Jeremia 12:7 - JAM DE NHIALIC 2011

⁷ Aye Bɛ̈nydït lueel an, “Yɛn cï Yithriɛl nyääŋ piny, Yɛn cï jurdiën cä lɔc rɛɛc. Yɛn cï kɔckiën nhiaar gam bï kɔc ke aterden ke tiam.

Jeremia 12:7 Iomraidhean Croise

2 Mel 21:14

Yɛn bï kɔc cï döŋ apïr thiäi piny, ku tääu ke në kɔc ke aterden cin, ke ke bï yɔŋ në kɔc ke aterden.

Diɛt 106:40

Ëtɛ̈ɛ̈n Nhialic acï piɔ̈u bɛ̈n diu kekë kɔcke, ago kɔcke maan.

Diɛt 78:62

Acï piɔ̈u diu kekë kɔcke, go keek tɔ nɛ̈k ë kɔckɛn ke ater.

Yith 2:6

Nhialic Yïn ë kɔcku rɛɛc kuat ë Jakop! Në luɔi cïï kek ciɛɛŋ de juöör tɔ̈u të lɔ aköl amiäk dɔmic, cït läm de yiëth, ku cäär ë tït ë kɔc ke Pilithiin.

Jeremia 11:15

Aye Bɛ̈nydït lueel an, “Kɔckiën nhiaar aloikï karɛc. Ee yic ŋö nu tëde keek bï kek rëër ë ɣöndiën ë Bɛ̈nydït yic? Yek tak bïk riääk pëën, në luɔi ye kek gutguut lueel, ku në gɛm ye kek miɔ̈c näk de läi gam? Bï ee kënë keek tɔ mit piɔ̈ɔ̈th?

Jeremia 14:19

Bɛ̈nydït cï Juda rɛɛc taitai? Man kɔc ke Dhiɔn? Eeŋö gëm Yïn wo bɔ̈ɔ̈tdïït cït ee kënë? Tëtök cïï wok duëër waar? Wok kɔɔr mät, ku acïn këpiɛth cï tuöl, wok ŋäth dem, ku ee riɔ̈ɔ̈cdït yen ee guɔ bɛ̈n.

Jeremia 17:4

Wek bï piny cä gäm week gam, ku wek bä tɔ luui kɔc ke aterdun piny cïn kë ŋiɛckï thïn, në biäk cït agönhdï mac, ku abï dɛ̈p aɣet athɛɛr.”

Jeremia 22:5

Ku na kënkï kë luɛɛl riëëu, ke Yɛn bï kuëëŋ ë we nïïm an ɣön ë bäänyë abï lööny ë riääkic. Acä lueel, Yɛn Bɛ̈nydït.

Jeremia 23:33

Go ë Bɛ̈nydït lɛ̈k ɛn an, “Jeremia, të le raan tök në kɔckï yiic, ku nɔn ee tiët, ku nɔn ee bɛ̈ny de kake Nhialic, të lop en yïn an, ‘Eeŋö lueel Bɛ̈nydït?’ Abä lɛ̈k yen an, ‘Wek cï thiɛk tëde Bɛ̈nydït, ku abï week nyaai.’

Jeremia 23:39

Abä keek dɔm ku cuatke wei tëmec ë Yɛn, keek në pänydïït cä gäm keek ë kuarken.

Jeremia 51:5

Yɛn Nhialic, Bɛ̈nydït de rɛm, Yɛn kën Yithriɛl ku Juda nyääŋ piny, cakaa nɔn cï kek Yɛn luöi awäc, Yɛn Nhialic Ɣeric de Yithriɛl.

Jeremia 7:14

Ku kë cä luöi Cilo, abä luöi ɣöndiën ë Bɛ̈nydït, ɣön yak ŋɔ̈ɔ̈th. Yen të wään bä gäm kuarkun ku gäm week, Yɛn bï kë wääc cä luöi Cilo looi.

Jeremia 7:29

“Kɔc ke Jeruthalem dhiaukï, tɛmkï nhïmkun ku cuatkï keek wei. Kiɛtkï diɛt ke dhiëëu në kur nïïm, në biäk cän göth, Yɛn Bɛ̈nydït, ku Yɛn cï kɔckï rɛɛc.

Edhekiɛl 24:21

“Bä we yiɛ̈n ee jamë, wek baai de Yithriɛl: wek ee röt leec në riɛl de tëɣeric. Anhiaarkï bäk aa woi ku yak lɔ kɛ̈ny, ku abïï Bɛ̈nydït riɔ̈ɔ̈k. Ku wɛ̈ɛ̈t dhuök ke bɛ̈ikun kɔc cï döŋ Jeruthalem abïï ke nɔ̈k në tɔŋic.

Ɣodh 11:1

Aye Bɛ̈nydït lueel an, “Yithriɛl aa nhiaar të ɣɔn ee yen meth. Guɔ cɔ̈ɔ̈l bei Rip, ke ye wëndï.

Ɣodh 9:15

Aye Bɛ̈nydït lueel an, “Acä keek maan në biäk de awɛ̈ɛ̈ckɛn cïk wööc kedhie në Gilgal. Acä keek bï bɛ nhiaar. Abä keek cuɔp wei ɣöndï, në biäk de karɛckɛn cïk looi. Bänyken acïk wöc në Yɛn kedhie.

Jowɛl 2:15

Kuɔthkï kaaŋ në kuur ë Dhiɔn nɔm, caalkï thɛ̈k, ku calkï amatnɔm ɣeric!

Jowɛl 3:2

Yɛn bï juöör määt yiic kedhie, ku bɛ̈ɛ̈i keek në wak de Jeɣocapat ɣɔn cän e tɔ tiëm. Bä keek bɛ̈n luöi këtuc ëtɛ̈ɛ̈n, në biäk de kë cïk luöi Yithriɛl kɔckiën bä lɔ̈ɔ̈k lak. Acïk kɔckï thiäi në juöör yiic ëbɛ̈n, ku tëkkï röt pinydï.

Luk 21:24

Ku abï ke nɔ̈k ë abätäu, ku pec ke leerëke ë Juöör yiic ëbɛ̈n: ku Jeruthalem abï käcic ë Juöör, a thöökë run ke Juöör.

Nyöŋ 33:12

Ku lueel jamë në biäk de dhiën de Benjamin, an: “Kënë ee dhiën nhiɛɛr Bɛ̈nydït ku ye göl, aye tiit aköölnyïïn kedhie, ku ee rëër në keyiic cil.