Jeremia 17:4 - JAM DE NHIALIC 2011

⁴ Wek bï piny cä gäm week gam, ku wek bä tɔ luui kɔc ke aterdun piny cïn kë ŋiɛckï thïn, në biäk cït agönhdï mac, ku abï dɛ̈p aɣet athɛɛr.”

Jeremia 17:4 Iomraidhean Croise

1 Mel 9:7

ku Yɛn bï kɔc ke Yithriɛl nyaai piny wään cä gäm keek, ku Yɛn bï ë Luaŋdïïtë pɔ̈l, Luaŋdïït cä tɔ ɣeric ke ye të bïï Ya aa lɔ̈ŋ thïn. Ku Yithriɛl abï aa kääŋ tëde raan ëbɛ̈n, ku abïï yɔŋ.

2 Mel 25:21

Go melik de Babilon ke dui, ku nɛ̈k ke wutic ë Ribla piny de Ɣamath. Ka kɔc ke Juda cï ke jɔt pinyden, ke ke cï peec.

Neɣe 9:28

Na lɔ mät bɛ̈n ke ke be awɛ̈ɛ̈c nyɔk në luɔi, ku be keek tɔ nyɔk ë pɛ̈c peecë keek në kɔc ke aterden. Na lek awɛ̈ɛ̈cken gam ku thiëckï Yïn bä ke kony paannhial, aye ke piŋ ku kony ke në thaar nyin ëbɛ̈n në kokdepiɔ̈nduön dït.

Yith 14:3

Bɛ̈nydït abï kɔc ke Yithriɛl tɔ dem në arɛɛmden ku nuanden ku luɔi tuc ɣɔn ye kuöt keek në riɛl an loikï.

Yith 30:33

Ɣɔn thɛɛr ade të cï kiëët bï gök de mac dëp thïn bï melik de Athiriya nyop. Athuth ku alääuwic, ku acï thɔ̈ɔ̈ŋ në wal ku tiim juëc. Bɛ̈nydït abï wëi në nyïïn ke mac bï ye ɣaak.

Yith 5:25

Bɛ̈nydït agöth ke kɔcke, ku ë Yecin jɔ̈t keek bï ke luöi këtuc, kur abï ke lath, ku gup ke kɔc cï thou abïï ke nyääŋ piny në kuɛɛriic ëbɛ̈n cït man ë nuöön. Cakaa yen ë tɔ̈u aya, agönh de Bɛ̈nydït abï ŋoot ke cïï thök, abï ŋoot ke nu ciin biic ke kɔɔr bï këtuc looi.

Yith 50:11

Wek kɔc ee kiɛɛr rac luöi kɔc kɔ̈k wedhie wek bïï kiɛɛrduön rac yak luöi kɔc kɔ̈k nɔ̈k. Bɛ̈nydït guöpde abï ee kënë tɔ loi rɔt, wek bï nuan arëët.

Yith 66:24

“Të jël kek, abïk gup ke kɔc cï thou tïŋ, gup ke kɔc cï a rɛɛc. Ku ruöi lɔ ke cam acïï bï thou, ku many bï ke nyop acïï bï kɔn liu. Të tïŋ ë keek në kɔc nyïïn abï aa kërac arëët tëde mɛnh ë raan ëbɛ̈n.”

Jeremia 12:7

Aye Bɛ̈nydït lueel an, “Yɛn cï Yithriɛl nyääŋ piny, Yɛn cï jurdiën cä lɔc rɛɛc. Yɛn cï kɔckiën nhiaar gam bï kɔc ke aterden ke tiam.

Jeremia 15:14

Abä keek tɔ luui kɔc ke aterden piny cïn kë ŋickï thïn, në biäk cït agönhdï mac, ku abï dɛ̈p aɣet athɛɛr.”

Jeremia 16:13

Ku ëtɛ̈ɛ̈n, wek bä cuɔp wei ee pinyë lɛɛr week piny kënkï kɔn tïŋ ku kën ë kuarkun kɔn tïŋ. Ku wek bï yiëth kɔ̈k jɔ aa luööi ëtɛ̈ɛ̈n aköl ku wakɔ̈u, ku acïn kokëpiɔ̈u bä nyuöth week.’”

Jeremia 18:23

Ku Bɛ̈nydït, Yïn ŋic kiɛɛrdɛn kɔɔr kek bïk a nɔ̈k. Du ke pɛ̈l awänyden, ku du kërɛɛcden päl. Wiɛtë keek piny në tiëm cïn ke tiaam, ku luööiyë keek ke yï cï göth.”

Jeremia 2:14

“Yithriɛl acie lïm, aa cïï dhiëth në lïïmic. Eeŋö ye kɔc ke aterde ye yɔ̈ɔ̈p?

Jeremia 22:28

Acä lueel an, “Cï melik Jekonia ciët gul cï dhuööŋ, gul cï cuat wei cïn raan kɔɔr en? Ee yen kën jɔtë yen kekë mïthke ka, peec keek ku leerë keek piny cïn kë ŋickï thïn?”

Jeremia 5:19

Të lee kek lɔ lop an eeŋö luɔi Yɛn ee kakë kedhie, lɛ̈kë ë keek Jeremia, an cït man cï kek kenïïm wɛl wei tëde Yɛn ku luuikï yiëth kɔ̈k pinyden, yen abï kek kɔc kɔ̈k lɔ luööi piny cie pinyden.”

Jeremia 5:29

“Ku Yɛn Bɛ̈nydït, abäk keek luöi këtuc në biäk ee kakë, Yɛn bï rɔt guöör në ee jurë.

Jeremia 7:20

Ka Yɛn Bɛ̈nydït Awärjäŋ, Yɛn bï agönhdï wäl ee Luaŋdït guöp. Ku abä wäl në kɔc gup ku läi gup akït, ayï tiim ku rap. Agönhdï abï ciët many cïn raan ee ye tɔ liu.

Dhiëëu 1:12

Ku ye kɔc tɛ̈k kueer ëbɛ̈n yöök an, “Tïŋ ɛn! Acïn raan cï arɛɛm kɔn yök cït man ë yɛn. Arɛɛm ë yïïn ë Bɛ̈nydït yɛn në akööl ke agönhde.

Dhiëëu 5:2

Kakuɔ atɔ̈ukï në kɔc lei cin, juöör arëërkï në ɣöötkuɔ yiic.

Edhekiɛl 21:31

Wek bï agönhdï yök, të la yɛn en pɔ̈l ke lääuwic në yïguöp cït many dɛ̈p. Wek bä gäm kɔc rac, kɔc ŋic riääk de käŋ.

Edhekiɛl 7:24

Yɛn bï juöör rac arëët bɛ̈ɛ̈i ëtënë ku ta ke nöm ɣöötkun. Kɔckuön ril abïk ciën aŋäth të lan ɣäänkuön ɣeriic bɛ̈n riɔ̈ɔ̈k.

Nyöŋ 28:25

“Bɛ̈nydït abï kɔc ke aterdun tɔ tiam week. Abäk keek mak në tuuŋ tök, ku wek bï aa kat në keek në tuŋ thook kedhie, ku kɔc ke piny nɔm kedhie, abïk riɔ̈ɔ̈c arëët të tïŋ kek kë cï tuöl tëde week.