Jeremia 3:3 - JAM DE NHIALIC 2011

³ Yen acï deŋ tɔ yaak ke cïï tueny, ku yen akën ë nyïïn bɛ thiɔɔr ke ke bɔ̈ biic. Ku yïn ee tïc cït tiiŋ akɔɔrröör, yïn cïn guöp ayäär.

Jeremia 3:3 Iomraidhean Croise

Cäk 19:34

Na ɣɔn amiäk, ke lëk ë nyan kɛ̈ide nyan thiinë an, “Yɛn ë tɔ̈c wën akɔ̈u wokë wää. Beku tɔ dëk ë mɔ̈u ee köölë ayadäŋ. Ku bä tɔ̈c wekë yen, ke wo bï nïïm dɛ mïth në wääda.

Neɣe 9:17

Acïk Yï rɛɛc thok, ku mɛ̈ɛ̈rkï nïïm në këriëëc ɣɔn cï looi ëbɛ̈n, mɛ̈ɛ̈rkï nïïm në kagɛ̈iyë ke cï ke looi, në lɛcden, gokï röt lɔ̈c bɛ̈ny bï ke dak nïïm në lïïmic paan ë Rip. Ku Yïn ee Nhialic ee kɔc päl awɛ̈ɛ̈c, Yïn de nɔm kok de piɔ̈u, ku nhiëër agɔk ku cïï ee dap gɔ̈th, kok de piɔ̈ndu adït arëët, ka kɛ̈n ë ke nyääŋ piny.

Kɛ̈ŋ 21:29

Täk në kueer piɛth ee këde kɔc piɛthpiɔ̈ɔ̈th, ku kɔc ee karɛc looi ayek röt guɔ tɔ cït kɔc piɛth.

Yith 5:6

Yɛn bï wal tɔ cil thïn. Yɛn cïï tiim bï guaar kɔ̈ɔ̈th, ku cä ke puur thäär, ku yɛn bï wal kekë kuɔɔth pɔ̈l ke ke cil thïn ku kumkï keek piny. Ayï luäät abä pɛ̈n luɔi tuëny en dom.”

Jeremia 14:1

Go ë Bɛ̈nydït lɛ̈k ɛn në biäk de cɔk,

Jeremia 14:22

Acïn yanh de juöör kɔ̈k duëër deŋ bɛ̈ɛ̈i, ayï tënhial yetök acïï duëër nyieer. Wok cï aŋäth tääu ë Yïguöp, Yïn Bɛ̈nydït Nhialicda, në biäk yen Yïn ë loi ee kakë.

Jeremia 14:3

Kɔc kueth ayek kɔc ee keek luööi tuöc pïïu, ayek lɔ në awuuliic ku cïn pïïu yökkï ke, ayek bɛ̈n ciëën në aguut cïn yiic pïïu. Ayek kenyïïn thiaan në ayäär ku ciën aŋäth.

Jeremia 14:4

Në biäk cïn en deŋ, ku piny acï ril wei, kɔc ee pur atök ke piɔ̈ɔ̈th, ayek kenyïïn thiaan.

Jeremia 36:2

“Nöm awerek ku gäärë yic kë cä lɛ̈k yïn ëbɛ̈n ë biäk de Juda ku Yithriɛl ku juöör kedhie. Gɔ̈ɔ̈r këriëëc ëbɛ̈n kë cä lɛ̈k yïn gɔl ë kööl wään bän kɔn jam wo yïn, wään ye Jothia melik agut cï ënɔɔnë.

Jeremia 5:24

Akënkï tak bäk ya riëëu, cakaa nɔn yan we tuöc deŋ yaak ku tuöc we deŋ ruël, ku gäm week rɛɛp yak tem ë ruöön thok ëbɛ̈n.

Jeremia 5:25

Ku kë loi rɔt, karɛckun acïk week pɛ̈n bɛ̈n bïï ee kapiɛthkë bɛ̈n tëde week.

Jeremia 5:3

Ee yic Bɛ̈nydït ee kɔc ee piɔ̈ɔ̈th adööt kɔɔr. Acï we luöi këtuc, ku akɛ̈nkï yök në wepiɔ̈ɔ̈th, acï we dum yiic, ku we kën wëët. Wek aake ril nïïm, ku wek cïï köör bäk röt puk në karɛckun yiic.

