Jeremia 22:2 - JAM DE NHIALIC 2011

² ku bänyke, ku kɔc ke Jeruthalem, bïk kë lueel ë Bɛ̈nydït piŋ:

Jeremia 22:2 Iomraidhean Croise

1 Mel 22:19

Go Mikaya ŋoot ke jam an, “Ënɔɔnë piɛŋkï kë lueel ë Bɛ̈nydït! Yɛn cï Bɛ̈nydït tïŋ ke rɛ̈ɛ̈r ë thöönyde nɔm paannhial, kekë tuucnhialke ke ke rɛ̈ɛ̈r ë yelɔ̈ɔ̈m

Yith 1:10

Piɛŋkï jam de Bɛ̈nydït, wek kɔc ke Thɔdom! Yak wëët de Nhialicda piŋ, wek kɔc ke Gomoora.

Yith 28:14

Në biäk de ee kënë piɛŋkï thöŋ bɔ̈yë tëde Bɛ̈nydït wek bäny ɣɛ̈ɛ̈c wenïïm nu ë Jeruthalem.

Yith 9:7

Bäänyde abï lɔ ke dït ciɛɛŋde abï rëër ë mätic anande. Ku abï thööc muk cï kuɛɛrëdan Debid, ku bäänyde abï muk në piathëpiɔ̈u ku yic, gɔl ënɔɔnë aɣet thök de piny. Acïï Bɛ̈nydït de rɛm lueel nɔn bï yen e looi.

Jeremia 13:18

Go ë Bɛ̈nydït lɛ̈k ɛn an, “Lëkkë melik kekë man bïk bɛ̈n nyuc piny ë thöönyden nɔm, ë biäk cïï göölkɛn läk lööny piny ë kenïïm.

Jeremia 19:3

Go ë Bɛ̈nydït lɛ̈k yɛn bä lueel an, “Meliik ke Juda, ku kɔc ke Jeruthalem, piɛŋkï kë lueel ë Bɛ̈nydït de rɛm, Nhialic de Yithriɛl. Yɛn bï riääkdït bɛ̈ɛ̈i ee tënë, ku raan ëbɛ̈n raan raan lɔ ee riäŋë piŋ abï nɔm mum.

Jeremia 22:1

Go ë Bɛ̈nydït lɛ̈k yɛn bä lɔ ɣön de bääny de melik de Juda, kuat de Debid, ku lɔ lɛ̈kë melik ëtɛ̈ɛ̈n,

Jeremia 22:4

Na lak lɔ looi cït man cän we yɔ̈ɔ̈k, ka mïth ke mïth ke Debid abïk ŋoot ke ke ee meliik. Ku keek në bänyken ëtök, abïk ŋoot ke ke ye tɛ̈ɛ̈k në ee kal ë bäänyë thok, në abëël ku jöŋgöörken.

Jeremia 29:20

Week wedhie, wek kɔc cä tuɔɔc Babilonia ke we cï peec, piɛŋkï kë luɛɛl, Yɛn Bɛ̈nydït.’

Jeremia 34:2

Go Bɛ̈nydït Nhialic de Yithriɛl ya yɔ̈ɔ̈k bä lɔ lɛ̈k Dhedekia melik de Juda an, “Yɛn Bɛ̈nydït, Yɛn bï ee pänydïïtë gäm melik de Babilonia, ku abïï nyuɔp piny.

Jeremia 36:30

Ka ënɔɔnë Yɛn Bɛ̈nydït Alɛ̈k yïn, melik Jeɣoyakim, acïn kuatduön bï bɛ aa melik në ciɛɛŋ ë Debid yic. Guöpdu abïï dɛɛny wei të bï aköl en aa ruël ku cuɛtë rooric wakɔ̈u.

Edhekiɛl 34:7

“Ënɔɔnë, wek tïït, piɛŋkï kë lɛ̈k week, yɛn Bɛ̈nydït.

Amoth 7:16

Ënɔɔnë në biäk ee kënë, piŋ jam ye Bɛ̈nydït lueel, acï lɛ̈k ɛn an, ‘Du cäär në Yithriɛl, ku du baai de Yithaak be wɛ̈ɛ̈t.

Luk 1:32

Abï dït arëët ku abï cɔl wën ë Nhialic Awärjäŋ: ku abïï Bɛ̈nydït Nhialic yiɛ̈n thööny de kuɛɛrëdɛn Debid: