Jeremia 14:3 - JAM DE NHIALIC 2011

³ Kɔc kueth ayek kɔc ee keek luööi tuöc pïïu, ayek lɔ në awuuliic ku cïn pïïu yökkï ke, ayek bɛ̈n ciëën në aguut cïn yiic pïïu. Ayek kenyïïn thiaan në ayäär ku ciën aŋäth.

Jeremia 14:3 Iomraidhean Croise

2 Tham 15:30

Ago Debid lɔ nhial në kuur de Olip nɔm ke dhiau, ku ë yenɔm kuöm piny ë dhiën ë piɔ̈u ku ciɛth ë yecök ke cïn war. Ago kɔc cath ë yen kedhie kenïïm kuöm piny ku dhiaukï ayadäŋ.

2 Tham 19:4

Na wën ke melik ë kum yenyin ku dhiɛɛu ë röldït an, “Abthalom wëndï oou, Abthalom, wëndï, wëndï!”

1 Mel 17:7

Na wën, ke nyin ë dëu në luɔi cïn en deŋ.

2 Mel 18:31

Duökï jam de Ɣedhekia piŋ! Melik de Athiriya ayöök week bäk bɛ̈n bei bäk röt bɛ̈n than. Ku wek wedhie, ŋɛk abï aa tɔ lɔ le mïth ke enap ku ŋaap cam në duumkɛn ke tiim, ku dɛ̈kkï në pïïu në yïthkun yiic,

Ethta 6:12

Na wën ke Modekayo ë puk rɔt ë kal ë ɣöndïït ë Melik thok, të wën yen rëërë. Ku dap Ɣaman jäl ke gut e nɔm piny, pën e nyin kɔc, ke lɔ paande ke cï piɔ̈u dhiau arëët.

Jop 6:20

na wën, aa cïk ɣet ëtɛ̈ɛ̈n, acïk nïïm bɛ̈n mum, në luɔi kën kek aŋäthden yök.

Diɛt 109:29

Tɔ kɔc ke aterdï thiäŋ gup në ayäär, tɔ ke ceŋ ayärden cït aluluut,

Diɛt 40:14

Yäär kɔc kɔɔr aa näkkï yɛn tɔ ke tiam ku mumkï nïïm. Kɔc kɔɔr an yïkï ya guöp bɔ̈t, cuɔpë ke wei abïk yäär.

Jeremia 14:4

Në biäk cïn en deŋ, ku piny acï ril wei, kɔc ee pur atök ke piɔ̈ɔ̈th, ayek kenyïïn thiaan.

Jeremia 15:18

Eeŋö jan tɔ̈u ë nuanic? Eeŋö cïï kënë tëtöökkï waar? Eeŋö kën kek dem? Kɔɔr bä ya tɔ jeth piɔ̈u cï nyin ee dëu mɔ̈i?”

Jeremia 2:13

në biäk cïï kɔckï awɛ̈ɛ̈c kaarou looi: acïk röt yal wei tëde Yɛn, Yɛn awaŋ de pïïu piɛth, acïk awuul wec, awuul cï ɣaar cïï pïïu lëu në muk, abïk ciën pïïu ananden.

Jeremia 2:37

Wek bï röt yal wei tëde kɔc ke Rip, ke we cï gup yäär. Yɛn Bɛ̈nydït, Yɛn cï kɔckuön yak keek ŋɔ̈ɔ̈th rɛɛc, acïn kë bäk yök tëde keek.”

Jeremia 20:11

Ku yïn Bɛ̈nydït yïn tɔ̈u we yɛn, Yïn ril ku wärjäŋ, ku kɔc ee yɛn yɔŋ abïk thueet. Abïk yäär aɣet athɛɛr, në biäk cïï kek duëër tiam. Ayärden acïï kɔc nïïm bï määr ë yen.

Jeremia 3:3

Yen acï deŋ tɔ yaak ke cïï tueny, ku yen akën ë nyïïn bɛ thiɔɔr ke ke bɔ̈ biic. Ku yïn ee tïc cït tiiŋ akɔɔrröör, yïn cïn guöp ayäär.

Dhiëëu 4:4

Ayek mïthken tɔ thou ë cɔk ku rou. Mïth alipkï kuïn cïn raan bï ye gäm keek.

Ɣodh 2:3

Na le ye cuök päl, abä yɔ̈ɔ̈t kɔ̈u bei në lupɔɔ, ka abï cath në yekɔ̈u cït man ɣɔn dhiëëthë yen. Abä tɔ cït jɔ̈ɔ̈r cïn yic pïïu, ku ta nɛ̈k ë rou.

Jowɛl 1:20

Ayï läi roor aläŋkï yïn, në biäk cï nyïïn ke pïïu dëu, ku cïï mac ɣään ke nyuäth nu ë jɔ̈ɔ̈ric nyop.

Amoth 4:7

Rɛɛpkun acä keek pɛ̈n deŋ ke ke cïï bï piɔɔk, ku yɛn ee deŋ tɔ tueny wun tök, ku pɛ̈n wun däŋë. Ku ta deŋ tueny dom tök, ku ta dɛ̈ɛ̈k dom däŋë go yom wei.

Amoth 4:8

Ku kɔc cï yiɛɛl wei acïk thiëi ë wuöt yiic ke ke kɔɔr pïïu, ku acïn pïïu cïk yök. Ku wek ŋoot ke wek cïï röt puk Ɛn. Kë cïï Bɛ̈nydït lueel ka.

Dhek 14:17

Na de jur lɔ jaai në luɔi bïï yen Bɛ̈nydït de rɛm lam ke ee Melik, ka acïn deŋ bï tueny pinyden.