Jeremia 16:4 - JAM DE NHIALIC 2011

⁴ Abïk thou në jɔɔk tuc thook, ku acïn raan bï keek dhiëëu ku cïn raan tɔ̈ɔ̈u keek. Gupken abïk dhɔt piny cï tiɔɔm awäi cï kut nɔm piny. Abïï keek nɔ̈k ë abätäu ku thoukï në cɔk, ku gupken abïk aa këcam de diɛt ku läi roor.

Jeremia 16:4 Iomraidhean Croise

2 Mel 9:10

Ku jɔ̈k abïk Jedhebel cuet në aken ë Jedhreel nɔm, ku acïn raan bï ye tɔ̈ɔ̈u.” Na wën aacï ee kënë lueel, go ɣöt liep thok ku kɔt.

Diɛt 78:64

Ku bänykɛn ke kake Nhialic acïk thou në akuöörkuöör, ku diëërkɛn abɛɛr acï keek pɛ̈n dhiëëu.

Diɛt 83:10

Acï keek tiaam në Endor, ago gupken bɛ̈n dhiap piny.

Yith 18:6

Gup ke rem ë tɔŋden abïï ke päl diɛt nhial ku läi roor. Abï diɛt ke ŋueet mɔ̈i ku ciɛm läi keek rut.”

Yith 5:25

Bɛ̈nydït agöth ke kɔcke, ku ë Yecin jɔ̈t keek bï ke luöi këtuc, kur abï ke lath, ku gup ke kɔc cï thou abïï ke nyääŋ piny në kuɛɛriic ëbɛ̈n cït man ë nuöön. Cakaa yen ë tɔ̈u aya, agönh de Bɛ̈nydït abï ŋoot ke cïï thök, abï ŋoot ke nu ciin biic ke kɔɔr bï këtuc looi.

Jeremia 19:7

Yɛn bï kiɛɛr de kɔc ke Juda ku kɔc ke Jeruthalem tɔ cïn naamden eetënë. Yɛn bï kɔc ater tɔ tiam keek ku näk keek ë tɔŋic. Yɛn bï gupken gäm diɛt ku läi roor bïk cam.

Jeremia 21:6

Ku Yɛn bï ka pïïr ceŋ ee pänydïïtë nɔ̈k kedhie, kɔc ku läi, abïk thou kedhie ë jɔɔk tuc thook.

Jeremia 25:33

Në ee köölë, gup ke kɔc cï Bɛ̈nydït ke nɔ̈k, abïk dhɔt piny ke ke cï wɛɛr gɔl aguk baŋë lee aguk däŋë. Acïn raan bï ke dhiëëu, ku acïï keek bïï jɔt, lek ke tɔ̈ɔ̈u. Abïk dhɔt piny cï tiɔɔm awäi cï kut nɔm.

Jeremia 34:17

Ka ënɔɔnë Aya lueel Yɛn Bɛ̈nydït wek kën ya riëëu: Wek kën mïthëkɔckuön ke Yithriɛl gäm nɔm lääuden. Apiɛth aläl, wek bä gäm nɔm lääu: nɔm lääu bä wek thou ë tɔŋic, ku jɔk, ku cɔk. Yɛn bï juöör ke pinynɔm ëbɛ̈n tɔ päu në kë bä luöi week.

Jeremia 34:20

abä ke tääu në kɔc ke aterden cin, ku gäm keek kɔc kɔɔr bïk keek nɔ̈k. Ku gupkɛn cï thou abïk aa këcam de diɛt nhial ku läi roor.

Jeremia 36:30

Ka ënɔɔnë Yɛn Bɛ̈nydït Alɛ̈k yïn, melik Jeɣoyakim, acïn kuatduön bï bɛ aa melik në ciɛɛŋ ë Debid yic. Guöpdu abïï dɛɛny wei të bï aköl en aa ruël ku cuɛtë rooric wakɔ̈u.

Jeremia 44:12

Ku në biäk de kɔc ke Juda cï döŋ, ku acïk dhel nɔn bï kek lɔ ceŋ ë Rip, abä dhil kiëët nɔn bïï ë keek riɔ̈ɔ̈k kedhie. Abïk thou kedhie ë Rip, röördït, ku kɔc kor, abïk thou ë tɔŋ, ku nɔn ee cɔk. Kɔc abïk aa riɔ̈ɔ̈c në tïŋden, abï kɔc keek aa luööi në abiaan, ku tɔ rinken ee këde aciɛɛn.

Jeremia 44:27

Ku we bä tiit ke we cïï bï kuɛth, ku wek bïï keek riɔ̈ɔ̈k. We bï thou wedhie, në cɔk ku nɔn ee jɔk, abïï ciɛ̈n raan töŋ bï döŋ ë we yiic.

Jeremia 7:33

Ku gup ke kɔc cï thou abïk aa këcam de diɛt ku läi roor, ku acïn raan bï keek tuur.

Jeremia 9:22

Gup ke kɔc cï thou acïk wɛɛr piny ëbɛ̈n, cï kuut de tiɔɔm awäi domic, cï rɛɛp cï tem ku nyiëëŋ ë ke piny ë kɔc ee tem, rɛɛp cïn raan ee ke määt yiic. Kënë lëkë Bɛ̈nydït yɛn ka bä bɛ̈n lueel.”

Dhiëëu 4:9

Kɔc cï thou ë tɔŋic aŋuänkï, në kɔc ë thou ciëën, kɔc ë thou ë määth ë cɔk ke cïn kuïn tɔ keek pïïr.

Edhekiɛl 24:21

“Bä we yiɛ̈n ee jamë, wek baai de Yithriɛl: wek ee röt leec në riɛl de tëɣeric. Anhiaarkï bäk aa woi ku yak lɔ kɛ̈ny, ku abïï Bɛ̈nydït riɔ̈ɔ̈k. Ku wɛ̈ɛ̈t dhuök ke bɛ̈ikun kɔc cï döŋ Jeruthalem abïï ke nɔ̈k në tɔŋic.

Edhekiɛl 5:12

Biäk töŋ de diäk ë kɔckun abï thou në jɔk ku cɔk ë pänydïtic, ku thou biäk däŋ de diäk në abätäu biic në pänydït thok, ku biäk töŋ de diäk ciëën abä thiäi piny në ɣään ke yom kedhie, ku cuɔp keek në abätäu.

Dhep 1:17

Aye Bɛ̈nydït lueel an, “Yɛn bï ee riäŋë yiɛ̈n mɛnh ë raan, ka raan ëbɛ̈n abï cath ëpäthpäth cï cɔɔr, në luɔi cïï kek A luöi awäc, ka rimken abïk wat cï pïïu ku jɔ gupkɛn cï thou dhɔt piny ke ke cï ŋuäc.

Nyöŋ 28:22

Bɛ̈nydït abï we tuöc jɔɔk ee kɔc nɔɔl, ku bɔ̈ɔ̈t, ku atuöc, abï week tuöc cɔk, ku kupiɔ̈r tuc bï rɛɛpkun riɔ̈ɔ̈k. Yen ee riääkkë abï tɔ̈u ke week aɣët të bä wek thou.

Nyöŋ 28:26

Të la wek thou, diɛt ku läi roor abïk bɛ̈n bïk rïŋkun bɛ̈n cuet, ku abï ciën raan ee keek tuur ëtɛ̈ɛ̈n.