Jeremia 12:1 - JAM DE NHIALIC 2011

¹ Go Jeremia lueel an, “Bɛ̈nydït na luɛɛl göönydï wo Yïn, Yïn bïï yök ke yï de nɔm yic. Ku Yïn bä dhil luɔp në biäk de kake guiɛɛr de löŋ yic. Eeŋö ye kɔc ee karɛc looi kuɛth? Eeŋö ye kɔc ee ruëëny looi tiam?

Jeremia 12:1 Iomraidhean Croise

Cäk 18:25

Aŋiɛc ëgɔk nɔn cïn kɔc cïn gup awäc bï nɔ̈k në kɔc de gup awɛ̈ɛ̈c. Acïï rɔt duëër lëu! Yïn cï kë cït ee kënë duëër looi. Ku na lɔ looi, ke kɔc cïn gup awɛ̈ɛ̈c, abï keek jɔ kuum në kɔc de gup awɛ̈ɛ̈c ëtök. Ku kënë acïï rɔt duëër lëu. Raan ee löŋ guiir ë pinynɔm ëbɛ̈n cï bï looi në yith?”

Edhr 9:15

Yïn Bɛ̈nydït, Nhialic de Yithriɛl, Yïn adöt në kë cï lueel! Ku ënɔɔnë wokï, wok kɔc likkuön cï tɔ dɔ̈ŋ ke ke pïr, wok gam awɛ̈ɛ̈ckuɔ në Yïnɔm, wok cïn nïïm yic duëërë wo bɛ̈ɛ̈i në Yïlɔ̈ɔ̈m.”

Neɣe 9:33

Ee yic yen cï looi bä wo luöi këtuc, cakaa ɣɔn cïï wok wäc ke Yïn ee piɔ̈u piath we wook.

Jop 12:6

Ɣööt ke kɔc ee kɔc rum arëërkï ë mätic, ku kɔc ee Nhialic tɔ göth acïn ke riëëc keek, kë yek tak riɛlden yen ee yiëthken.

Jop 13:3

ku Nhialic Awärjäŋ Yen abän jam wokë Yen, acie week, akaar bä göönydï tïŋ wokë Nhialic.

Jop 24:12

Në wut thok biic yïn ee kiɛɛu piŋ, kë rem guöp kɔɔr thuɔɔu ateer, ku kɔc cï yiëk bɔ̈ɔ̈t adhiaukï ke ke kɔɔr kuɔɔny ku ŋoot Nhialic ke cïn kë lui kɔc yɔŋ keek.

Jop 24:23

Aye ke tɔ rɛ̈ɛ̈r ke ke cïï piɔ̈ɔ̈th riɔ̈c, ku döt ke në daai.

Jop 8:17

Aye meiken ke röt lɔ nai në akut ë kɔi kɔ̈ɔ̈th, ku duutkï kɔɔi piny ëbɛ̈n aril.

Diɛt 116:5

Bɛ̈nydït ee piɔ̈u kok ku apiɛth, Nhialicda ee piɔ̈u kok.

Diɛt 119:137

Bɛ̈nydït, Yïn agɔk, ku lööŋku kek aye yith.

Diɛt 119:75

Bɛ̈nydït, aŋiɛc nɔn ye guiëër de löŋdu yic, ku yïn cï ya dui në biäk yïn piɔ̈u adöt.

Diɛt 145:17

Bɛ̈nydït apiɛthpiɔ̈u në ka ye looi yiic ëbɛ̈n, ee piɔ̈u kok ë ka looi keek kedhie.

Diɛt 37:1

Du ee diɛɛr në këde kɔc ee kërac looi, ku du ke ee til.

Diɛt 37:35

Yɛn cï raan rɛɛc ee kɔc kuur tïŋ, raan dïït cït kɔ̈u tim de thidar de Lebanɔn.

Diɛt 51:4

Yɛn cï kërac luöi Yïn, ee Yïn Yïtök Yïn acä luöi kërac, ka Yïn de nɔm yic në luöi bï Yïn ɛn luöi këtuc. Ku Yïn cïn guöp awäc të lui yïn ɛn këtuc.

Diɛt 51:6

Tïŋ, Yïn ee yic kɔɔr në raan yäc thïn, ku ënɔɔnë wɛ̈ɛ̈të yɛn në pɛlënɔm ë ya piɔ̈u thïn.

Diɛt 92:7

kɔc ee karɛc looi ayek cil cï wal, ku kueth kɔc ee awɛ̈ɛ̈c looi, ku abïk ŋoot ke ke riäär taitai,

Kɛ̈ŋ 1:32

Kɔc piɔl piɔ̈ɔ̈th ayek thou në baŋ ye kek pɛlënɔm rɛɛc. Ku dhän aye dhääl ye kek käŋ dhɔ̈liic ke riɔ̈ɔ̈k.

Wɛ̈ɛ̈t 8:14

Ku tïŋ ɣɔ̈ric däŋ ee rɔt looi ë piny nɔm, në akööl kɔ̈k, kɔc piɛth piɔ̈ɔ̈th ayek ariöp de kɔc ee karɛc looi yök, ku yök kɔc ee karɛc looi ariöp de kɔc piɛth piɔ̈ɔ̈th, guɔ lueel an, kënë ayadäŋ ee ɣɔ̈ric.

Yith 41:21

Kë lueel ë Bɛ̈nydït, Nhialic de Yithriɛl kï. “Wek yiëth ke juöör, bɛ̈ɛ̈ikï göönydun. Bɛ̈ɛ̈ikï kë nyooth yicduön tɔ̈u ke week!

Yith 48:8

Aa ŋiɛc nɔn cïï ë week duëër ŋɔ̈ɔ̈th, në biäk cïï ë week ŋic ke we ye kɔc ee käŋ rɛɛc. Yeka kɛ̈n wek ee kë cït ee kënë kɔn piŋ taitai, eeŋö cïn en wɛ̈t töŋ cï kɔn tëëk në weyïth ë wïl.

Jeremia 11:20

Na wën ke ya läŋ an, “Bɛ̈nydït de rɛm, Yïn ee Raan ee löŋ guiir në yic, Yïn ee täŋ de kɔc them ku them kë yek thɔ̈ɔ̈ŋ. Yɛn cï göönydï tääu ë yïcin, ka Yïn kaar bä Yïn tïŋ ke yï guur yɛn në ee kɔckë.”

Jeremia 12:6

Ayï kɔckuön raan ë yïn, kɔc ke dhiëndun, acïk yïn nyiɛɛn, acïk mat ë kɔc ee yïn mak. Du keek ŋäth, cakaa kek ë jam në thoŋ piɛth.”

Jeremia 3:20

Ku cït mat ye tiiŋ cie adöt monyde pɔ̈l, yïn kën rɔt tɔ adöt tëde Yɛn, yïn baai de Yithriɛl. Acä lueel, Yɛn Bɛ̈nydït.”

Jeremia 3:7

Aa ya tak wään cïï yen ë kakë looi kedhie, nɔn bïï yen rɔt dɔ̈k Ɛn, ku yen akën rɔt dɔ̈k Ɛn, ku acïï nyankënë Juda cïn piɔ̈u adöt ke tïŋ kedhie.

Jeremia 32:16

Ku të wën cän awereek ke ɣɔ̈ɔ̈c gäm Baruk, guɔ Bɛ̈nydït lɔ̈ŋ luɛɛl an,

Jeremia 5:11

Baai de Yithriɛl ku baai de Juda acïk Yɛn nyiɛɛn taitai. Acä lueel, Yɛn Bɛ̈nydït.”

Jeremia 9:2

Aa ya nhiaar duëër nɔm dɛ të duëër ɛn ceŋ ë jɔ̈ɔ̈ric, të bä yɛn mɛc wo kɔckï. Ayek kɔc cïn adöt ëbɛ̈n, kuut de kɔc ee kɔc nyiɛɛn.

Dhiëëu 1:18

“Ku Bɛ̈nydït apiɛth piɔ̈u, në biäk kɛ̈n ɛn En riëëu guöp. Piɛŋkï këdï, wek kɔc ceŋ piny nɔm ëbɛ̈n, tiëŋkï yɛn në arɛɛmdï yic. Dhuökï ku duetkï acï keek jɔt ke ke cï peec.

Edhekiɛl 18:25

“Ku ayak lueel an, ‘Kë looi ë Bɛ̈nydït acie yic.’ Piɛŋkï kë luɛɛl wek baai de Yithriɛl. Yak tak kueer ee yɛn käŋ looi acie yic? Ee kueerdun yen cie yic.

Danyel 9:14

Yïn Bɛ̈nydït Nhialicda, yïn aacï rɔt guiir bä wook luöi këtuc, ku acï looi, në biäk ee yïn këpiɛth giit ë luɔi aköölnyïïn, ku yïn kënku piŋ thok.

Danyel 9:7

Yïn Bɛ̈nydït, yïn ee piathëpiɔ̈u looi aköölnyïïn, ku wok aye ayäär bɛ̈ɛ̈i në wogup aköölnyïïn ëbɛ̈n. Ku ayärë ayadäŋ aduëër ë luɛɛl ë wogup wodhie, wok kɔc ceŋ Juda ku Jeruthalem, ku kɔc ke Yithriɛl kedhie, kɔc cï keek thiäi piny ë wuöt thiɔ̈k yiic ku wuöt mec yiic, në luɔi kën kek piɔ̈n adöt nyuöth yïn.

Ɣodh 6:7

“Acïk löŋ de mät dhoŋ kɔ̈u, cït man ɣɔn kɔn Adam en dhoŋ kɔ̈u. Akënkï löŋdï bɛ̈n döt ëtɛ̈ɛ̈n.

Ɣabakuk 1:4

Ka löŋ acï ciën naamde, ku acïn löŋ ye ŋiëc guiir ë gööny yic, kɔc ee karɛc looi ayek kɔc piɛthpiɔ̈ɔ̈th tiaam në juëc, ka yic acïï be lɔ kim piny.

Dhep 3:5

Ku Bɛ̈nydït atɔ̈u ë pänydït yic, ku abï këpiɛth looi ke cie kërac. Ee yicde nyuöth kɔcke aköölnyïïn ke cïn kööl töŋ lööny nɔm piny, ku kɔc ee karɛc looi ëtɛ̈ɛ̈n, ayek ŋoot ke ke loi awɛ̈ɛ̈c ku cïkï gup ee riɔ̈ɔ̈c.

Malakai 2:17

Wek ë Bɛ̈nydït nuaan në jam. Ku wek ee lop an, “Cuk nuaan adï? Acäk nuaan në luɔiduön ya wek en lueel an, “Kɔc ee karɛc looi ëbɛ̈n, kek aye kɔc piɛth tëde Bɛ̈nydït. Ku luɛlkï an, ye Bɛ̈nydït piɔ̈u miɛt ke keek. Ku ayï lop ya wek lop ayadäŋ an, “Nu Nhialic ë nou, Nhialic de yic?

Malakai 3:15

Cït man ye wok en tïŋ ënɔɔnë, luɔi yen kɔc ɣɛ̈ɛ̈c kenïïm kek ee röt yök cït ka cï thieei. Ku kɔc ee karɛc looi kek akueth, ku ayek Nhialic them aya në karɛckɛn yek looi, ku cïn kë yök keek.’

Nyöŋ 32:4

Yen acït kuur, ku wëlke ayek dikëdik, ku kuɛɛrke kedhie ayek yic. Ee Nhialiny adöt cïï kërac ë looi, raan ee yic looi ku le piɔ̈u wai.