Jeremia 24:9 - JAM DE NHIALIC 2011

⁹ Yɛn bï riääk dït bɛ̈ɛ̈i në kegup, ka juöör ke pinynɔm kedhie abïk riɔ̈ɔ̈c. Abïï kɔc ke biɔɔn gup, ku dɔl kɔc ke gup, ku bui keek gup, ku rinken abïï keek tɔ ee këde aciɛɛn në piny nɔm ëbɛ̈n, piny bän keek thiäi thïn.

Jeremia 24:9 Iomraidhean Croise

1 Mel 9:7

ku Yɛn bï kɔc ke Yithriɛl nyaai piny wään cä gäm keek, ku Yɛn bï ë Luaŋdïïtë pɔ̈l, Luaŋdïït cä tɔ ɣeric ke ye të bïï Ya aa lɔ̈ŋ thïn. Ku Yithriɛl abï aa kääŋ tëde raan ëbɛ̈n, ku abïï yɔŋ.

2 Lëk 7:20

ke wek bä nyaai piny cä gäm week, ku Yɛn bï Luaŋdït cä thieeiyë ke ee të bï ë Yɛn aa lam thïn nyääŋ piny. Abï kɔc ke wuöt ëbɛ̈n kääŋ aa lueel ku dɔl guöp, ku yek looi arac.

Diɛt 69:11

Yɛn cï lupɔɔ ke dhiëëu tääu në yakɔ̈u, gokï ya dɔl guöp.

Yith 43:28

ku jɔ bänykun tëdiën ɣeric tɔ rac, yen ayiɛ̈n Ɛn riääk Yithriɛl, Yɛn cï kɔckï tɔ lɛ̈ɛ̈të.”

Yith 65:15

Kɔckiën cï lɔc abïk rinkun të ye kë ye kɔc cieen. Yɛn Bɛ̈nydït Awärjäŋ yïn bä tɔ thou. Ku gäm kɔckiën ee ya lam rin cï piac cak.

Jeremia 15:4

Yɛn bï kɔc ke piny nɔm ëbɛ̈n aa tɔ riɔ̈c ë keek, në biäk de kë cï Ɣedhekia wën de Manatha looi ë Jeruthalem wään yen melik.”

Jeremia 19:8

Yɛn bï gökdïït de riääk bɛ̈ɛ̈i ë pänydïtic, ka raan bï aa tɛ̈ɛ̈k ëtɛ̈ɛ̈n abï wɛ̈ɛ̈ŋ ku gɛ̈i arëët.

Jeremia 25:18

Go Jeruthalem ku pɛ̈ɛ̈nydït ke Juda kedhie, ëtök në meliiken ku bänyken, gokï dek ë yeyic, agokï aa jɔ̈ɔ̈r, të rɛɛc ee kɔc tɔ gäi ë tïŋ, ku bï kɔc rin ke tɔ ee kë de aciɛɛn cït man ye kek ŋoot ke loikï.

Jeremia 26:6

Na lak ŋoot ke we cïn riëëu, ke Yɛn bï ee Luaŋdïïtë luöi kë cä luöi Cilo, ku juöör ke piny nɔm ëbɛ̈n abï rin ke ee pänydïïtë tɔ ee ye aciɛɛn looi.”

Jeremia 29:18

Abä keek cop cök ë tɔŋ, ku cɔk, ku jɔɔk, ku juöör ke piny nɔm kedhie abïk riɔ̈ɔ̈c në kë yek tïŋ. Të cän keek thiäi thïn ëbɛ̈n, kɔc abïk aa gäi ku riɔ̈ckï në kë cï tuöl tëde keek. Abïï kɔc ke biɔɔn gup ku tɔ rinken ee këde aciɛɛn.

Jeremia 29:22

Të ye kɔc wään cï jɔt ë Jeruthalem leerë ke Babilonia ke ke mac, të kɔɔr kek bïk raan cieen, abïk aa lueel an, ‘Nhialic abï yïn looi cï Dhedekia ku Aɣap, kɔc wään bïï ë melik de Babilonia ke nyok ke ke pïïr!’

