Jeremia 19:4 - JAM DE NHIALIC 2011

⁴ Yɛn lɔ ee kënë looi në biäk cï kɔc Yɛn pɔ̈l, ku acïk eetënë dhiöök në luɔi ye kek yiëth kɔ̈k nyuöp wal, yiëth kuckï keek, ku kuc kuarken ayï meliik ke Juda acïn kë ŋickï ë biäkden. Acïk ee tënë riɔ̈ɔ̈k në riɛm de kɔc cïn kë cïk wööc,

Jeremia 19:4 Iomraidhean Croise

2 Mel 21:16

Manatha acï kɔc juëc cïn kë cïk wööc nɔ̈k në Jeruthalem thok biic, ale guööt ë wut thar ciëën, mɛt rɔt kekë kë cï yen kɔc ke Juda lɛɛr ë karɛciic abïk karɛc looi në Bɛ̈nydït nyin.

2 Mel 23:10

Go melik yïïŋ de Topeth tɔ nhiany, ɣɔn nu ë Wak de wɛ̈ɛ̈t ke Ɣinomic, ke cïn raan bï wënde ku nɔn ee nyande be lɔ gam ke ye miɔ̈c nyupë yanh cɔl Molek.

2 Mel 24:4

ku në biäk de rim de kɔc cï ke nɔ̈k ëbɛ̈n ke cïn kë cïk wööc. Bɛ̈nydït acïï Manatha bï pɔ̈l në biäk de ee kënë.

Diɛt 106:38

Ayek riɛm de kɔc cïn gup awɛ̈ɛ̈c tɔ kuëër, riɛm de wɛ̈ɛ̈tken ku duetkɛn yek näk yiëth ke Kanaan, ago piny jɔ riääk ë baŋ de nääk ë kɔc.

Yith 59:7

Wek ee kiɛɛr de riääk looi ë ceŋ, ku acïï ë tiit bä looi, ku ayak dap looi. Wek cie gääu ë näŋ de kɔc cïn gup awɛ̈ɛ̈c. Wek ee dhuur ku riääk nyääŋ të cä wek lɔ thïn ëbɛ̈n,

Yith 65:11

“Ku abï wöc ke week, wek kɔc cï ya pɔ̈l, kɔc ee Dhiɔn biɔɔn, kuurdiën ɣeric. Ku lamkï Gad ku Meni, yiëth ke miɛtëguöp ku thök de pïïr ë raan.

Jeremia 1:16

Yɛn bï kɔckï luöi këtuc në biäk cï kek awäc looi, acïk A nyääŋ piny, ku lek yiëth kɔ̈k gäm miɔ̈c de wal ŋïr, ku loikï yiëth ku lamkï keek.

Jeremia 11:13

Kɔc ke Juda adekï nïïm yiëth juëc cït kuën de pɛ̈ɛ̈nydïtken, ku kɔc ceŋ Jeruthalem acïk röt yiëk yïk juëc cït kuën ke kuɛɛr ke pänydït, yïk ye Baal nyuöp wal ŋïr.

Jeremia 15:6

Wek cï Ya rɛɛc, wek cï wekɔ̈ɔ̈th wɛ̈l Yɛn. Aguɔ a cin riɛny tueŋ ku dhiac we yiic, në biäk cän bäp në guöm de agönhdï.

Jeremia 16:11

Ëtɛ̈ɛ̈n jɔ lëk keek an acïï Bɛ̈nydït lueel an, ‘Kuarkun acïk röt wɛl wei në Yɛn, ku lamkï yiëth kɔ̈k ku luuikï keek. Acïk Yɛn nyääŋ piny ku cïkï wëëtdï riëëu.

Jeremia 17:13

Bɛ̈nydït yïn aye aŋäth de Yithriɛl, kɔc cï yïn rɛɛc kedhie abïï keek tɔ yäär. Abïk määr cï rin cï gɔ̈ɔ̈r ë abuui yic, kɔc cï lɔ paan ë thuɔɔu, në biäk cï kek Yïn pɔ̈l, Yïn Bɛ̈nydït, Yïn awaŋ de pïïu piɛth.

Jeremia 17:20

lɛ̈kë meliik ku kɔc ke Juda kedhie, ku raan ëbɛ̈n raan rëër ë Jeruthalem ku yek tëëk ee kɛ̈lkë thook, bïk kë luɛɛl piŋ.

