Jeremia 30:3 - JAM DE NHIALIC 2011

³ Në biäk cï akööl bɛ̈n akööl bän ke kɔckï luök, kɔc ke Yithriɛl ku Juda. Abä ke bɛ̈ɛ̈i ciëën piny wään cä gäm kuarken, ku abïk bɛ nööm. Acä lueel, Yɛn Bɛ̈nydït.”

Jeremia 30:3 Iomraidhean Croise

Edhr 3:1

Na ɣɔn aa cï pɛɛi ye pɛ̈i dhorou bɛ̈n ku rɛ̈ɛ̈r kɔc ke Yithriɛl në wuötken yiic, go kɔc kenïïm lɔ kut Jeruthalem në piɔ̈n tök.

Edhr 3:12

Ku bäny juëc ke kake Nhialic ku Lebai ku röördït ke dhiëën nïïm, röördït ɣɔn cï luaŋdït tueŋë kɔn tïŋ, acïk pïïu bɛ̈n lööny ku dhiaukï në röldït wën cïï kek ɣön ë Bɛ̈nydïïtë tïŋ ke cï keeric, cakaa nɔn lee kɔc juëc ke ke moc kiɛɛu ë röldït në miɛtëpiɔ̈u.

Edhr 3:8

Na ɣɔn aa cïk run aa rou në pɛɛi ë rouwic, në bɛ̈nden ɣön ë Nhialic në Jeruthalem, go Dherubabel wën de Caltiɛl, kekë Jecua wën ë Jeɣodhadak, acïk luɔi ë yïk bɛ̈n gɔl në mïthëkɔcken kɔ̈kë ëtök, bäny ke kake Nhialic, ku Lebai ku kɔc kedhie, kɔc ë bɔ̈ Jeruthalem ë pɛ̈cic. Jɔkï Lebai kuany gɔl në raan ee run thiërrou leer nhial, bïï luɔi ë Luaŋdït tääu në kecin.

Diɛt 126:4

Bɛ̈nydït acï wook bɛ tɔ kueth, cït man ye deŋ pïïu bɛ̈ɛ̈i në kiɛɛr cï dëu yiic.

Diɛt 53:6

Yɛn ee lɔ̈ŋ aläl bï tiëm de Yithriɛl bɛ̈n në Dhiɔn. Ee miɛtëpiɔ̈u cït ŋö bïï ë kɔc ke Yithriɛl piɔ̈ɔ̈th miɛt, të le ë Nhialic ke bɛ tɔ kueth!

Jeremia 16:15

Abïk aa kuëëŋ në Yɛn, ke ya ye Nhialic pïïr, Raan ë bïï kɔc ke Yithriɛl bei piny de rut, ku në wuöt kɔ̈k yiic, wuöt cän keek thiäi piny. Abä keek bɛ̈ɛ̈i ciëën pinyden, piny cä gäm kuarken. Acä lueel, Yɛn Bɛ̈nydït.”

Jeremia 23:5

Aye Bɛ̈nydït lueel an, “Akööl abïkï, akööl bän mɛnh piɛthpiɔ̈u ë dhiën ë Debid kuany ke ee melik. Melik abï käŋ ë pɛlënɔm, ku looi yic ku piathëpiɔ̈u ë piny yic ëbɛ̈n.

Jeremia 27:11

Ku jur ëbɛ̈n jur lɔ ciɛɛŋ de melik de Babilonia lɔ gam ku le luööi, abä tɔ rëër pinyde, ku bïï aa com, ku rëër ëtɛ̈ɛ̈n. Acä lueel, Yɛn Bɛ̈nydït.”

Jeremia 27:22

Abïï ke lɛɛr Babilonia ku abïk rëër ëtɛ̈ɛ̈n, agut kööl bän ke lieec. Ku abä keek jɔ bɛ̈ɛ̈i ciëën ku pɔ̈k ke nïïm ee tënë. Acä lueel, Yɛn Bɛ̈nydït.”

Jeremia 29:10

“Aye Bɛ̈nydït lueel an, ‘Të cï run ke Babilonia kathiërdhorou wan, Yɛn bï diɛɛrdï në week nyuɔɔth, ku Yɛn bï gutguutdï döt ku bɛ̈ɛ̈i week ciëën baai.

