Jeremia 3:6 - JAM DE NHIALIC 2011

⁶ Ɣɔn ye Jothia melik, go ë Bɛ̈nydït lɛ̈k ɛn an, “Cï kë cïï Yithriɛl looi tïŋ, kë cïï tiiŋ cïn piɔ̈u adöt looi? Acï rɔt yal wei tëde Yɛn, acïn të kën en tɔ̈c ke röör thïn, në ee kurkë nïïm nhial, ayï tiim tɔ̈c thäär acï yen tɔ̈c ke röör.

Jeremia 3:6 Iomraidhean Croise

1 Mel 14:23

Acïk ɣään ye yiëth lam thïn yïk, ku tɛ̈ɛ̈ukï mëën ke kur nhial, ku kït bï yanh cɔl Acera, ku bï aa lam ë kur nïïm ku atïïp ke tiim thäär.

2 Lëk 34:1

Jothia aaye run bɛ̈t ɣɔn dɔm en bääny ke ye melik de Juda, go bääny muk ë Jeruthalem në run kathiërdiäk ku tök

Diɛt 106:39

Keek acïk kegup tɔ rac ë biäk de luɔiden, ku cïnkï piɔ̈ɔ̈th adöt tëde Nhialic.

Yith 57:3

Bäkkï ee tënë bïï löŋdun bɛ̈n guiir wek kɔc ke awɛ̈ɛ̈c! Wek cïï ŋuän në tït, ku röör akɔɔrdiäär ku diäär akɔɔrröör.

Yith 57:7

Wek ee lɔ në kur bär nïïm bäk miɔc lɔ gam ku jakkï niin në diäär.

Jeremia 1:2

Bɛ̈nydït aacï jam kekë Jeremia wään ye Jothia wën de Amon melik de Juda run thiëër ku diäk në bääny yic.

Jeremia 11:10

Acïk lɔ ciëën ë karɛc ke kuarken yiic, kɔc wään reec luɔi de kë cä lueel, acïk yiëth kɔ̈k lam. Baai de Yithriɛl ku baai de Juda acïk löŋ cä mac wo kuarken dhoŋ kɔ̈u kedhie.

Jeremia 17:2

Kɔckun ayek lam në yïk kɔ̈ɔ̈th, ku në kït cï luöi yanh tiiŋ cɔl Acera, ku në tiim tɔ̈c thäär ëbɛ̈n, ku kur nïïm,

Jeremia 3:8

Acïï Juda tïŋ aya nɔn cïï Yɛn nyankënë Yithriɛl pɔ̈l, ku cuɔp baai, në kë cïï yen rɔt yal wei tëde Yɛn ku looi rɔt ke ye akɔɔrröör. Ku Juda nyankënë Yithriɛl cïn piɔ̈u adöt, aa kën riɔ̈ɔ̈c. Yen aya acï rɔt bɛ̈n looi ke ye akɔɔrröör

Jeremia 31:22

Kɔc cïn gäm, bäk gääu agut cï nɛn? Yɛn cï kë cï piac looi cak, ku ee kë mɛɛn, ee kë mɛɛn cït man ye tik moc gël.”

Jeremia 5:11

Baai de Yithriɛl ku baai de Juda acïk Yɛn nyiɛɛn taitai. Acä lueel, Yɛn Bɛ̈nydït.”

Jeremia 7:24

Ku keek akënkï ya riëëu ku kënkï kë luɛɛl gam, acïk ka ye nïïmken ku piɔ̈ɔ̈thkɛn rac tak looi, ka acïk jɔ rac aläl ku cïkkï be piath.

Edhekiɛl 16:31

Yïn cï ɣään ke läm de yiëth yïk në kuɛɛr këc ëbɛ̈n, ku jakkï röt aa nööm thïn. Ku yïn cïï wëu ee nööm cït man akɔɔrröör kɔ̈k nhiaar wëu.

Edhekiɛl 16:35

Ku ënɔɔnë da yïn Jeruthalem akɔɔrröör! Piŋ kë lueel Bɛ̈nydït Awärjäŋ.

Edhekiɛl 20:28

Acä ke bɛ̈ɛ̈i piny wään cän gutguut lueel an bä gäm keek. Na wën tïŋ kek kur bär ku tiim tɔ̈c, gokï miɔ̈c näk gäm keek kedhie. Acïk a tɔ göth në miɔc näk yek nyop ku mɔ̈n yek bɛ̈ɛ̈i ke ye miɔ̈c.

Edhekiɛl 23:11

“Cakaa wään cï nyankënë Oɣoliba ee kënë tïŋ, ke jɔ kɔ̈ɔ̈rdɛn de röör ŋuak nyin ku tɔ dït abïï nyankënë Oɣola bɛ wuöör.

Edhekiɛl 23:4

Nyandïïtë acɔl Oɣola, ku yen atɔ̈u ë nyin de Thamaria yic, ku nyan thiinë acɔl Oɣoliba, ku yen atɔ̈u ë nyin de Jeruthalem yic.” Guɔ ke thiaak kedhie kaarou gokï yɛn dhiëth mïth.

Ɣodh 11:7

Acïï ë kɔckï gam nɔn bïk kek a nyääŋ piny. Na cakaa nɔn ye kek Awärjäŋ cɔɔl rin, acïï keek bï kɔn jat nhial ë taiwei. Kënë atuc arëët, acä duëër lëu bä looi.

Ɣodh 4:13

Ayek yiëth miɔɔc në kur nïïm nhial ya, ku nyopkï miɔ̈c ye nyop ëbɛ̈n në kur kor nïïm, ku në tim de ɣok thar. Ku në atïïp ke tiim cï lɔ niëpniëp, në luɔi liir atïïpken. “Yen kë ye duetkun tɔ ya akɔɔrröör ka. Ku yen aye diäär ke wɛ̈ɛ̈tkun röt tɔ nöm.

Bäny 2:17

Ku kɔc ke Yithriɛl akënkï jam de bäny ee löŋ guiir piŋ, acïk yiëth kɔ̈k kuany cök ku yek keek lam. Wärken ɣɔn aake ye lööŋ ke Bɛ̈nydït riëëu, ku remë acïï lööŋ ke Bɛ̈nydït ee riëëu.