Jeremia 27:9 - JAM DE NHIALIC 2011

⁹ Ka duökï tïtkun piŋ thook, ku duökï kë lueel raan ee jam an duëër kë bï rɔt looi wadäŋ caar ee piŋ, kɔc ee nyuöth, ku kɔc ee kɔc cï cɔ̈ɔ̈l bei, ku kɔc ee cɔ̈ɔ̈r ë yiëth. Ku abïk we yɔ̈ɔ̈k an, duökï melik de Babilon ee luööi.

Jeremia 27:9 Iomraidhean Croise

Bɛ̈n 22:18

“Yak tik nɔ̈k ëbɛ̈n tiiŋ cï rɔt tɔ ye tiët.

Bɛ̈n 7:11

Go melik röör pelnïïm cɔɔl, ku cɔɔl tït. Agokï kë cït kë cïï Aron looi looi ayadäŋ në tïïtden.

Kɛ̈ŋ 19:27

Mɛnhdï, mälë në pïŋ de jiëëm, ke cïn kë bä bɛ ŋic.

Yith 8:19

Ku kɔc abïk week yɔ̈ɔ̈k bäk wël aa lɔ luɔp yiic tëde kɔc ee cɔ̈ɔ̈r, ku kɔc ee thuëth, kɔc ee käŋ caar ku yek käŋ mɛɛk. Abïk lueel an, “Kɔc ayek wël luɔp tëde wëi ku jamkï në kɔc cï thou në nyin de kɔc pïr.”

Jeremia 14:14

Go ë Bɛ̈nydï bɛ̈ɛ̈r an, “Tït aluelkï lueth në rinkï, akɛ̈n keek tooc, ku akɛ̈n keek yɔ̈ɔ̈k, ku acïn jam töŋ cä lɛ̈k keek. Yen nyuuth jiɛɛm kek ee këden, aacïï bɔ̈ tëde Yɛn, ka caarkï ayek lueth, kakɛn ë thööŋkï keek ë kenïïm.

Jeremia 23:16

Acïï Bɛ̈nydït de rɛm lɛ̈k kɔc ke Jeruthalem an, “Duökï kë lueel ë tït piŋ, athiɔ̈ŋkï week në aŋäth ɣɔ̈ric. Ayek we lɛ̈k kë yek thɔ̈ɔ̈ŋ, ke cie kën ë luɛɛl.

Jeremia 23:25

Yɛn ŋic kë cï tïtkë lueel, kɔc wään luel lueth në rinkï, ku luelkï an cä ke gäm jam në nyuöthden yic.

Jeremia 23:32

Piŋ kë luɛɛl, Yɛn Bɛ̈nydït! Yɛn man tït ee nyuuthken lueel, nyuuthkɛn thiäŋ ë lueth. Ayek ee nyuuthkë lueel ku thelkï kɔckï wei në törden ku në lɛcden. Akɛ̈n keek tooc, ku akɛ̈n ke yɔ̈ɔ̈k bïk lɔ, ku acïn kë bïk kuöny kɔc taitai. Acä lueel, Yɛn Bɛ̈nydït.”

Jeremia 29:8

Yɛn Bɛ̈nydït de rɛm, Nhialic de Yithriɛl, we ya yɔ̈ɔ̈k an, duökï röt bï tɔ mɛth ë tït rɛ̈ɛ̈r ë weyiic, ku duökï röt tɔ mɛth ë kɔc kɔ̈k ee ye lueel nɔn duëër kek ka bï bɛ̈n wadäŋ caar. Duökï nyuöthden gam.

Edhekiɛl 21:29

Nyuuth ye keek tïŋ ayek lueth, ku ka ye keek caar ayek tör. Yïn ee raan ee karɛc looi ku ye raan rac, ku kööldu abɔ̈, kööl ciëën bï ë yïn luöi këtuc. Abätäu abï lööny në weyiëth.

Danyel 4:7

Go kɔc ee thuëth, ku kɔc ee cɔ̈ɔ̈r, ku kɔc ee lam, ku kɔc ee meek bɛ̈ɛ̈i, aguɔ keek lɛ̈k nyuöthdï gokï kɛ̈n bɛ̈n wɛ̈ɛ̈ric ɛn.

