Jeremia 2:7 - JAM DE NHIALIC 2011

⁷ Acä keek bɛ̈ɛ̈i piny ee ŋiëc luɔk, bïk kak ee luɔk cam ku kapiɛth kɔ̈k. Ku acïk pinydï riɔ̈ɔ̈k, acïk pinydiën cä gäm keek jɔ dhiöök.

Jeremia 2:7 Iomraidhean Croise

Neɣe 9:25

Kɔcku acïk wuöt ril ë tör dɔm, ayï piny ee luɔk, ku ɣööt cï thiäŋ ë këriëëc ëbɛ̈n, ku yïth cï thök në wëc, ku duum ke tiim ke olip ku tiim ee luɔk në mïth, ku camkï këriëëcdɛn kɔɔrkï abïk cuai, acïï këriëëc piɛɛth cï gäm keek ëbɛ̈n ke tɔ mit piɔ̈ɔ̈th.

Neɣe 9:26

“Ku kɔcku acïk jaai ku reeckï Yïthok, acïk kekɔ̈ɔ̈th wɛ̈l lööŋku, acïk tïtkuön ee keek yɔ̈ɔ̈k nɔ̈k, kɔc ee keek yɔ̈ɔ̈k bïk röt dɔ̈k Yïn, keek ayek Yï läät në län rac në thaar nyin ëbɛ̈n.

Yith 19:25

Bɛ̈nydït de rɛm abïï ke thieei ku lueel an, “Wek bä thieei, Rip, kɔckï, ku Athiriya wek aa cak keek, ku wek Yithriɛl wek ee kɔckiën cä lɔc.”

Jeremia 16:18

Abä keek tɔ cut raan rou ë biäk de kërɛɛcden ku awɛ̈ɛ̈cken, ë biäk cï kek pinydï dhiöök në yiëthkɛn cïn yiic wëi cï gup cï thou, ku thiäŋkï ë yiëthkɛn Alueth.”

Jeremia 3:1

Aye Bɛ̈nydït lueel an, “Na cï moc tiiŋde pɔ̈l, ku cï ye nyääŋ piny, ku cï lɔ ya tiiŋ de mony däŋ, acïï moc bï bɛ dök nɔm ciëën. Kënë aduëër piny tɔ rac taitai. Ku yïn Yithriɛl, yïn cï aa akɔɔrröör de röör juëc, ku akɔɔr ënɔɔnë bä rɔt dɔ̈k Ɛn!

Jeremia 3:2

Tïŋ kur nïïm nhial. De të kën yïn tɔ̈c thïn we röör cï tiiŋ akɔɔrröör? Yïn ee röörkuön nhiaar tiit në kuɛɛr këc. Cït man ye cuɛ̈ɛ̈r kɔc bïï rum tiit në jɔ̈ɔ̈ric. Yïn cï piny dhiöök në kɔ̈ɔ̈rduön ë röör.

Jeremia 3:9

ku yen aa cïn guöp ayäär. Acï piny dhiöök, në kë yen kur ku tiim lam.

Jeremia 32:23

Ku wään cï kek bɛ̈n ee pinyë ku nömkï, akënkï lööŋku bɛ̈n riëëu, ku akënkï rëër ë wëëtdu yic, acïn kë cïk looi në ka wään cï lɛ̈k keek yiic. Ago ee riääkkë ëbɛ̈n jɔ yiɛ̈n keek.

Jeremia 32:30

Gɔl të ɣɔn thɛɛr, kɔc ke Yithriɛl ku kɔc ke Juda acïk Yɛn luöi kërac, acïk yɛn tɔ göth në kë cïk looi.

Edhekiɛl 20:24

Yɛn aa loi ee kënë në biäk cï kek ka cä lɛ̈k keek rɛɛc, ku dhoŋkï lööŋkï kɔ̈ɔ̈th, ku riäkkï kööl ë Thabath ku lamkï yiëth wään ye kuarken luööi.

Edhekiɛl 20:28

Acä ke bɛ̈ɛ̈i piny wään cän gutguut lueel an bä gäm keek. Na wën tïŋ kek kur bär ku tiim tɔ̈c, gokï miɔ̈c näk gäm keek kedhie. Acïk a tɔ göth në miɔc näk yek nyop ku mɔ̈n yek bɛ̈ɛ̈i ke ye miɔ̈c.

Edhekiɛl 20:6

Ee wään ë lɛ̈k Ɛn keek gutguut, luɔi bän keek bɛ̈ɛ̈i bei ë Rip ku lɛɛr keek pinydiën cä lɔ̈c keek, piny ee wat ë ca ku miök ë kiëc, piny wär piiny kedhie.

Edhekiɛl 23:35

Ënɔɔnë kë lueel ë Bɛ̈nydït Awärjäŋ kï: “Në biäk cïï yïn nɔm määr në yɛn ku wɛ̈lë yïkɔ̈u yɛn, yïn bï nuan në ŋɔ̈ɔ̈ŋdu kekë kɔ̈ɔ̈rduön ë röör.”

Edhekiɛl 36:17

“Mɛnh ë raan, wään ceŋ ë baai de Yithriɛl pinyden, acïk bɛ̈n dhiöök në kueer ye kek pïïr ku të ye kek käŋ luɔi thïn. Yɛn cï luɔiden bɛ̈n tïŋ ke cïï yic ɣer në biäk de ciɛɛŋ, cït man ye tik tɔ̈u në aköölkɛn ke thɛ̈k.

Ɣodh 9:3

Kɔc ke Yithriɛl acïkï bï bɛ rëër piny de Bɛ̈nydït, kɔc ke Eparaim abïk kenïïm puɔ̈k në lïïmic cït man ɣɔn kɔn kek tɔ̈u paan ë Rip. Ka abïk aa lɔ cam në këcam nhiany piny de Athiriya.

Maika 2:10

Ka week, jatkï röt jälkï, wek cï bï bɛ lɔ̈ŋ eenë taitai. Awänydun ë piny ë Yithriɛl riɔ̈ɔ̈k ë taiwei, ka cïï duëër kɔn bɛ piath.

Kuɛ̈n 13:27

Gokï lɛ̈k Mothe an, “Piny acuk lɔ caath, ku acuk yök ke ye piny kueth arëët, ku aŋic luɔk, ka mïth ke tiimke kï.

Nyöŋ 21:23

guöpde acïï bïï tɔ tɔ̈u ë tim kɔ̈u aɣët cï wakɔ̈u. Abï dhil tɔ̈ɔ̈u ee kööl töŋë yic, në biäk ye guöp de raan cï thou nɔ̈ɔ̈k ë tim kɔ̈u aciɛɛn ë Nhialic bɛ̈ɛ̈i piny. Täukï guöp de raan cï thou, aguɔkï piny gëmë Bɛ̈nydït Nhialicdun week cïï bï riɔ̈ɔ̈k.

Nyöŋ 32:9

Në baŋ ye biäk de Bɛ̈nydït kɔcke ku Jakop ee këdɛn cï gäm en.

Nyöŋ 6:18

Luɔikï ke cïï Bɛ̈nydït lueel, ee yic ku apiɛth, ku käŋ kedhie abïk piath tëde week. Wek bï piny piɛth nööm, paan wään cïï Bɛ̈nydït thɔ̈n kuarkun.