bɛ̈n tëde yɛn, wään bï Nebukadnedhar melik de Babilonia kekë remdɛn de tɔŋ, ku akony ë rɛm ke juöör ku thook ëbɛ̈n, juöör wään cï ke peec, aake mɛk Jeruthalem ku lɔ wuöt thiääk në yen.

Jeremia 36:5

Guɔ Baruk ja lɛ̈k ee cökkë an: “Yɛn cie bɛ päl lɔ Luaŋdït.

Jeremia 37:15

Gokï göth ë yɛn arëët, agokï yɛn tɔ dui, ku tɔkï yɛn mac ɣön de Jɔnathan, raan ee göny gɔ̈ɔ̈r, raan cïï ë ɣönde tɔ ye alooc ye kɔc mac.

Jeremia 37:21

Go melik Dhedekia ya yɔ̈ɔ̈k bï ya guöör në kal de ɣön ë bääny yic. Guɔ rëër ëtɛ̈ɛ̈n, ku yɛn aaye gäm kuïn cï pam aköölnyïïn ëbɛ̈n, të ye ë ke thaal thïn, agut cï të wään cïï kuïïn cï pam jɔ thök ëbɛ̈n ë pänydït yic.

Jeremia 37:4

Ku Jeremia aa ŋoot ke kënë tääu në aloocic, aaye cath ë nɔm lääu ë kɔc yiic.

Jeremia 38:13

agokï Jeremia miëët bei ë yithic. Ku në ee kënë cök Jeremia acï bɛ̈n tɔ̈u ë kal ë bääny yic.

Jeremia 38:6

Agokï yɛn dɔm ku luɛɛikï yɛn piny në wïïn yithic, yinh de wën melik Malekia yic, yinh ë tɔ̈u ë kal ë bääny yic. Aa cïn pïïu ë yithic, aaye tiɔ̈k yetök, guɔ lɔ piny ë tiɔ̈kic.

Math 5:12

Yak piɔ̈ɔ̈th miɛt abäk dɔl ë dɔl rac, ariöpdun adït paannhial, acïk tït aa yɔŋ yikya tït ɣɔn kɔn bɛ̈n ke we liu.