Jeremia 26:3 - JAM DE NHIALIC 2011

³ Tɛkdäŋ bï kɔc piŋ ku pɛ̈lkï kuɛɛrkɛn rac. Na lek ke pɔ̈l, ke Yɛn bï Yanɔm waar në riääk cä kiëët kaar bä yiɛ̈n keek, në biäk ë luɔi rɛɛcden ëbɛ̈n.”

Jeremia 26:3 Iomraidhean Croise

1 Mel 21:27

Wën jɔ Elija thök ë jam, go Aɣap lupɔɔ ke yen kɔ̈u rɛtiic në jiɛthëpiɔ̈u, ku bïï ke biic ë yekɔ̈u ku pot rɔt në ŋeth, ku reec cäm ku tɔ̈ɔ̈c ë ŋethic, ku jiël ke cï rɔt tak në kë ë lui yë.

1 Mel 21:29

“Kënë tïŋ luɔi cï Aɣap rɔt kuɔɔr piny në Yanɔm? Nɔn cï yen ee kënë looi Yɛn cïï riääk bï bɛ yiɛ̈n en në akööl ke pïïrde yic, Yɛn bï riääk bɛ̈ɛ̈i baai de Aɣap në akööl ke wɛ̈ɛ̈tke yiic.

Jeremia 26:13

Wek bï kueerduön ya wek rëër ku kakuön yak looi dhil waaric, ku we bï Bɛ̈nydït Nhialicdun dhil riëëu, na lak looi, abï yenɔm waar në riääk cï lueel an bïï yiɛ̈n week.

Jeremia 26:19

Kɔc ke Juda ku melik Ɣedhekia akënkï Maika bɛ̈n tɔ näk. Ɣedhekia acï Nhialic bɛ̈n riëëu, ku ye kɔɔr bïï tɔ mit piɔ̈u. Go Bɛ̈nydït yenɔm waar, në biäk ë riääk cï lueel an bï yiɛ̈n keek. Ënɔɔnë wok kɔɔr buk riääk bɛ̈ɛ̈i ë wogup.”

Jeremia 36:3

Tɛk däŋ të le kɔc ke Juda riääk kaar bä yiɛ̈n keek ëbɛ̈n piŋ, abïk röt puk ë kuɛɛrkɛn rac yiic. Ku ëtɛ̈ɛ̈n Abä ke päl karɛcken ku awɛ̈ɛ̈cken.”

Jeremia 36:7

Tɛk däŋ bïk Bɛ̈nydït lɔ̈ŋ ku pukkï röt ë kuɛɛrkɛn rac yiic, ë biäk cï Bɛ̈nydït kɔckë lɛ̈k në agöth ku diu ë piɔ̈u.”

Edhekiɛl 12:3

“Ënɔɔnë, Mɛnh ë raan, dut nɔm de wal ke yï cït man ë raan kɔɔr tëde thiaan, ku jël ke piny ë kën guɔ cuɔl. Tɔ rɔt tïŋ ë raan ëbɛ̈n, ke yï jël ke yï jël ke yï lɔ tëdäŋ pei. Tɛk däŋ bï kɔc reec löŋë yï ŋic, ku tɛk däŋ bïk ŋic nɔn ye kek kɔc reec löŋ.

Edhekiɛl 18:21

“Na cï raan ee karɛc looi luɔi de karɛc pɔ̈l ku muk lööŋkï, na looi këpiɛth ku ee yic, acïï bï thou, abï dhil pïïr ë yic.

Ɣodh 11:9

Agönhdï acä päl piny ë määth, Yɛn cïï Eparaim bï bɛ riɔ̈ɔ̈k taitai. Në biäk yan Nhialic, Yɛn cie raan. Yɛn ee Töŋ Ɣeric në weyiic. Yɛn cï bï bɛ̈n tëde week, ke Ya göth.

Jowɛl 2:14

Eeŋa ŋic en, tɛk däŋ, duëër Bɛ̈nydït Nhialicdun yenɔm waar, ku thieei week në rɛɛp juëc. Ku ëtɛ̈ɛ̈n aduɛ̈ɛ̈rkï gäm miɔ̈c ë rap ku miɔ̈c ye dek.

Jona 4:2

Ago lɔ̈ŋ an, “Bɛ̈nydït, cie kë wään ŋiɛc ka, luɔi bïï Yïn ë looi aya, wään ŋuɔɔt ɛn paanda? Ee yen ë tɔ ya kɔt ke ya lɔ wun cɔl Tarcic. Aa ŋiɛc luɔi Yïn Nhialic de nɔm nhiëër agɔk, ku päl de karɛc, Yïn ee piɔ̈u adhuɛ̈ŋ ku ye piɔ̈u dap kok, ku Yïn ee Yïnɔm dap waar ku cïï kɔc ee luöi këtuc.