Jeremia 3:8 - JAM DE NHIALIC 2011

⁸ Acïï Juda tïŋ aya nɔn cïï Yɛn nyankënë Yithriɛl pɔ̈l, ku cuɔp baai, në kë cïï yen rɔt yal wei tëde Yɛn ku looi rɔt ke ye akɔɔrröör. Ku Juda nyankënë Yithriɛl cïn piɔ̈u adöt, aa kën riɔ̈ɔ̈c. Yen aya acï rɔt bɛ̈n looi ke ye akɔɔrröör

Jeremia 3:8 Iomraidhean Croise

2 Lëk 21:11

Arëk abïï ɣään ke läm ke yiëth yïk piny ë kuur de Juda yic, ago kɔc ke Juda ku kɔc ke Jeruthalem tɔ lui Bɛ̈nydït awäc.

Yith 50:1

Aye Bɛ̈nydït lueel an, “Yak tak nɔn cän kɔckï cuɔp wei, cït man ye raan tiiŋde pɔ̈l? Tɔ̈u awereek ke pääl ënou? Yak tak nɔn cän we ɣɔ̈c pɛ̈c bïï we peec cït man ë raan ee mïthke ɣaac ke ke ye lïïm? Ei, wek aake leerë keek ë pɛ̈cic në biäk de awɛ̈ɛ̈ckun, wek aa toocë wei në biäk de karɛc yak looi.

Jeremia 2:19

Awänyduön cäk loi yen abï we luöi këtuc, ku jäldun tëde Yɛn abï we luöi këtuc. Abäk ŋic nɔn tuc en thok ku rɛɛc, yen kë cä wek Ɛn nyääŋ piny, Yɛn Bɛ̈nydït Nhialicdun, ku bɛkï piɔ̈ɔ̈th ciɛ̈n adöt në Yɛn. Acä lueel, Yɛn Bɛ̈nydït Awärjäŋ.”

Jeremia 3:1

Aye Bɛ̈nydït lueel an, “Na cï moc tiiŋde pɔ̈l, ku cï ye nyääŋ piny, ku cï lɔ ya tiiŋ de mony däŋ, acïï moc bï bɛ dök nɔm ciëën. Kënë aduëër piny tɔ rac taitai. Ku yïn Yithriɛl, yïn cï aa akɔɔrröör de röör juëc, ku akɔɔr ënɔɔnë bä rɔt dɔ̈k Ɛn!

Jeremia 33:24

“Cï piŋ luöi ye kɔc ye lueel an, cä Yithriɛl kekë Juda rɛɛc, kek ɣööt kaarou cä ke lɔc? Ku ayek kɔckï woi gup në abiaan, ku acïkï keek ee bɛ woi ke ke ye jur.

Jeremia 5:7

Bɛ̈nydït ee lop an, “Eeŋö bän karɛc ke kɔckï jɔ pɔ̈l? Acïk Ɛn nyääŋ piny ku lɛmkï yiëth cie yic. Yɛn cï kɔckï cääm abïk kuɛth, ku acïk lɔ köör ku jɔkï aa lɔ cath në akɔɔrröör.

Edhekiɛl 16:46

“Nyankui dït acɔl ke Thamaria, nu ë biäk lɔ të lɔ rut kekë wuötkɛn kor, ku nyankui koor acɔl Thɔdom kekë wuötkɛn kor, nu ë biäk të lɔ wöuwic.

Edhekiɛl 16:47

E yï kën piɔ̈u kuɛth we luɔi kuɛny yïn keek cök në pïïrdɛn rac yic? Ei, yïn aa nöm kaam thiinakäŋ, ku go karɛc wär ka wään yek looi ëbɛ̈n guɔ looi.

Edhekiɛl 16:51

“Thamaria akën awäny biäk wööc cït man cï yïn wäc. Yïn cï karɛc looi awär karɛckɛn wään cï looi. Riääkduön ë käŋ ë nyïïrëkɔckun tɔ woi ke ke cïn gup gääk, të thööŋ ë yïn ë yen.

Edhekiɛl 23:44

Ayek röt dɔ̈k ë duet akɔɔrröör aköölnyïïn kedhie. Ayek lɔ tëde Oɣola ku Oɣoliba, kek ee diëër rackë.

Edhekiɛl 23:9

Guɔ lɔ gäm röör määthkɛn ke Athiriya röörkɛn nhiɛɛr arëët.

Ɣodh 3:4

Ku yen kë bï mïth ke Yithriɛl tɔ rɛ̈ɛ̈r ka të cïn melik, ku të cïn bäny në aköölkë yiic. Ku acïn miɔ̈c bïk bɛ gam, ayï kur ɣeriic. Ku abïk nïïm ciën lupɔɔ ke ajïpɔ, ku cïnkï nïïm yiëth.

Nyöŋ 24:1

Go Mothe lueel an, “Na de raan nɔm tiiŋdɛn cï thiaak, ku jɔ bɛ lueel an cïï be kɔɔr, në biäk cï yen këdäŋ yök në yeguöp kë cïï kɔɔr. Ku jɔ awerek de päl ë tik gɔ̈ɔ̈r, ku gëm keek yen, ku jɔ cuɔp wei baaide.

Nyöŋ 24:3

ku jɔ ë monyë bɛ guiir aya nɔn cï yen en be kɔɔr, ku be awerek de päl ë tik gɔ̈ɔ̈r ayadäŋ, ku gëm keek yen, ku jɔ cuɔp wei baaide, ku nɔn cï monydɛn ye röör rouwë thou.