Jeremia 14:2 - JAM DE NHIALIC 2011

² an, “Juda adhiau, pɛ̈ɛ̈nydïtke arilkï wei. Kɔcke atɔ̈ukï piny ë jiɛthëpiɔ̈u, ku Jeruthalem adhiëëu kuɔɔny.

Jeremia 14:2 Iomraidhean Croise

Jop 34:28

Ayek kɔc kuanynyïïn tɔ yïn dhiëëu Nhialic, ku Yen ee cɔ̈tdɛn kɔɔr kek kuɔny piŋ.

Diɛt 144:14

Tɔ ɣɔ̈kkuɔ ye dhiëth apiɛth ku bï ciën kɔ̈k ee thou, ku cïkï ee määr. Tɔ cïn dhiëëu ku jiɛthëpiɔ̈u ë kuɛɛrkuɔ yiic kedhie.

Bɛ̈n 2:24

Na wën, aacï Nhialic dhiënden piŋ, ke tak mändɛn ɣɔn cï looi kekë Abraɣam, ku Yithaak, ku Jakop.

Yith 15:5

Yɛn dhiau piɔ̈u në këde Mowap! Kɔc acïk kɛt wutic Dhowar ku Eglath Celicia. Kɔ̈k acïk kueer ë Luɣith dɔmic ke ke dhiau, ku lɔ kɔ̈k thiaan ë Ɣoronaim ke ke cï piɔ̈ɔ̈th jiɛth arëët.

Yith 24:11

Kɔc adhiaukï në kuɛɛriic në biäk de ciɛ̈n mɔ̈u. Miɛtëpiɔ̈u ë jäl athɛɛr, ë määr ë piny nɔm.

Yith 24:4

Piny abï dëu ku biɔɔr, piny nɔm ëbɛ̈n abï lɔ ke kɔ̈c, piny ke paannhial kedhie abïk dhiap.

Yith 24:7

Enap abï yom, ku mɔ̈u ë liu. Ku raan ë mit piɔ̈u ɣɔn ë piɔ̈u riääk ënɔɔnë,

Yith 3:26

Dhuöör ku dhiëëu abï nu wutic cil, ku wut guöpde abï ciët tiiŋ cï nyuc piny, ke cï yɔ̈ɔ̈t kɔ̈u bei.

Yith 33:9

Piny adhɔt ke cïn kë loi thïn, ku acï pɔ̈l. Ruɔɔr ke Lebanɔn acïk biɔɔr, wak ë Caron ee ŋiëc luɔk acï aa jɔ̈ɔ̈r, ku tiim ke Bacan ku Kuur ë Karmel alöönykï yïth piny.

Yith 5:7

Baai de Yithriɛl ee dom de tiim de Bɛ̈nydït de rɛm, kɔc ke Juda ee kek ee tiim cï piith ee Ye miëët piɔ̈u. Aake ŋɛ̈ɛ̈th nɔn duëër kek yic aa looi, ke ke päl yic ku yek kɔc nɔ̈k. Aa ŋɛ̈ɛ̈th bï piathëpiɔ̈u yök tëde keek, ku kɔc yɔŋkï keek adhiëëukï yic.

Jeremia 11:11

Ka ënɔɔnë, Yɛn Bɛ̈nydït, Ayɔ̈ɔ̈k keek nɔn bän riääk yiɛ̈n keek, ku acïkï bï ban. Ku të le kek lɔ dhiau, ke ke kɔɔr kuɔɔny tëde Yɛn, Yɛn cïï dhiënden bï piŋ.

Jeremia 12:11

Acïk looi ke ee jɔ̈ɔ̈r, atɔ̈u ke cï riääk ë yanɔm. Piny ëbɛ̈n acï aa jɔ̈ɔ̈r, ku acïn raan ee ye tak.

Jeremia 12:4

Pinyda bïï jɔ riɛl aɣet cï nɛn, ku jɔ wal biɔɔr ëduum yiic ëbɛ̈n? Läi ku diɛt athoukï në biäk de karɛc ke kɔckuɔ, kɔc ee yen lueel an, ‘Nhialic acïï kë yokku looi ee woi.’”

Jeremia 18:22

Tɔ kɔc bɔ̈ bïk ɣöötken bɛ̈n yakiic ke cïn lëk, tɔ keek dhiau në riɔ̈ɔ̈c. Acïk ya wɛ̈c pul bän lööny thïn, ku acïk wïn ë dɛ̈p dɛɛp bïï kek ya dɔm.