Jeremia 29:14

Ee yic, aya lueel an yïn bï ya yök, ku yïn bä pɔ̈k nɔm pinydun. Wek bä määtiic në juööriic ëbɛ̈n ku në ɣään yiic ëbɛ̈n, ɣään cän we thiäi thïn, ku wek bä bɛ̈ɛ̈i ciëën piny wään bän week kɔn cuɔp wei le we peec thïn. Acä lueel, Yɛn Bɛ̈nydït.’

Jeremia 3:18

Baai de Yithriɛl abï mat ke baai de Juda, ku keek kedhie abïk lɔ bɛ̈n ciëën piny lei, piny nu të lɔ rut, ku abïk röt pɔ̈k piny cä gäm kuarkun, ke ye piny de nɔmden.”

Jeremia 30:10

“Kɔckï duökï riɔ̈c, kɔc ke Yithriɛl duökï piɔ̈ɔ̈th riɔ̈c. Wek bä luök ee piny mecë, piny ya wek kɔc cï peec thïn. Wek bï bɛ̈n ciëën baai ku rëërkï në mät, wek bï luök, ku acïn raan bä wek bɛ riɔ̈ɔ̈c.

Jeremia 30:18

Aye Bɛ̈nydït lueel an, “Yɛn bï kɔckï pɔ̈k nïïm pinyden, ku ta yepiɔ̈u kok wokë ɣööt kedhie, Jeruthalem abï bɛ yïk, ku ɣön de bääny abï bɛ yïk.

Jeremia 30:4

Aye Bɛ̈nydït lɛ̈k kɔc ke Yithriɛl ku Juda an,

Jeremia 31:16

Mim thok du dhiau, ku wec pïïu ke yïnyin. Kë cï luöi mïthku ëbɛ̈n acï bï wan ke kënë cool, abïk kenïïm puk piny de kɔc ke ater.

Jeremia 31:23

Acïï Bɛ̈nydït de rɛm, Nhialic de Yithriɛl lueel an, “Të lan kɔc pɔ̈k nïïm pinyden, abïk bɛ aa lueel piny de Juda ku në wuötken yiic an, ‘Në Bɛ̈nydït thiei tëde piathëpiɔ̈u, Yïn kuur ɣeric ee Yen rëër thïn.’

Jeremia 31:27

“Acä lueel Yɛn Bɛ̈nydït an akööl abïkï, akööl bän baai de Yithriɛl kekë baai de Juda thiɔ̈ɔ̈ŋ ë kɔc ku läi.

Jeremia 31:31

Aye Bɛ̈nydït lueel an, “Akööl abïkï, akööl bän löŋ cï piac mac looi wo baai de Yithriɛl kekë kaai de Juda.

Jeremia 31:38

Go Bɛ̈nydït lueel an, “Akööl abïkï, akööl bï ë Jeruthalem ëbɛ̈n bɛ yïk ke ee pänydïïtdï, gɔl ë alooc bäär de Ɣananel të lɔ aköl athɛ̈i lee ë Kal de aguk thok.

Jeremia 32:37

Yɛn bï kɔc lɔ määt yiic ë juööriic ëbɛ̈n të wään cän ke thiäi thïn në agönhdï kekë diu de piɔ̈u, ku abä keek lɔ bɛ̈ɛ̈i ciëën ee tënë ku abä keek tɔ rɛ̈ɛ̈r eenë ë läŋ.

Jeremia 32:44

Abïï kɔc ke ɣɔɔc, ku löŋ abïï thaany, ku gur thok, ku abïï ŋic ë kɔc. Kënë abï rɔt looi piny de Benjamin, në ɣään thiääk ë Jeruthalem, ë pɛ̈ɛ̈nydït ke Juda yiic, ku në pɛ̈ɛ̈nydït nu piny ë kuur, ku në kur thäär, ku ë Juda të lɔ wöuwic. Yɛn bï kɔc pɔ̈k nïïm pinyden. Acä lueel, Yɛn Bɛ̈nydït.”