Jeremia 6:15

Ë ke ye gup yäär të wään ye kek karɛc cït ee kakë looi? Ei, acïkï gup ee yäär taitai, ku acïkï ŋic aya luöi duëër kek ye pɔ̈l. Ka keek abïk wïïk cït man cï kɔc kɔ̈k wïïk, wään luöi Yɛn keek këtuc, yen abï aa thökden. Acä lueel, Yɛn Bɛ̈nydït.”

Jeremia 8:12

Kɔckï, ë we kën gup riɔ̈ɔ̈c në biäk cä wek kake ayäär looi? Ei, wek kën gup riɔ̈ɔ̈c taitai, ku wek kuc luöi ye kɔc diɛɛr aya! Ka wek bï wïïk cït man cïï kɔc kɔ̈k wïïk, të lan week lɔ luöi këtuc, kënë yen abï aa thökdun. Acä lueel, Yɛn Bɛ̈nydït.

Jeremia 9:12

Guɔ lop an, “Bɛ̈nydït, eeŋö jɔ piny riääk ku jɔ riɛl abïï ciët jɔ̈ɔ̈ric, ka cïn raan ee cath thïn? Eeŋa pelnɔm arëët bï ee kënë yökic? Eeŋa cï nyuöth en ago lɔ wɛ̈ɛ̈ric kɔc kɔ̈k?”

Edhekiɛl 3:7

Ku baai de Yithriɛl abïk jaai bïk këdu piŋ, në biäk cï kek jaai bïk këdï piŋ. Në baŋ ye baai de Yithriɛl ëbɛ̈n kɔc ril nïïm ëtör.

Lebai 26:19

Yɛn bï lɛcduön dït dhoŋ kɔ̈u, ku ta nhial tɔ cït wëëth ë wenïïm ku ta piny tɔ cït ayööm ë wecök.

Amoth 4:7

Rɛɛpkun acä keek pɛ̈n deŋ ke ke cïï bï piɔɔk, ku yɛn ee deŋ tɔ tueny wun tök, ku pɛ̈n wun däŋë. Ku ta deŋ tueny dom tök, ku ta dɛ̈ɛ̈k dom däŋë go yom wei.

Amoth 4:8

Ku kɔc cï yiɛɛl wei acïk thiëi ë wuöt yiic ke ke kɔɔr pïïu, ku acïn pïïu cïk yök. Ku wek ŋoot ke wek cïï röt puk Ɛn. Kë cïï Bɛ̈nydït lueel ka.

Dhep 2:1

Määtkï weyiic ku luɔikï amatnɔm, ku puɔ̈kkï wepiɔ̈ɔ̈th yïn jur ciën guöp ayäär,

Dhep 3:5

Ku Bɛ̈nydït atɔ̈u ë pänydït yic, ku abï këpiɛth looi ke cie kërac. Ee yicde nyuöth kɔcke aköölnyïïn ke cïn kööl töŋ lööny nɔm piny, ku kɔc ee karɛc looi ëtɛ̈ɛ̈n, ayek ŋoot ke ke loi awɛ̈ɛ̈c ku cïkï gup ee riɔ̈ɔ̈c.

Ɣagai 1:11

Yɛn ë piny tɔ yaak, ayï kur nïïm, ku rɛɛpke, ku duumkuön ke enap, ku duum ke tiim ke olip. Këriëëc nyin ëbɛ̈n, kë ee cil piny, acä tɔ yal, ayï kɔc, ayï ɣɔ̈k, ayï thök.

Nyöŋ 28:23

Acïn deŋ bï tuɛny, ku pinydun abï riɛl ë tör cï wëëth.

Ɣeberuu 12:25

Ënɔɔnë yak röt jɔ tiit ke we cïï bï jäi të jiëëm ë Nhialic week. Na kën kɔc wään piŋ rölde, ɣɔn jiëëm En keek ë Mothe thok ë piny nɔm eenë poth taitai! Yak tak duɛ̈ɛ̈rkï poth të rɛɛc wek Yecu raan jiëëm week paannhial!