Jeremia 2:11 - JAM DE NHIALIC 2011

¹¹ Acïn jur däŋ cï yanhdɛn yek lam kɔn waar, na cakaa nɔn cïï kek ee yic. Ku kɔckï acïk A waar, Yɛn Nhialic ɣɔn ë gëm keek dhuëëŋ, waarkï Yɛn në yiëth cïn kë duëërkï luöi keek.

Jeremia 2:11 Iomraidhean Croise

1 Mel 11:33

Në luɔi cï Tholomon A pɔ̈l, ku le yiëth kɔ̈k lam yï Acetoreth yanh ë Thidon ku Cemoc yanh ë Mowap ku Molek yanh de Ammon. Tholomon acïï kuɛɛrkï kuany yiic, ku looi yic në Yanɔm ku döt lööŋkï, ku lööŋ ɣɔn cä tääu piny bï ke lɔ̈ɔ̈k aa looi cït man ɣɔn ye wun Debid ke looi.

2 Mel 1:3

Ku tunynhial ë Bɛ̈nydït acï lɛ̈k Elija raan ë Ticibe bïï lɔ rɔ̈m kekë tuuc ke melik Aɣadhia, ku bïï keek thiëc an, “Eeŋö ee week tɔ lɔ tëde Baaldhebub yanh ë Ekeron? Ee biäk cïn en Nhialic nu në Yithriɛl?

2 Lëk 13:9

Ku wek cï bäny ke kake Nhialic de Bɛ̈nydït kuat de Aron, cuɔp wei, ku cuɔpkï kɔc ke Lebai wei aya. Ku jakï guc kuany në nyïïnken yiic cït man ye juöör ke piny nɔm yen looi. Ago na de raan cï miɔɔr ku nɔn yen thök kadhorou bɛ̈ɛ̈i, ka bïï kuany ke ye guny de yiëthkuönkë.

Diɛt 106:20

acïk dhuëëŋ de Nhialic waar në guöp de lɛ̈n ee nyuäth ë wal.

Diɛt 115:4

Yiëthken acï keek cuëëc në ateek ku adhääp, thɛ̈ɛ̈th ë raan keek ë yecin.

Diɛt 3:3

Ku Yïn Bɛ̈nydït, Yïn aye köndiën ee ya gël ë katuc, Yïn ee ya tɔ tiëm, ku rit a piɔ̈u.

Yith 37:19

ku nyop yiëthken, ka ɣɔn cie yiëth ë yic yic, ayek kak ë guaŋ ë tiim ku kur, luɔi de kɔc cin tei.

Jeremia 16:20

Duëër kɔc röt luöi yanhden? Ei, na lek lɔ looi, kënë acïï duëër aa yiëth ë yic.”

Jeremia 18:13

Aye Bɛ̈nydït lueel an, “Luɔpkï juöör ëbɛ̈n na cï kë cït ee kënë kɔn tuöl. Kɔc ke Yithriɛl acïk kërac aläl looi!

Jeremia 2:5

Aye Bɛ̈nydït lueel an, “Ee gɔny ŋö cïï kuarkun yiɛ̈n Ɛn? Eeŋö tɔ ke yiɛl röt wei tëde Yɛn? Ayek yiëth cïn naamden lam, ku jɔkï ciën naamden gupken.

Jeremia 2:8

Bäny de kake Nhialic akënkï thiëëc an, tɔ̈u Bɛ̈nydït ënou? Bäny ke kake Nhialic de nɔmdï akuckï Yɛn. Bäny ke baai acïk A rɛɛc, ku jam tït në rin ke Baal, ku lɛmkï yiëth cïn naamden.

Jeremia 5:7

Bɛ̈nydït ee lop an, “Eeŋö bän karɛc ke kɔckï jɔ pɔ̈l? Acïk Ɛn nyääŋ piny ku lɛmkï yiëth cie yic. Yɛn cï kɔckï cääm abïk kuɛth, ku acïk lɔ köör ku jɔkï aa lɔ cath në akɔɔrröör.

Edhekiɛl 14:5

Yiëth kedhie acïk baai de Yithriɛl yal wei tëde yɛn, ku në bëërdï yic aŋääth nɔn bän riëëuden bɛ pɔ̈k nɔm ciëën.

Edhekiɛl 5:7

Ënɔɔnë Jeruthalem piŋ kë luɛɛl, Yɛn Bɛ̈ny cït Awärjäŋ. Në biäk kën wek lööŋkï gam ku cäkkï yöökdï muk, wek cï nuɛɛn juëc looi awär juöör thiääk në week. Wek cï ciɛɛŋ de juöör kɔ̈k kuany yiic.

Maika 4:5

Ku ënɔɔnë, juöör ke piny ëbɛ̈n akuanykï yiëthken cök, na wook, wok bï Bɛ̈nydït Nhialicda kuany cök aɣet athɛɛr ya.

Romai 1:23

ku aake ye dhuëëŋ de Nhialic cïï duëër dhiap puk tɔkï cït kë cï cuëëc cït guöp raan bï dhiap, ayï diɛt, ayï läi de cök kaŋuan, ayï ka mol piny.

1 Kor 8:4

Ku në këde cäm de ka cï läm yiëth, yath aŋicku nɔn cïn en naamde ë piny nɔm, ku aŋicku nɔn cïn en Nhialic däŋ ee tök tei.

Galatai 4:8

Ku wään kuöc wek Nhialic, wek aaye lïïm ke yiëthkun yiëth cie Nhialic në ciɛɛŋdɛn ë ciɛkë keek.

Nyöŋ 32:16

Ku lämdɛn ë yiëth acï Bɛ̈nydït dɔ̈m tiɛl, ku kërɛɛc cïk looi acï yen tɔ göth.

Nyöŋ 32:21

Keek në yiëthken acïk ɛn tɔ göth, ku tiɛl kakɛn cɔl ke yiëth, kek yiëth cie Nhialic yith. Ka yɛn bï kë cɔl jur tuöc keek, bï ke tɔ göth. Abä keek tɔ dɔm tiɛl në jur dhɔ̈n.

Nyöŋ 33:29

Kɔc ke Yithriɛl, ee miɛt ë piɔ̈u cït ŋö, duëër wek piɔ̈ɔ̈th miɛt! Acïn kɔc cït week, jur ye Bɛ̈nydït kony. Ku Bɛ̈nydït guöp Yen aye köndun ku ye abätäudun, ee week kony ku tɔ we tiëm. Kɔc ke aterdun abïk bɛ̈n, bïk we lip, në kok bä wek piɔ̈ɔ̈th kok, ku ɣäänkɛn ke läm abäk keek duöm piny.

1 Pet 1:18

Në ŋïny ŋiɛc wek en an, acie ka duëër dhiap, cït ateek ku adhääp, kek ë wëërë we bei në täuduön ɣɔ̈ric cäk yök tëde kuarkun,

1 Tham 4:21

Ago meth cäk an Yikabod, lueel an, “Dhuëëŋ de Nhialic ë jäl Yithriɛl.” Në luɔi cïï Athänduŋ de Män de Bɛ̈nydït peec, ku thou wurɔ̈ɔ̈rde kek monyde.