Maika 3:7

Ku kɔc ee nyuuth tïŋ, abïk yäär, ku tït abïk guöp riɔ̈ɔ̈c. Abïk kenyïïn kum kedhie, në luɔi cän jamden bï bɛ aa puk nɔm Yɛn Nhialic.

Dhek 10:2

Kɔc aye yiëth ke math, ku törë tït keek lueth. Ayek nyuöth ë lueth, ku bïïkï kɔc piɔ̈ɔ̈th në ɣäär yiic. Ka kɔc acïk yiëëm cï thök cï määr. Ayɔŋ keek në biäk cïn kek nïïm bɛ̈ny.

Malakai 3:5

Ku lueel ë Bɛ̈nydït de rɛm an, “Ku Yɛn bï lɔ bɛ̈n ë welɔ̈m, bä löŋdun week bɛ̈n guiir, Yɛn bï tït ke yiëth dap bɛ̈n gaany, ku kɔc ee diëër lei kɔɔr, ku kɔc ee kuëëŋ në lueth, ayï kɔc ee kɔc luui keek cam në ariöp de luɔiden, ku kɔc ee diëër cïn nïïm röör yɔŋ, ku yɔŋkï abɛɛr, ku pënkï kamaan yinyden, ku cïkï riɔ̈c në Yɛn.

Luɔi 8:11

Aake ye këde piŋ, luɔi cï en keek tɔ gäi në thuɛ̈th ë yen thuëth ëcaŋɣɔn.

Epethiei 5:6

Ë cïn raan ee we math ë wël ɣäär yiic: agönh ë Nhialic abɔ̈ ë kɔc reec gäm nïïm në biäk de ka cït ee kakë.

Nyöŋ 13:2

në biäk bïï kek week thɛl në läm ku luööikï yiëth, yiëth kënkï keek kɔn lam ɣɔn thɛɛr. Na cakaa këdɛn ë thönkï week, yen cï bɛ̈n ke ee yic,

Nyöŋ 18:14

“Në ee juöör bäk lɔ copë, tiɛtkï röt në tït nu ëtɛ̈ɛ̈n ku kɔc ee käŋ caar, ku Bɛ̈nydït Nhialicdun acïï week ee päl luɔi cït ee kënë.

Jocua 13:22

Ku tiët Balaam, wën ë Beyor acï bɛ̈n nɔ̈k në kɔc ke Yithriɛl të ɣɔn nɛ̈k kek kɔc.

Nyuuth 18:23

ku ɣɛɛr ë manyëalath acïï piny bï bɛ aa riaau ë yïyic ëtaitai, ayï röl ë monythiëk kekë nyan thiak acïï bï bɛ aa piŋ ë yïyic ëtaitai: ajalɛɛpku aake ye bänydït ke piny nɔm, ku ë adhuɛ̈ɛ̈thdu en aaye juöör math ëbɛ̈n!”

Nyuuth 21:8

Ku na ariɔ̈c, ku kɔc reec gäm, ku kɔc nhiany piɔ̈ɔ̈th, ku kɔc ee kɔc nɔ̈k akurkï, ku kɔc ee diäär kɔɔr, ku kɔc ee thuëth, ku kɔc ee yiëth lam, ku aluɛth kedhie, këden ee täu bï kek tɔ̈u ë baar ë dëp ë macic ku thulpuric, yen aye thon ee kek rou.”

Nyuuth 22:15

Ku jɔ̈k, ku kɔc ee thuëth, ku kɔc ee diäär kɔɔr, ku kɔc ee kɔc nɔ̈k akurkï, ku kɔc ee yiëth lam, kek atɔ̈ukï biic, ayï raan ëbɛ̈n raan nhiaar lueth ku ye lueth töör.

Nyuuth 9:21

ku kënkï kepiɔ̈ɔ̈th puk në näŋdɛn ë kɔc, ku athuɛ̈ɛ̈thden ee kek thuëth, ku kɔ̈ɔ̈rdɛn ë diäär, ku kuëlden.