Jeremia 17:8 - JAM DE NHIALIC 2011

⁸ Keek acïtkï tiim ee cil ë wɛ̈ɛ̈r yɔu, ku ye meiken ɣet ë pïïuwiic. Acïkï ee riɔ̈ɔ̈c të cï piny tuöc, në biäk ye yïthken tɔ̈u ke ke tɔ̈c, acïkï ee diɛɛr të cïn en deŋ, ayek ŋoot ke ke lok në mïth.

Jeremia 17:8 Iomraidhean Croise

Jop 29:19

yɛn aa cït tim cïï meike ɣet piny të de pïïu, ku cï apämde thiäŋ në thɛ̈c.

Jop 8:16

Acïtkï tiim ë pith domic të ruël akɔ̈l ku jɔ ka cï piith röt jɔɔc apiɛth ë domic ëbɛ̈n.

Diɛt 1:3

Kek ee kɔckë akïtkï në tiim cï cil në wɛ̈ɛ̈r yɔu, tiim ee luɔk në aköölkɛn ke luɔk, tiim cïï yïth ee biɔɔr. Ayek tiam në këriëëc yek looi yic ëbɛ̈n.

Kɛ̈ŋ 11:28

Aŋäth de kajuëc ee löny bɛ̈ɛ̈i, ku kɔc piɛthpiɔ̈ɔ̈th ayek nyok cï yïth ke tiim mɔ̈i.

Yith 58:11

Ku wek bä aa caath ë ceŋ ku ta we kueth në kapiɛth. Wek bä muk aril ku apiɛth. Wek bï ciët dom de yic pïïu juëc, ku ciëtkï nyin de pïïu cie dëu.

Yith 61:3

Bä kɔc dhiau në Dhiɔn tɔ mitpiɔ̈ɔ̈th, gäm miɛtëpiɔ̈u në nyin ë dhiëëuwic, Diɛt ke alɛɛc në nyin ë jiɛthëpiɔ̈uwic. Abïk ciët tiim ke ɣok de piathëpiɔ̈u, cïï Bɛ̈nydït ke com guöpde. Abïk yic aa looi, ku Nhialic abï dhuëëŋ yök ë baŋ ë kë cï looi.

Jeremia 39:18

Yïn bä muk apiɛth, ku yïn cïï bï nɔ̈k. Yïn bï ban we wëiku, në biäk cï yïn Yɛn ŋɔ̈ɔ̈th. Acä lueel, Yɛn Bɛ̈nydït.”

Edhekiɛl 31:3

Yïn cït tim de thidar de Lebanɔn de kër läk aa tiëp looi, Tim bɛ̈ɛ̈r ye kërke ɣet ë luäät yiic.

Edhekiɛl 47:12

Tiim juëc yiic abïk luɔk në këcam në nyin biäkë ku nyin biäkë. Yïthken acïkï bï aa biɔɔr, ku abïk nïïm dɛk mïth ke ke cïï kääc. Abïk nïïm dɛk mïth piɛth ë pɛ̈i nyïïn ëbɛ̈n, në biäk ye ë keek piɔɔk ë nyin ee bɛ̈n bei tëɣeric. Tiim abïk kacaam aa bɛ̈ɛ̈i, ku yïthken abïk kɔc tɔ waar në juäi.”