Jeremia 34:17

Ka ënɔɔnë Aya lueel Yɛn Bɛ̈nydït wek kën ya riëëu: Wek kën mïthëkɔckuön ke Yithriɛl gäm nɔm lääuden. Apiɛth aläl, wek bä gäm nɔm lääu: nɔm lääu bä wek thou ë tɔŋic, ku jɔk, ku cɔk. Yɛn bï juöör ke pinynɔm ëbɛ̈n tɔ päu në kë bä luöi week.

Jeremia 42:18

“Acïï Bɛ̈nydït de rɛm, Nhialic de Yithriɛl lueel an, ‘Cït man cï agönhdiën tuc wäl ë kɔc ke Jeruthalem gup, yen abï agönhdiën tuc wäl ë wegup aya të la wek lɔ lɔ Rip. We bï aa kɔc ye kɔc riɔ̈ɔ̈c të tïŋ ë we, kɔc abïk we aa luööi në abiaan, ku ye rinkun tɔ aa ciɛɛn. Wek cïï ee tënë bï bɛ tïŋ taitai.’ ”

Jeremia 44:12

Ku në biäk de kɔc ke Juda cï döŋ, ku acïk dhel nɔn bï kek lɔ ceŋ ë Rip, abä dhil kiëët nɔn bïï ë keek riɔ̈ɔ̈k kedhie. Abïk thou kedhie ë Rip, röördït, ku kɔc kor, abïk thou ë tɔŋ, ku nɔn ee cɔk. Kɔc abïk aa riɔ̈ɔ̈c në tïŋden, abï kɔc keek aa luööi në abiaan, ku tɔ rinken ee këde aciɛɛn.

Jeremia 44:13

Yɛn bï kɔc cëŋ ë Rip luöi këtuc, cït man cän Jeruthalem luöi këtuc, ë tɔŋ, ku cɔk ku jɔk.

Jeremia 44:22

Yen ee köölë pinydun adhɔt ke cï riɔ̈ɔ̈k, ku acïn raan ceŋ en. Acï aa tëde riɔ̈ɔ̈c, ku ye kɔc lueel ke ya aciɛɛn, në luɔi cïï Bɛ̈nydït luɔiduön rac bï bɛ guum.

Edhekiɛl 23:46

Kë ye Bɛ̈nydït Awärjäŋ lueel kï an: “Bɛ̈ɛ̈iyë kɔc juëc bïk keek bɛ̈n riääc ku rumkï keek.

Edhekiɛl 25:3

lɛ̈kë keek bïk kë bä lueel yɛn Bɛ̈nydït Awärjäŋ piŋ: wek aake mit piɔ̈ɔ̈th bäk tëdiën ɣeric tïŋ ke cï dhiöök, ku tiëŋkï piny de Yithriɛl ke cï riɔ̈ɔ̈k, ku tiëŋkï kɔc ke Juda ke ke pec leer ë keek piny lei.

Edhekiɛl 26:2

“Mɛnh ë raan, kënë ee kë ye kɔc nu në pänydït de Tayer lueel ke ke mit piɔ̈ɔ̈th. Ayek cööt an, ‘Jeruthalem acï riääk! Riɛldɛn de ɣɛɛc ë käŋ ë jäl! Acïï bï bɛ teer ke wook taitai!’

Edhekiɛl 5:8

Ka wek yɔ̈ɔ̈k keek Yɛn Bɛ̈nydït Awärjäŋ nɔn aa wek kɔc ke aterdï. Yɛn bï luŋdun teem të bïï ë juöör week woi kedhie.

Nyöŋ 28:25

“Bɛ̈nydït abï kɔc ke aterdun tɔ tiam week. Abäk keek mak në tuuŋ tök, ku wek bï aa kat në keek në tuŋ thook kedhie, ku kɔc ke piny nɔm kedhie, abïk riɔ̈ɔ̈c arëët të tïŋ kek kë cï tuöl tëde week.

Nyöŋ 28:37

Në ee wuöt bïï Bɛ̈nydït week lɔ thiäi piny thïn, kɔc abïk aa gäi në kë cï rɔt luöi week, we bïï ë kääŋ aa yup, abïk we dɔl gup ku buikï we gup.