Jeremia 18:15

Ku kɔckï acïk nïïm määr ë yɛn, ayek wal ŋïr nyuöp yiëth. Acïk kɔ̈th në kueerdɛn duëër kek lɔ thïn, acïkï kuɛɛrkɛn thɛɛr be kuany yiic, aciɛthkï ë kueer kënë kuaar yic.

Jeremia 2:13

në biäk cïï kɔckï awɛ̈ɛ̈c kaarou looi: acïk röt yal wei tëde Yɛn, Yɛn awaŋ de pïïu piɛth, acïk awuul wec, awuul cï ɣaar cïï pïïu lëu në muk, abïk ciën pïïu ananden.

Jeremia 2:17

Yithriɛl, yïn cï ee kënë yiɛ̈në rɔt! Yïn cï ya nyääŋ piny, Yɛn Bɛ̈nydït Nhialicdu, ku ee Yɛn ë ciɛɛth yïn në pïïrdu yic ëbɛ̈n.

Jeremia 2:19

Awänyduön cäk loi yen abï we luöi këtuc, ku jäldun tëde Yɛn abï we luöi këtuc. Abäk ŋic nɔn tuc en thok ku rɛɛc, yen kë cä wek Ɛn nyääŋ piny, Yɛn Bɛ̈nydït Nhialicdun, ku bɛkï piɔ̈ɔ̈th ciɛ̈n adöt në Yɛn. Acä lueel, Yɛn Bɛ̈nydït Awärjäŋ.”

Jeremia 2:30

Yïn cä luöi këtuc, ku acïn këpiɛɛth cï looi, yïn kën Yɛn pɔ̈l bä yï jɔ̈ɔ̈ny. Yïn cï tïtku nɔ̈k në abätäu, cï köör cï wäth.

Jeremia 2:34

Lupɔɔkun acïk gup riɔk në rim ke kɔc kuanynyïïn ku kɔc cïn gup awɛ̈ɛ̈c, acie riɛm de kɔc ee ɣööt dhoŋ. “Ku në biäk de ë kake kedhie.

Jeremia 22:17

Ku yïn ee këde piɔ̈ndu yen ye kɔɔr, yïn ee kɔc cïn gup awɛ̈ɛ̈c nɔ̈k, ku ye kɔcku kuur ë yaaŋ. Acïï Bɛ̈nydït lueel.

Jeremia 22:3

“Acä lueel Yɛn Bɛ̈nydït, luöi bä wek piathëpiɔ̈u ku yic aa looi. Yak raan mɛthë gël në raan cam en. Duökï raan lei, ku mɛnh abaar, ku tiiŋ abaar, ee kuöc luööi ku duökï yɔŋ, ku duökï kɔc cïn kë cïk wööc ee nɔ̈k ee të ɣericë.

Jeremia 26:15

Ku kënë abäk dhil ŋic ë gɔk: Të la wek yɛn nɔ̈k, week në kɔc ke ee pänydïïtë, we bï gup dɛ awäc ë nääk de raan cï kë cï looi, në biäk yen Bɛ̈nydït Yen ë toc yɛn bä week bɛ̈n yɔ̈ɔ̈k.”

Jeremia 26:23

Gokï bɛ̈ɛ̈i ciëën tënu ë melik Jeɣoyakim, cï yen tɔ näk ku cuɛtë guöpde të ye kɔc tɔ̈ɔ̈u thïn kedhie.)

Jeremia 44:3

në biäk cïï ë kɔcken karɛc looi, ku acïk Yɛn tɔ göth. Ayek yiëth kɔ̈k nyuöp wal ŋïr, ku yek yiëth kɔ̈k luööi, yiëth kënkï ke kɔn luööi, ayï week, ayï kuarkun akënkï ke kɔn luööi.

Jeremia 5:6

Në biäk de ee kënë yen abïï köör roor keek nɔ̈k, abïï aŋuööth ke jɔ̈ɔ̈ric keek riɔ̈ɔ̈k, ku kuac abï aa cath ë pɛ̈ɛ̈nydïtken yiic. Të lee ee kɔckë lɔ biic, abïï keek rɛt yiic, në biäk juëc awɛ̈ɛ̈cken, ku ayek cool ke ke jäl ë Nhialic lɔ̈ɔ̈m.

Jeremia 7:6

Duökï alɛi ee cam, ku mïth abɛɛr, ku diëër abɛɛr. Ku duökï kɔc cïn gup awɛ̈ɛ̈c ee nɔ̈k ee pinyë. Duökï yiëth kɔ̈k ee lam, kënë abï week riɔ̈ɔ̈k.