Jeremia 33:26

Ku cït man cän ee kënë looi ë yic, ka Yɛn bï löŋdiën cä mac wo mïth ke Jakop muk kekë awundï Debid. Yɛn bï mɛnh tök në käu de Debid lɔc, bïï aa bɛ̈ny de kuat de Abraɣam, ku Yithaak ku Jakop. Yɛn bï piɔ̈u kok wo kɔckï ku bɛ ke tɔ kueth.”

Jeremia 51:60

Ago Jeremia riääk bï Babilonia yök ëbɛ̈n gäär në awerekic, ku gɛ̈ɛ̈r ka kɔ̈k piny aya ka jam në baŋ de Babilonia.

Edhekiɛl 20:42

Të puɔ̈k ɛn wenïïm piny de Yithriɛl, piny wään cän gutguut lueel an bä gäm kuarkun, ëtɛ̈ɛ̈n abäk jɔ ŋic nɔn ee yɛn Bɛ̈nydït.

Edhekiɛl 34:13

Abä ke lɔ bɛ̈ɛ̈i bei në piiny ke alɛi yiic, ku määt ke yiic tëtök, ku ja ke pɔ̈k nïïm pinyden. Abä ke wat ciëën ku pɔ̈k kenïïm në kur nïïm ku në nyïïn ke pïïu ke piny de Yithriɛl yiic, ku cääm keek në ɣään ke wal piɛth.

Edhekiɛl 36:24

Wek bä ke jɔt në juöör yiic ëbɛ̈n, ku bɛ̈ɛ̈i week ciëën pinydun.

Edhekiɛl 47:14

Aa cä thön kuarkun arëët nɔn bän keek gäm ee pinyë ke ye këden, ka ënɔɔnë tɛkkï akït ë kɛmkun.

Jowɛl 3:1

Aye Bɛ̈nydït lueel an, “Në aköölkë yiic, të lan Juda puɔ̈k nɔm miɛt ë guöpde kekë Jeruthalem.

Dhep 2:7

Kɔc ke Juda cï döŋ apïr abïk pinydun dɔm. Yen bï kek ɣɔ̈k aa nyuääth thïn, ëlë thëën ke ke lɔ tɔ̈c në ɣööt ke Acekelon yiic. Bɛ̈nydït Nhialicden abï bɛ tɔ̈u ke keek, ku puk kenïïm athiɛɛiden.

Dhep 3:20

Kööl abɔ̈! Yɛn bï kɔckuön cï thiäi piny bɛ̈ɛ̈i wut, wek bä tɔ ŋic ë pinynɔm ëbɛ̈n, ku bɛ nyɔk në luɔi ta Yɛn we kueth. Ee Bɛ̈nydït Yen aa jam.

Luk 17:22

Go kɔcpiööcë yɔ̈ɔ̈k an, “Akööl abïk bɛ̈n, akööl bä wek piɔ̈ɔ̈th dɛ tïŋ tiëŋ wek kööl töŋ de akööl ke Wën ë Raan yiic, ku acäkï bï tïŋ.

Luk 19:43

Akööl abïk bɛ̈n tëde yïn, akööl bï kɔc dɛ wek ater yï geeu në rek, agokï yï tuɔɔk, ku jɔkï yï pɛ̈n lɔ biic ë wut këc ëbɛ̈n.

Luk 21:6

“Në ee ka wɔikï yë, akööl abïk bɛ̈n, kööl bï ke dhuöör piny, ka cïn kuur töŋ bï bɛ tɔ̈u ë kuur däŋ nɔm.”

Nyöŋ 30:3

Ëtɛ̈ɛ̈n Bɛ̈nydït Nhialicdun abï piɔ̈u kok kekë week, abï week bɛ̈ɛ̈i ciëën në Juööriic, juöör cï En ke week thiäi thïn, ku abï week bɛ tɔ kueth.

Nyöŋ 30:5

Aguɔkï piny bɛ nööm, piny wään cïï kuarkun kɔn cieŋ. Ku abï week tɔ kueth ku tɔ week tɔ juëc awär juëc de kuarkun ɣɔn.

Ɣeberuu 8:8

Yen acïï Bɛ̈nydït yök këde kë dɛ̈ɛ̈k rɔt thïn, ago Bɛ̈nydït lueel an, “Akööl abïk bɛ̈n, akööl bän löŋ bɛ mac wokë baai de Yithriɛl ku kɔc ke Juda.