Jeremia 4:28

Piny nɔm abï dhuöör ku nhial abï aa mɔ̈ɔ̈th. Acïï Bɛ̈nydït lueel, ku acïï Yenɔm bï waar. Acï löŋde tääu piny ku acïï bï dak nɔm ciëën.

Jeremia 46:12

Juöör acïk ayärdu piŋ, dhiëndu acï piŋ ë raan ëbɛ̈n. Raan de tɔŋ ee löny ë raanë kɔ̈u, ku wïïkkï piny kedhie.

Jeremia 8:21

Piɔ̈ndï acï dhuɔɔŋ, në biäk cï ë kɔckï dhuɔɔŋ, Yɛn cï dhiau ka yɛn cï yäär taitai.

Dhiëëu 2:8

Acï Bɛ̈nydït dhel nɔn bïï pɛ̈ɛ̈ny ke nyan de Dhiɔn dhil wïïk. Acï keek them arëët, nɔn bï kek dhil riääk taitai. Aloc ku pɛ̈ɛ̈ny adhɔtkï piny ënɔɔnë ke ke cï riääk ëtök.

Dhiëëu 2:9

Athïïnke acïk lɔ piny ë tiɔpic, waike acï ke dhuööŋ abïk lɔ thorthor. Melikde ku adhuëëŋke anukï ë juööriic. Löŋ acïï be ë wɛ̈ɛ̈t, ku tït acïn nyuuth ee bɛ̈n tëde keek tëde Bɛ̈nydït.

Dhiëëu 5:10

Cɔk acï wo gäm atuöc de guöp, ka wo cï gup tuöc cï many de tiim.

Ɣodh 4:3

Ku në biäk de ye kakë, këriëëc de pinyden abï yom, ku këriëëcdun pïïr ëbɛ̈n abï nuan ku thou: Läi, ku diɛt, agut cï rec abïk thou wïïr.

Jowɛl 1:10

Duum acïk riääk, piny ë nɔm yiɛɛl wei në biäk cïï ë rap riɔ̈ɔ̈k, ku mɔ̈u ë dëu, ku tiim ke miök acïk biɔɔr.

Jowɛl 1:11

Ee këdïït de gäi, wek kɔc ee com, Dhiaukï wek kɔc ee enap com, dhiëëukï agamɔ aläl kekë barli, në biäk cïï këriëëc cï com riääk ëbɛ̈n.

Jowɛl 1:14

Caalkï thɛ̈k ɣeric, calkï amatnɔm! Matkï röördït nïïm ku kɔc cieŋ piny ë Juda kedhie bäk lɔ Luaŋdïït de Bɛ̈nydït Nhialicdun, ku läŋkï Bɛ̈nydït.

Jowɛl 2:6

Kɔc ayek piɔ̈ɔ̈th jiɛth të cïï kek thiɔ̈k, ku tiëc riɔ̈ɔ̈c në kenyïïn kedhie.

Ɣagai 1:11

Yɛn ë piny tɔ yaak, ayï kur nïïm, ku rɛɛpke, ku duumkuön ke enap, ku duum ke tiim ke olip. Këriëëc nyin ëbɛ̈n, kë ee cil piny, acä tɔ yal, ayï kɔc, ayï ɣɔ̈k, ayï thök.

Dhek 7:13

Aye Bɛ̈nydït de rɛm lueel an, Në luɔi kën kek kë luɛɛl piŋ, lɔ̈ŋden akɛ̈n bɛ̈n piŋ ɣɔn ye kek lɔ̈ŋ.

1 Tham 5:12

Ku kɔc wën cï poth ë thuɔɔu thok acïï apeŋeŋ ke bɛ̈n dɔm, agokï kiɛɛu dït luɔc paan nhial bïï ke kony.

1 Tham 9:16

lueel an, “Në kaam cït ee kaamë miäk. Yïn bä tuöc raan bɔ̈ dhiën de Benjamin, tɔc nɔm ke ye melik de kɔckiën ke Yithriɛl, abï kɔckï luök në kɔc ke Pilithiin cin, Yɛn cï nuan de kɔckï tïŋ, ku Yɛn cï dhiëndɛn kɔɔr kek kuɔɔny piŋ.”