Jeremia 3:4 - JAM DE NHIALIC 2011

⁴ “Ku ënɔɔnë acï lɛ̈k ɛn an, ‘Ya wuur, ku yïn nhiaar ɛn ë caŋɣɔn aa yɛn meth.

Jeremia 3:4 Iomraidhean Croise

Diɛt 119:9

Duëër dhuök pïïrden tɔ lɔ wai adï? Ee në riëëu bï kek lööŋku aa riëëu.

Diɛt 48:14

“Nhialicë ee Nhialinyda aɣet athɛɛr, abï wo wat në nïn bɔ̈ tueŋë yiic kedhie.”

Diɛt 71:17

Yïn cï ya wɛ̈ɛ̈t ɣɔn ŋuɔɔt ɛn ke ya ye dhuk, ku yɛn ŋoot ke ya lueel kakuön ke gäi.

Diɛt 71:5

Nhialic, yɛn cï aŋäthdï tääu në Yïciin. Yïn aa ya ŋɔ̈ɔ̈th ɣɔn ŋuɔɔt ɛn ke ya ye dhuk.

Kɛ̈ŋ 1:4

Abïk raan cïn piɔ̈u tɔ yök pɛlënɔm, ku tɔkï dhuök yök ŋïnydekäŋ ku pɛ̈ɛ̈kden.

Kɛ̈ŋ 2:17

Tiiŋ cïï kääc në monyde nɔm, tiiŋ cï nɔm määr në kuëëŋ ɣeric cï yen kuëëŋ.

Jeremia 2:2

bä ee jamë lɔ lɛ̈k raan ëbɛ̈n raan tɔ̈u në Jeruthalem. An, “Yɛn ee täuduön adöt wään ee yïn meth tak, nhiëër dïït ë nhiɛɛr yïn Ɛn ɣɔn tueŋ thiɛɛk wok röt, yïn aaye Ya kuany cök në jɔ̈ɔ̈ric, piny kënë com.”

Jeremia 2:27

Wek bï yɔ̈ɔ̈r gup, wek kɔc ee ye lueel nɔn ye tim wuur ku ye kuur moor. Kënë abï rɔt looi në biäk cïï wek röt yal wei tëde Yɛn në nyin duëër wek röt dɔ̈k Ɛn, ku na tɔ̈ukï në riääkic, wek ee Ya bɛ̈n kɔɔr bä we kony.

Jeremia 3:19

Aye Bɛ̈nydït lueel an, “Yithriɛl yïn kaar bä yï gam ke yï wëndï ku gäm yïn piny bï yïn piɔ̈u miɛt, piny wär piiny ke juöör në piath. Akaar bä Yɛn aa cɔɔl an Wäär, ku du rɔt bï bɛ yal wei tëde Yɛn.

Jeremia 31:22

Kɔc cïn gäm, bäk gääu agut cï nɛn? Yɛn cï kë cï piac looi cak, ku ee kë mɛɛn, ee kë mɛɛn cït man ye tik moc gël.”

Jeremia 31:9

Kɔckï abïk kenïïm puk ke ke dhiau, ku lɛ̈ŋkï të bɛ̈ɛ̈i Yɛn keek ciëën. Abä keek wat të de nyïïn ke pïïu, abä ke tɛ̈ɛ̈k ë kueer lipic cïï ke bï tɔ kɔ̈th. Yɛn cït wun kɔc ke Yithriɛl, ku Eparaim ee wën kɛ̈idï.”

Ɣodh 2:15

Ku Yɛn bï wak de Akor puk aye kueer de aŋäth. Yithriɛl abä puɔ̈k nɔm duumkɛn ke tiim. Ka Yithriɛl abï piɔ̈u bɛ miɛt ke Yɛn cït man ɣɔn yen meth, në akööl ɣɔn bɛ̈ɛ̈i Yɛn en bei paan ë Rip.

Malakai 1:6

Go Bɛ̈nydït de rɛm bäny ke kake Nhialic luɔp an, “Meth cïï wun ee riëëu? Ku raan ee bɛ̈ny luööi cïï bɛ̈nyde ee riëëu? Na Ya Wuöördun, ke rïïu riëëu wek Ɛn akou? Ku na Ya Bɛ̈nydïtdun, ke riɔ̈ɔ̈cduön ya wek riɔ̈ɔ̈c në Yɛn akou? Wek ë Ya dhɔ̈l guöp wek bäny ke kake luɔidï. Ku wek ee lop an, ‘Cuk Yï dhɔ̈l, ee dhääl yïn dï?’

Malakai 2:14

Ku wek ee bɛ lop an, eeŋö cïï miɔ̈cda ee bɛ gam? Ee luɔi ë ye Nhialic raan ee daai në kë loi rɔt në kaamdu wekë tiiŋduön riëëc wek, tiiŋ cï päl wei ënɔɔnë. Ku ee yen ee yï kuɔny, ku ye tiiŋduön de löŋ.