Jeremia 13:10 - JAM DE NHIALIC 2011

¹⁰ Kek ee kɔc rɛckë acïk jaai bïk A riëëu. Acïk nïïm riɛl arëët ku jɔkï rac aläl, ku acïk yiëth kɔ̈k lam ku luuikï keek. Ka keek abïk ciët ee lupɔɔkë, lupɔɔ cïï be piath.

Jeremia 13:10 Iomraidhean Croise

Diɛt 78:8

Acïkï bï ciët kuarken, kɔc ee gäm rɛɛc ku cïnkï riëëu, kɔc wään cïï Nhialic ee ŋɔ̈ɔ̈th aril, ku cïkï piɔ̈ɔ̈th ee adöt në Yen.

Wɛ̈ɛ̈t 11:9

Wek dhuök, miɛtkï piɔ̈ɔ̈th në dhuöökdunic. Yak piɔ̈ɔ̈th miɛt të ŋuɔɔt wek ke we ye dhuök. Luɔikï ka kaarkï bäk ke looi, ku kuanykï kake piɔ̈ɔ̈thkun cök. Ku ŋiɛckï nɔn bï Nhialic löŋdun guiir në këriëëc yak looi yic ëbɛ̈n.

Yith 3:24

Luɔi duëër en aa miök tum ke go aa ŋuäc yen ŋörkï, ku luɔi duëër en aa thiönh läk ke go aa wïïn kek cieŋkï, ku luɔi duëër en aa nhïm läk cï ŋiëc nai yen nu në kenïïm ke go aa baar enɔm, ku luɔi duëër en aa lupɔɔ läk kek cieŋkï ke go ye anuɛɛr, ku puk läkden rɔt ke ye ayäär!

Jeremia 11:10

Acïk lɔ ciëën ë karɛc ke kuarken yiic, kɔc wään reec luɔi de kë cä lueel, acïk yiëth kɔ̈k lam. Baai de Yithriɛl ku baai de Juda acïk löŋ cä mac wo kuarken dhoŋ kɔ̈u kedhie.

Jeremia 11:18

Bɛ̈nydït acï a lɛ̈k në biäk de kiɛɛr rɛɛc luiyë kɔc ke aterdï yɛn.

Jeremia 13:7

Aguɔ lɔ ciëën, ku të wën yɔ̈k yɛn të ë thiaan yɛn keek, acä ke yök, ke ke cï riääk ka acïkï be piath.

Jeremia 16:12

Ku wek cï kërɛɛc wär kërɛɛc de kuarkun looi, Week wedhie wek rilnïïm ku rackï, ku wek cïï Yɛn ee riëëu.

Jeremia 16:4

Abïk thou në jɔɔk tuc thook, ku acïn raan bï keek dhiëëu ku cïn raan tɔ̈ɔ̈u keek. Gupken abïk dhɔt piny cï tiɔɔm awäi cï kut nɔm piny. Abïï keek nɔ̈k ë abätäu ku thoukï në cɔk, ku gupken abïk aa këcam de diɛt ku läi roor.

Jeremia 20:4

Acïï Bɛ̈nydït lueel guöp an, “Yïn bä tɔ ee këde riɔ̈ɔ̈c tëde yïn guöpdu, ku tëde määthku, ku abä keek tïŋ anäk keek në abätäu de kɔc ke aterden. Yɛn bï kɔc ke Juda kedhie tääu në riɛl de Babilonia ciin, abï kɔc kɔ̈k jɔt ke ke mac leer ke pinyde ku nɛ̈k kɔc kɔ̈k.

Jeremia 22:21

Bɛ̈nydït acï jam ke week wään kuɛth wek, ku wek cï jaai bäk jamde piŋ. Yen kë cäk looi ka në pïïrdunic ëbɛ̈n, wek cïï Bɛ̈nydït duëër kɔn riëëu.

Jeremia 23:17

Ayek lɛ̈k kɔc cï kë luɛɛl rɛɛc gam, ayek lueel an, käŋ abïk piath ëbɛ̈n tëde keek. Ku ayek lɛ̈k raan ril nɔm ëbɛ̈n an, riääk acïï bï bɛ̈n taitai.”

