Jeremia 21:4 - JAM DE NHIALIC 2011

⁴ Kë bä lɛ̈k Dhedekia kï, an Acïï Bɛ̈nydït Nhialic de Yithriɛl lueel an, “Yɛn bï remduön ë tɔŋ bï thɔ̈ɔ̈r kekë melik de Babilonia tiaam. Yɛn bï tɔɔŋ ke remduön ë tɔŋ kut nïïm ë pänydïtic cil.

Jeremia 21:4 Iomraidhean Croise

Yith 10:4

Wek bïï nɔ̈k tɔŋ ku nɔn thel week ke we mac. Cakaa yen ë tɔ̈u aya, agönh de Bɛ̈nydït abï ŋoot ke cïï thök, abï ŋoot ke nu ciin biic ke kɔɔr bï këtuc looi.

Yith 13:4

Piɛŋkï awuɔɔu në kur nïïm, ee röl de kɔc juëc aläl, ee röl ë juöör ku ciɛɛŋ ke piny nɔm mɛ̈ɛ̈t kenïïm. Bɛ̈nydït de rɛm de tɔŋ akïït remdɛn ë tɔŋ ke bï lɔ thɔ̈ɔ̈r.

Yith 5:5

“Kë bä luöi domdiën enap kï, yɛn bï thɔc cän e geeu nyaai, ku thuöör kal wään cän e gël piny, ku ta ciɛm ë läi roor ku dumkï.

Jeremia 20:4

Acïï Bɛ̈nydït lueel guöp an, “Yïn bä tɔ ee këde riɔ̈ɔ̈c tëde yïn guöpdu, ku tëde määthku, ku abä keek tïŋ anäk keek në abätäu de kɔc ke aterden. Yɛn bï kɔc ke Juda kedhie tääu në riɛl de Babilonia ciin, abï kɔc kɔ̈k jɔt ke ke mac leer ke pinyde ku nɛ̈k kɔc kɔ̈k.

Jeremia 21:3

Go Jeremia lɛ̈k keek:

Jeremia 32:24

“Ku kɔc ke Babilon acïk pänydït tuɔɔk cil ku akɔɔrkï bïk peec, ku amɛkkï ënɔɔnë. Tɔŋ, ku cɔk, ku jɔk abï pänydït tɔ lööny ë kecin. Aduëërë tïŋ kek ka wään cï lueel ëbɛ̈n acïk aa yic.

Jeremia 32:3

Në biäk cï melik Dhedekia ya mac, ku ciëk yathok an cä lueel nɔn cïï Bɛ̈nydït ye lueel an, “Yɛn bï melik de Babilonia tɔ pec ee pänydïïtë,

Jeremia 32:5

Dhedekia abïï lɛɛr Babilonia, ku abï tɔ̈u ëtɛ̈ɛ̈n aɣet të bän ye neem. Cakaa yen ë thäär ke kɔc ke Babilonia acïn kë bïï lëu. Acä lueel, Yɛn Bɛ̈nydït.”

Jeremia 33:5

Kɔc kɔ̈k abïk thɔ̈ɔ̈r ë Babilonia, ku abïk ɣööt thiɔ̈ɔ̈ŋ yiic ë gup ke kɔc cï thou, kɔc bä keek yuöp piny në agönhdï kekë diu de piɔ̈u. Yɛn cï rɔt yal wei në ee pänydïïtë në biäk de karɛc cï kɔcke looi.

Jeremia 35:17

Ka ënɔɔnë aluɛɛl, Yɛn Bɛ̈nydït, Nhialic de rɛm, Nhialic de Yithriɛl, wek kɔc ke Juda ku Jeruthalem wedhie, wek bä yiɛ̈n riääk wään cä lueel. Yɛn bï ee kënë looi në biäk cä wek kë cä lɛ̈k week ee piŋ, ku wek cïï cɔ̈tdï ee bɛ̈ɛ̈r të caal Ɛn week.”

Jeremia 39:3

(Wään cï ë Jeruthalem peec, go bäny ke melik de Babilonia bɛ̈n kedhie ku dɔmkï ɣäänken në kal thok, thoŋ cil, adekï yiic yï Nergal Tharedher, ku Thamgar Nebo, ku Tharthekim de Rabathath, ku lɔ Nergal Tharedher däŋë.)

Jeremia 52:18

Ku jɔtkï thiët aya, ku jɔtkï thɛ̈k ye ë ŋeth jok, të nɛpë yïk nɔm, ku kë ye ë manyëalath cuääny, ku guöl ye ke riɛm de lɛ̈n cï nɔ̈k geeny, ku guöl ye ke wal ŋïr nyop, ku lɔ malɔ̈ɔ̈ŋ kɔ̈k ye ë ke lui Luaŋdït, acïk keek jɔt kedhie.

Dhiëëu 2:3

Acï riɛl de Yithriɛl ëbɛ̈n dhuɔŋ piny në agönhdɛn tuc. Akën keek kony wën cïï kɔc ke aterden bɛ̈n. Acï yenyin wël wook në agönh cït many dɛ̈p nyop këriëëc ëbɛ̈n.

Dhiëëu 2:5

Bɛ̈nydït acï kɔc ke Yithriɛl riɔ̈ɔ̈k cï kɔc ke ater. Acï ɣään ril ku ɣöötdït nyääŋ piny ke ke cï riääk. Bɛ̈nydït acï jiɛthëpiɔ̈u cï bï thɔ̈k nyäŋ kɔc ke Juda.

Dhiëëu 2:7

Bɛ̈nydït acï yïïŋde rɛɛc ku nyiëëŋ tëdɛn ɣeric piny. Acï kɔc ke ater tɔ jiëp pɛ̈ɛ̈nyke piny. Acïk kiɛɛu de tiëm moc të wään ye wok lam thïn në miɛtëpiɔ̈u.

Edhekiɛl 39:3

Ku ëtɛ̈ɛ̈n yɛn bï dhaŋde jɔ riëër wei në ciin camde, ku nyaai wiɛth ke dhaŋ në ciin cuënyde.

Ɣodh 9:12

Na cakkï mïth muk apiɛth, mïthken abä keek nɔ̈k kedhie. Amawoou në Eparaim të lan ke nyääŋ piny.

Dhek 14:2

Bɛ̈nydït abï juöör bɛ̈ɛ̈i tëtök bïk tɔŋ bɛ̈n luöi Jeruthalem, pänydït abïï nööm, ɣööt abï keek yak yiic, ku diäär abïï keek wiëët, ku biäk töŋ de kɔc abïï keek peec, ku kɔc kɔ̈kkë abïk döŋ ë pänydïtic acïï keek bïï jɔt.

Math 22:7

Na wën, acï melik e piŋ, ke göth, go remdɛn ë tɔŋ tooc, lek kɔc ee kɔc nɔ̈kë nɔ̈k, ku nyop pänydɛndït ë mac.