Jeremia 2:21 - JAM DE NHIALIC 2011

²¹ Yïn aa cä com ke yï ye enap cä lɔc, në kɔ̈th piɛth yiic. Ku tïŋ luɔi cï yïn tɔ̈u! Yïn cï ciët kë cï dhiäth, enap cïn naamde.

Jeremia 2:21 Iomraidhean Croise

Cäk 18:19

Ei, në luɔi cän e lɔc nɔn bï yen mïthke yɔ̈ɔ̈k, ku yöök baaide, luɔi bï kek kueer ë Bɛ̈nydït lɔ̈ɔ̈k döt në yecök. Në luɔi bï kek kake piathëpiɔ̈u aa looi, ku loikï yith ë cieŋ. Ke Bɛ̈nydït ë bï Abraɣam yiɛ̈n kë cï thɔ̈n en.”

Cäk 32:28

Go raan lɛ̈k en an, “Rinku acï ke bï bɛ cɔl Jakop, abï ke cɔl Yithriɛl. Në luɔi cïn thɔ̈ny we Nhialic, ku kɔc ayadäŋ, ku tiëmë.”

Diɛt 105:6

wek kuat de Abraɣam, awunde, wɛ̈ɛ̈t ke Jakop, raan cï lɔc.

Diɛt 44:2

Yïn ë juöör kuaath wei në ciindu ku com kɔcku pinyden, Yïn cï juöör riɔ̈ɔ̈k, ku tɔ kɔcku lok.

Diɛt 80:8

Yïn cï enap bɛ̈ɛ̈i bei ë Rip, Yïn cï juöör kɔ̈k ciëëc bei ku com kɔcku pinyden.

Diɛt 80:9

Yïn cï piny kuaar në biäk bïï yen luɔk, meike acïk ɣet piny, go thiɛ̈i ë pinynɔm ëbɛ̈n.

Bɛ̈n 15:17

Ku bä ke bɛ̈n piith në kuur nɔm, tëduön cï lɔc Bɛ̈nydït an bïï aa ɣöndu. Tëɣeric ɣɔn yïk në Yïn guöpdu.

Yith 1:21

Pänydïït ɣɔn piathëpiɔ̈u, acï ciët tiiŋ akɔɔrröör! Ɣɔn tueŋ aa thiäŋic ke kɔc piɛthpiɔ̈ɔ̈th, ku ënɔɔnë ee kɔc ee kɔc nɔ̈k kapäc kek cï döŋ thïn.

Yith 27:2

Në ë köölë abï Bɛ̈nydït lueel në biäk de dom ë tiimdɛn nhiɛɛr an,

Yith 41:8

“Ku wek, Yithriɛl awuutkï, wek ee kɔckiën cä ke lɔc, kuat de Abraɣam raan mɛ̈ɛ̈th wok.

Yith 5:4

De kë cä wööc kë kɛ̈n luöi yen? Ka eeŋö tɔ ye lok në enap kec ke cie mïth ke enap piɛth ee kek ë ŋääth?

Yith 60:21

Kɔcku abïk këpiɛth aa looi, Ku abïk piny cieŋ aɣet athɛɛr, acä ke com, acä ke cak, bïk dïtdï nyuöth raan ëbɛ̈n.

Yith 61:3

Bä kɔc dhiau në Dhiɔn tɔ mitpiɔ̈ɔ̈th, gäm miɛtëpiɔ̈u në nyin ë dhiëëuwic, Diɛt ke alɛɛc në nyin ë jiɛthëpiɔ̈uwic. Abïk ciët tiim ke ɣok de piathëpiɔ̈u, cïï Bɛ̈nydït ke com guöpde. Abïk yic aa looi, ku Nhialic abï dhuëëŋ yök ë baŋ ë kë cï looi.

Jeremia 11:16

Wään aaye keek cɔl tïm de olip de yïth, thiäŋ ke mïth läk, ku ënɔɔnë, Yɛn bï yïthke ɣɔ̈k mac në awuɔɔu cït amaŋ ku dhuɔŋ kërke.

Jeremia 11:17

“Yɛn Bɛ̈nydït de rɛm, Yɛn cï baai de Yithriɛl com kekë baai de Juda, ku ënɔɔnë acä lëk keek nɔn bän ke yiɛ̈n riääk. Acïk ee kënë bɛ̈ɛ̈i ë kegup ë biäk cï kek awäc looi, acïk Yɛn tɔ göth në baŋ cï kek Baal nyuöp wal ŋïr.”

Jeremia 5:10

Yɛn bï kɔc ke ater tooc bïk tim de enap de kɔckï lɔ yɛp piny, ku acïkï keek bïï riɔ̈ɔ̈k taitai. Abä keek yɔ̈ɔ̈k bïk kër tɛm nïïm wei, në cïï ee kërkë ee kakï.

Dhiëëu 4:1

Adhääp acïï be lɔ riauriau, adhäm awai acï rɔt waar, kur ɣeriic ke Luaŋdït acï ke wɛɛr piny ë kuɛɛr yiic ëbɛ̈n.

Edhekiɛl 15:2

“Mɛnh ë raan, duëër enap thöŋ ë tiim adï? Eeŋö ee piath de kër ke enap të thööŋë ye kër ke tiim roor?

Math 21:33

Piɛŋkï kääŋ däŋ an, “Raan anu ke ye bɛ̈ny de baai, na wën, ke pith dom ë tim cɔl enap, go geeu ë kal, ku wec të bï mɔ̈u aa dhiim thïn, ku yïk aloocdïït bäär, go kuɛ̈i kɔc bï en aa tiit, ku jɔ keny paan mec.

Mak 12:1

Go jam gɔl ke keek ë kääŋ: an, “Raan ë dom piith ë tim cɔl enap tim de mïth mit, go geeu ë rɔk, ku wec të bï mɔ̈u dhiim thïn, ku yïk aloocdïït bäär, go tääu ë kɔc cin kɔc bï dom aa tiit, ku jɔ keny paan mec.

Luk 20:9

Na wën, ke jɔ kɔc lɛ̈k kääŋë an: “Raan anu raan cï dom com, dom de tim cɔl enap, ago kuɛ̈i kɔc bï en aa tiit, ku jɔ keny paan mec ë pɛ̈i juëc.

Jɔn 15:1

“Yɛn aye tim yic tim de enap, ku Wäär yen aye raan tit dom.

Nyöŋ 32:32

Kɔc ke aterden acïk riääk cït man de Thɔdom kekë Gomoora, acïtkï tiim ke enap ee dhiëth ë mïth de yiic wurïï,

Nyöŋ 4:37

Ku në biäk nhiɛɛr En kuarkun, ku lɔc week në kecök, ku bïï wek bei guöpde piny de Rip në riɛldɛndït.

Jocua 24:31

Go kɔc ke Yithriɛl Bɛ̈nydït luööi në akööl ke Jocua, ku luuikï në akööl ke röördït ɣɔn löök tɔ̈u në Jocua cök, kɔc ɣɔn ŋic këriëëc cïï Bɛ̈nydït luöi Yithriɛl ëbɛ̈n.