Jeremia 3:17

Na lɔ ee köölë bɛ̈n Jeruthalem abï ya cɔɔl an, “Thöny de Bɛ̈nydït ku juöör kedhie abïk kenïïm mat ëtɛ̈ɛ̈n ku lamkï Yɛn. Acïkï kakɛn ke riɛl ë nɔm ku ka cïï piɔ̈ɔ̈th racken lɛ̈k keek bï bɛ aa looi.

Jeremia 35:15

Wek ya cool ë tuöc keek tïtkï kedhie, kɔc ee Yɛn luööi, ku acïk we yɔ̈ɔ̈k bäk kuɛɛrkuön rac pɔ̈l, ku bäk këpiɛth aa looi. Acïk we yɔ̈ɔ̈k luɔi cä wek yiëth kɔ̈k bï aa lam ku cäkkï keek luui, aguɔkï ŋoot ke we rɛ̈ɛ̈r piny cä gäm week ku gäm kuarkun. Ku wek kën jamdï piŋ ku cäkkï wëlkï tɔ lɔ ë weyïth.

Jeremia 44:16

“Wo cï jam cï lɛ̈k wook ë rin ke Bɛ̈nydït rɛɛc gam.

Jeremia 44:5

Ku wek kën këdï piŋ, ku cäkkï jamdï gam. Wek cïï luɔiduön rac pɔ̈l, luɔi ya wek yiëth kɔ̈k nyuöp wal.

Jeremia 5:23

Ku wek kɔckë! Wek ee kɔc ril nïïm, ku yak kɔc reec Ɛn, wek cï röt wɛl wei ku nyääŋkï ya piny.

Jeremia 7:13

Wek cï ee karɛckë looi, cakaa nɔn yan we yɔ̈ɔ̈k ë ceŋ, wek cï jamdï rɛɛc. Wek cie gam të caal Ɛn week.

Jeremia 7:6

Duökï alɛi ee cam, ku mïth abɛɛr, ku diëër abɛɛr. Ku duökï kɔc cïn gup awɛ̈ɛ̈c ee nɔ̈k ee pinyë. Duökï yiëth kɔ̈k ee lam, kënë abï week riɔ̈ɔ̈k.

Jeremia 8:5

Eeŋö kɔckï, kë yal wek röt wei në Yalɔ̈ɔ̈m, ku cäkkï röt be pɔ̈k Ɛn? Wek cï nuɛt ë yiëthkun kɔ̈ɔ̈th, ku jaikï në baŋ bä wek röt pɔ̈k Ɛn.

Jeremia 9:13

Go Bɛ̈nydït bɛ̈ɛ̈r an, “Kënë aa loi rɔt në biäk cïï kɔckï wëët cä gäm keek nyääŋ piny. Akënkï ya riëëu, ku akënkï kë cä lëk keek riëëu.

Jeremia 9:14

Acïk nïïm riɛl, ku jɔkï yiëth ke Baal lam cït man cï kuarken keek wɛ̈ɛ̈t bïk aa looi.

Jeremia 9:6

Ku jɔkï yaaŋ kut nɔm, ku kutkï mɛth nɔm, acïk jaai bïk A ŋic.”

Kuɛ̈n 14:11

Go Bɛ̈nydït lɛ̈k Mothe an, “Kɔckë bïk jɔ cieŋ ë ke biɔn Ɛn guöp agut cï nɛn? Bïk Ɛn jɔ gam nɛn? Yɛn ë göök gɛ̈ɛ̈iyë ke juëc looi në keyiic, ku aŋootkï ke ke cïï ya gam.

Luɔi 7:51

Week kɔc ril nïïm, kɔc kënë cueel piɔ̈ɔ̈th, ku kën ëke cueel yïth, wek ee cool ë luel ater në Wëidït ɣer ëcaŋɣɔn: cït man ë kuarkun, ayï week aya.

Ɣeberuu 12:25

Ënɔɔnë yak röt jɔ tiit ke we cïï bï jäi të jiëëm ë Nhialic week. Na kën kɔc wään piŋ rölde, ɣɔn jiëëm En keek ë Mothe thok ë piny nɔm eenë poth taitai! Yak tak duɛ̈ɛ̈rkï poth të rɛɛc wek Yecu raan jiëëm week paannhial!