Jeremia 12:5 - JAM DE NHIALIC 2011

⁵ Go Bɛ̈nydït lueel an, “Jeremia, na cï bäb ë riŋdu we kɔc, ku bä jɔ riŋ adï we jöŋgöör? Na cï jɔ kɔ̈ɔ̈c ë riaaŋ ë baai thok, ke bä jɔ lëu adï yen riŋ ë roor dïït ë Jordan yɔu?

Jeremia 12:5 Iomraidhean Croise

1 Lëk 12:15

Röörkë kek aake tem Kiir de Jordan ke cï thiɔɔr në yekëc ëbɛ̈n, në pɛɛi tueŋ de ruöön, ku thiɛ̈ikï kɔc nu ë wɛ̈k yiic piny, kɔc ë rɛ̈ɛ̈r të lɔ aköl amiäk, ku kɔc nu të lɔ aköl athɛ̈i de Kiir.

Diɛt 42:7

Apiöŋduön de pïïu acï röt luööŋ në yanɔm, cït abäpdit cï göth, ku nɔn ee pïïu cï dhoŋ.

Kɛ̈ŋ 24:10

Bäp de piɔ̈u në kööl ë nuɛɛn ee ciën riɛl nyuɔɔth.

Kɛ̈ŋ 3:11

Du wëët ë Bɛ̈nydït ee dhɔ̈lic mɛnhdï, ku du ee bäp në nɛɛnde.

Jeremia 11:21

Kɔc ke Anathoth akɔɔrkï thondï, ku acïk lɛ̈k yɛn an bïk yɛn nɔ̈k të lan ŋoot ke ya lueel jam de Bɛ̈nydït.

Jeremia 26:8

ku të thiin wën cän käŋ thöl kedhie, ka cï Bɛ̈nydït lɛ̈k yɛn bä ke lueel, gokï ya dɔm ku cötkï an, “Yïn bïï dhil nɔ̈k në biäk ee kënë!

Jeremia 36:26

Go melik Jerameel wën ë melik yɔ̈ɔ̈k kekë Theraya wën de Adheriɛl ku Celemia wën de Abdeel, bïk tiët Jeremia dɔm kekë Baruk raandɛn ee gär. Ku aacï Bɛ̈nydït keek thiaan.

Jeremia 49:19

Yɛn bï bɛ̈n cït man ë köör bɔ̈ bei në tiim lɔ thïk në Jordan yɔu, ke bɔ̈ në wal tɔ̈c yiic, ku ta kɔc ke Edom tɔ kɔt ëthiäu pinyden. Ku bɛ̈ny bä lɔc abï jur jɔ ceŋ. Eeŋa duëër ë thɔ̈ɔ̈ŋ ke yɛn? Eeŋa duëër Yɛn guääk? Ee bɛ̈ny ŋa duëër teer ke Yɛn?

Jeremia 50:44

“Yɛn Bɛ̈nydït Awärjäŋ, Yɛn bï bɛ̈n ku ta kɔc ke Babilonia tɔ kɔt ëthiäu në pɛ̈ɛ̈nydïtken yiic, cït man ë köör bɔ̈ bei ë roor lɔ dïu ë Jordan yɔu, köör lɔ piny de yic wal tɔ̈c. Ku bɛ̈ny bä lɔc abï jur kuum. Eeŋa bïï thɔ̈ɔ̈ŋ ke Yɛn? Eeŋa duëër Yɛn guääk? Ee bɛ̈ny cɔl ŋa duëër teer ke Yɛn?

1 Pet 4:12

Wek kɔc nhiaar, duökï gäi ë thëm tuc cït mac nu ë weyiic, thëm ee we them ënɔɔnë, duökï e lueel an, ee këgäi mɛɛn pei kë cï tuöl tëde week.