Jeremia 7:9

Wek ee kual, ku näkkï, ku nämkï diäär, ku yak kuëëŋ në lueth, ku nyuöpkï Baal wal ŋïr, ku lamkï yiëth kënkï keek kɔn ŋic ɣɔn thɛɛr.

Dhiëëu 4:13

Ku kënë ë rɔt looi, në biäk cïï tït ke Jeruthalem kërac looi, ku bäny de kake Nhialic adekï gup gääk de thon de kɔc cïn kë cïk wööc.

Edhekiɛl 20:26

Acä ke tɔ riäk röt në miɔ̈cdɛn yek gam, ku ta ke gɛm wɛ̈ɛ̈t kɛ̈iken. Kën ee luɔi bän ke luöi këtuc, ku nyuöth keek nɔn ee yɛn Bɛ̈nydït.

Edhekiɛl 7:22

Yɛn cïï bï lɔ në kaken yiic, të cï kek ɣöndiën ë Bɛ̈nydït riɔ̈ɔ̈k, ku të cï cuɛ̈ɛ̈r lɔ thïn ku riäkkï keek.

Edhekiɛl 8:11

Röördït ke baai de Yithriɛl kathiërdhorou, aake tɔ̈u ëtɛ̈ɛ̈n, ade yic Jadharia wën de Capan. Raan ëbɛ̈n në keyiic aa amuk thaŋ ye wal ŋïr nyop, ka tol de aŋïïr de wal alɔ nhial.

Danyel 11:31

Kɔc kɔ̈k në remdɛn ë tɔŋic, abïk Luaŋdït tɔ nhiany yic. Abïk miɔ̈c ye nɔ̈k aköölnyïïn dɔ̈m kɔ̈ɔ̈c. Ku tɛ̈ɛ̈ukï kënhiɛɛny ee riɔ̈ɔ̈c bɛ̈ɛ̈i Luaŋdït.

Luk 11:50

Ke riɛm de tït kedhie riɛm cï lëu gɔl të ɣɔn ciɛkë piny aɣët cï ënɔɔnë, ke bï thiëëc tëde rem de ënɔɔnë,

Nyöŋ 13:13

an ade kɔc rac kɔ̈k në jurdunic, kɔc cï kɔc ke wuötken thɛl wei, bïk yiëth kɔ̈k lam, yanh kënkï kɔn lam ɣɔn thɛɛr.

Nyöŋ 13:6

“Ayï wënkui, ku nɔn ee wëndu, ku nɔn ee nyandu, ku nɔn ee tiiŋduön nhiaar, ku nɔn ee raan määth wek arëët, aduëër yïn riit piɔ̈u ë määth, ke yï bï yiëth lam, yiëth kënë ke kɔn lam wekë kuarkun.

Nyöŋ 28:20

“Na lak kërac lɔ looi ku rɛɛckï Bɛ̈nydït, abï riääk bɛ̈ɛ̈i tëde week, ku anuɔɔn, ku nuan në këriëëc yak looi yic ëbɛ̈n, agut të bï Yen we dap riɔ̈ɔ̈k liŋliŋ.

Nyöŋ 28:36

“Bɛ̈nydït abï week lɛɛr piny lei në melikdun, jur kɛ̈n wek kɔn lɔ rëër thïn ayï kuarkun, ku wek bï yiëth cï looi në kur ku tiim aa lɔ luööi ëtɛ̈ɛ̈n.

Nyöŋ 28:64

“Bɛ̈nydït abï week thiäi piny në juööriic ëbɛ̈n, gɔl në piny thar biäkë leer ë biäkë, ku ëtɛ̈ɛ̈n we bï yiëth ë loi në tiim ku kur aa luööi, yiëth kɛ̈nkï keek kɔn lam ayï kuarkun.

Nyuuth 16:6

Luɔi ee kek riɛm de kɔc ɣeriic ku tït luööŋ wei, ku cï ke gäm riɛm dekkï: yen arɔ̈ŋ ke keek!

Bäny 5:8

Të wään cï kɔc ke Yithriɛl yiëth kɔ̈k lam, tɔŋ acï bɛ̈n thɔ̈ɔ̈r wutic. Cakaa nɔn ye rem de tɔŋ de Yithriɛl bot kathiërŋuan 40,000, aa cïn raan töŋ de köt kekë tɔŋ në keyiic.