Jeremia 3:13 - JAM DE NHIALIC 2011

¹³ Gam tei nɔn cï yïn awäc looi, ku nɔn cï yïn Bɛ̈nydït Nhialicdu rɛɛc. Gam nɔn cïï yïn yiëth lei näk miɔ̈c në ee tiimkë thäär, ku yïn kën kë cä lɛ̈k yïn riëëu. Acä lueel, Yɛn Bɛ̈nydït.”

Jeremia 3:13 Iomraidhean Croise

Neɣe 9:2

Keek acïk röt pɔ̈c bei pei në juöör lei yiic. Aceŋkï anuɛɛr ku ayek kenïïm wäl abuui, nyooth kek dhiën ë piɔ̈ɔ̈thken, ku ëtɛ̈ɛ̈n acïk bɛ̈n kɔ̈ɔ̈c läŋkï bïk ke päl awɛ̈ɛ̈cken ku awɛ̈ɛ̈cë cïï kuarken looi.

Kɛ̈ŋ 28:13

Raan ee kë cï wööc thiaan acïn këdɛn ee lɔ tueŋ, ku raan awɛ̈ɛ̈cke gam ku pɛ̈l ke ee kokdepiɔ̈u yök.

Yith 57:5

Wek ee yiëth ee diäär tɔ dhiëth lam në nïn ya wek niin në diäär në tiim ke ɣok thäär. Wek ee mïthkun gam ke ke ye miɔ̈c näk, në kɔ̈k ke kur thiääk ke nyïïn ke pïïu tɔ̈u në kur thäär piny.

Jeremia 14:10

Aye Bɛ̈nydït lueel në biäk ee kɔckë an, “Ayek nhiaar bïk kat ë Yɛn, ku acïkï röt bï tiit. Ka Yɛn cïï piɔ̈u mit wo keek. Yɛn bï ka cïk wööc tak, ku luöi keek këtuc ë biäk de karɛcken.”

Jeremia 14:20

Bɛ̈nydït, Yïn cuk luöi awäc, wok cï karɛckuɔ gam, ku gɛmku karɛc ke kuarkuɔ.

Jeremia 2:20

Aye Bɛ̈nydït lueel an, “Yithriɛl ɣɔn thɛɛr yïn aacï bäänydï rɛɛc, yïn cï jaai bä ya riëëu ku lam Ɛn. Në kur bär nïïm ëbɛ̈n, ku në tiim tɔ̈c thäär ëbɛ̈n, yïn aaye yiëth ee käŋ tɔ lok lam.

Jeremia 2:25

Yïn Yithriɛl du yïcök tɔ baat, ku nɔn bïï yïn röl ril wei ke yï cop yiëth kɔ̈k cök. Ku acï lueel an, ‘Ei! Yɛn cïï rɔt bï pɔ̈k ciëën. Yɛn nhiaar yiëth ke juöör kɔ̈k, ku yɛn bï lɔ në kecök.”’

Jeremia 3:2

Tïŋ kur nïïm nhial. De të kën yïn tɔ̈c thïn we röör cï tiiŋ akɔɔrröör? Yïn ee röörkuön nhiaar tiit në kuɛɛr këc. Cït man ye cuɛ̈ɛ̈r kɔc bïï rum tiit në jɔ̈ɔ̈ric. Yïn cï piny dhiöök në kɔ̈ɔ̈rduön ë röör.

Jeremia 3:25

Wok duëër tɔ̈c piny në ayäär, ku jɔ ayärda wo kuöm piny. Wook në kuarkuɔ wok cï awɛ̈ɛ̈c looi në ciɛɛŋ, luiku ke Bɛ̈nydït Nhialicda, wok kën kë ye lɛ̈k wook kɔn riëëu.”

Jeremia 3:6

Ɣɔn ye Jothia melik, go ë Bɛ̈nydït lɛ̈k ɛn an, “Cï kë cïï Yithriɛl looi tïŋ, kë cïï tiiŋ cïn piɔ̈u adöt looi? Acï rɔt yal wei tëde Yɛn, acïn të kën en tɔ̈c ke röör thïn, në ee kurkë nïïm nhial, ayï tiim tɔ̈c thäär acï yen tɔ̈c ke röör.

Jeremia 7:24

Ku keek akënkï ya riëëu ku kënkï kë luɛɛl gam, acïk ka ye nïïmken ku piɔ̈ɔ̈thkɛn rac tak looi, ka acïk jɔ rac aläl ku cïkkï be piath.

Jeremia 7:26

Ku acïn raan ee këden gam ku cïn raan piŋ këden. Ku wek cï nïïm riɛl ku rɛɛckï käŋ awär kuarkun.

Edhekiɛl 16:15

“Ku yïn cï dikdu guɔ ŋɔ̈ɔ̈th, ku cï dɛ kɛk ee yïn akɔɔrröör ee niin we raan ëbɛ̈n, raan cï bɛ̈n në yïlɔ̈ɔ̈m.

Ɣodh 5:15

“Yɛn bï kɔckï päl wei, ku ta ke gum arëët, në biäk de awɛ̈ɛ̈cken, agut të bï kek röt puɔ̈k Ɛn. Abï guöm keek tɔ kɔɔr Ɛn arëët.

Nyöŋ 12:2

Wek bï ɣään ye juöör bä keek lɔ cop lam thïn riɔ̈ɔ̈k ëbɛ̈n, ɣään tɔ̈u në kuur nïïm, ku ɣään tɔ̈u të thöny, ku tiim tɔ̈c thäär ëbɛ̈n.