Jeremia 11:7 - JAM DE NHIALIC 2011

⁷ Wään bɛ̈ɛ̈i Yɛn kuarken bei ë Rip, Acä keek yɔ̈ɔ̈k arëët bïk Yɛn riëëu, ku Aya ŋoot ke ke yɔ̈ɔ̈k agut cï ee köölë.

Jeremia 11:7 Iomraidhean Croise

2 Mel 17:13

Ku Bɛ̈nydït acï Yithriɛl jɔ̈ɔ̈ny në jam de tiët ëbɛ̈n ku jam de monydaai ëbɛ̈n an, “Pälkï kuɛɛrkuön rac, ku riëëukï lööŋkï ku wëëtdï cït man cän ke gäm week në kueer ë awuutkï tït ke Nhialic.

2 Lëk 36:15

Go Bɛ̈nydït Nhialic de kuarken, bɛ̈n ŋoot ke ye tït tooc bïk kɔcke lɔ jɔ̈ɔ̈ny, në biäk kɔɔr en bï yen keek kony ku kony Luaŋdït.

Bɛ̈n 15:26

Lëk keek an, “Na bäk röl de Bɛ̈nydït Nhialic gam ë yic, ku bäk yic aa looi, ku dɔ̈tkï lööŋkï, wek cä bï tuöc jɔɔk cït jɔɔk wään cä tuöc kɔc ke Rip. Ee Yɛn Bɛ̈nydït raan ee we tɔ dem.”

Jeremia 11:4

Ee löŋ wään bä mac wo kuarken, wään bɛ̈ɛ̈i Yɛn keek bei ë Rip, piny wään cït many ë wëëth dɛ̈p tëde keek. Acä lɛ̈k keek bïk Yɛn riëëu ku loikï këriëëc cä lëk keek ëbɛ̈n. Acä lëk keek, na lek Yɛn riëëu, abïk aa kɔckï, ku Yɛn bï aa Nhialicden.

Jeremia 25:3

“Në run thiërrou ku diäk, në ruöön thiëër ku diäk wään ye Jothia wën de Amon melik ë Juda agut cï ee köölë, Bɛ̈nydït acï jam ke yɛn, ku yɛn kën kë cï lɛ̈k week kɔn moony. Ku week akënkï piŋ.

Jeremia 25:4

Wek kën këde piŋ, ku cäkkï gɔkic, cakaa nɔn ye Bɛ̈nydït ŋoot ke tuc week tïtke kɔc ee Yen luööi.

Jeremia 31:32

Acïï bï ciët löŋ thɛɛr ɣɔn bä mac wo kuarken, wään dam Yɛn keek cin ku bɛ̈ɛ̈i ke bei ë Rip. Cakaa wään ciët Yɛn moc tëde keek, akënkï ee löŋë bɛ̈n döt.

Jeremia 32:23

Ku wään cï kek bɛ̈n ee pinyë ku nömkï, akënkï lööŋku bɛ̈n riëëu, ku akënkï rëër ë wëëtdu yic, acïn kë cïk looi në ka wään cï lɛ̈k keek yiic. Ago ee riääkkë ëbɛ̈n jɔ yiɛ̈n keek.

Jeremia 34:14

në run kadhorou cök abïk lïïm ke Ɣeberuu ëbɛ̈n aa gäm nɔm lääu, lïïm cï lui ë run kadhetem. Ku kuarkun akënkï këdiën cä lueel gam ku cïkï jamdï piŋ.

Jeremia 35:14

Mïth ke wɛ̈ɛ̈t ke Jonadap acïk lööŋke riëëu luöi cïï kek mɔ̈u bï aa dek, agut cï ee köölë acïn raan töŋ ee mɔ̈u dek ë keyiic, ë biäk cï kek löŋ de wuönden döt. Ku Yɛn ee cool ke ya jam wo week, ku wek kën Ya riëëu.

Jeremia 35:15

Wek ya cool ë tuöc keek tïtkï kedhie, kɔc ee Yɛn luööi, ku acïk we yɔ̈ɔ̈k bäk kuɛɛrkuön rac pɔ̈l, ku bäk këpiɛth aa looi. Acïk we yɔ̈ɔ̈k luɔi cä wek yiëth kɔ̈k bï aa lam ku cäkkï keek luui, aguɔkï ŋoot ke we rɛ̈ɛ̈r piny cä gäm week ku gäm kuarkun. Ku wek kën jamdï piŋ ku cäkkï wëlkï tɔ lɔ ë weyïth.

Jeremia 7:13

Wek cï ee karɛckë looi, cakaa nɔn yan we yɔ̈ɔ̈k ë ceŋ, wek cï jamdï rɛɛc. Wek cie gam të caal Ɛn week.

Ɣodh 4:1

Piɛŋkï jam ë Bɛ̈nydït wek kɔc ke Yithriɛl, Bɛ̈nydït ade gääk wël nɔm week, wek kɔc cieŋ ee pinyë. “Wek cïn piɔ̈n adöt, ku ciënkï nhiëër, ku wek cïï Nhialic ŋic.

Ɣodh 5:1

“Piɛŋkï ee kënë apiɛth, wek bäny ke kake Nhialic. Pälkï weyïth piny, baai de Yithriɛl! Piëŋkï baai de melik! Ee yïn ade ee këtucë! Yïn cï rɔt tɔ ye wïn ë dɛ̈p në Midhepa, ku tɔ rɔt ee bɔi në kuur de Tabor nɔm.

Dhek 1:4

Duökï be ciët kuarkun, kɔc ɣɔn ye tït ke guiëër jamdï. Acï Bɛ̈nydït de rɛm lueel an, ‘Pälkï karɛckuön yak looi. Ku acïkï jamdï ee piŋ, ku cïkï ya riëëu.’

Epethiei 4:17

Yen aluɛɛl ɛn cöökë, ke ya ye cäätɔ ë Bɛ̈nydïtic an, duökï ë bɛ rëër ë rëër ë Juöör, kɔc ë rëër ke ke ye ɣɔ̈ric tak ë kenïïm,

Nyöŋ 12:32

“Luɔikï këriëëc cä lɛ̈k week ëbɛ̈n, duökï de ka bäk ŋuak thïn ku duökï de kë bäk bɛ̈ɛ̈i bei thïn.

Nyöŋ 30:20

Nhiaarkï Bɛ̈nydït Nhialicdun. Yak riëëu ku yak röt tɔ ë adööt ku ëtɛ̈ɛ̈n week në mïthkun wek bï cieŋ apiɛth ee pinyë, piny cï thɔ̈n kuarkun yï Abraɣam ku Yithaak ku Jakop.

Nyöŋ 4:6

Riëëukï keek ë piɔ̈n adöt, yen ee kënë abï pɛlënɔmdun ku ŋïnydekäŋdun nyuöth juöör. Të lee kek ë lööŋkë piŋ kedhie, abïk aa lueel an, ‘Ee yic jurë aŋic käŋ ku ade pɛlënɔm dït!’

Nyöŋ 5:29

Na yek kë cït ee kënë tak aya aköölnyïïn! Ku na yek ya riëëu guöp ku rïïukï lööŋkï kedhie, ago piath ke keek ayï kuatden aɣet athɛɛr.

Nyöŋ 6:2

Në pïïrdun yic ëbɛ̈n, week ku mïth ke mïthkun, wek bï Bɛ̈nydït Nhialicdun dhil riëëu guöp, ku riëëukï lööŋke kedhie, lööŋ gäm week, aguɔkï rëër në run juëc ë piny gäm week nɔm.

Nyöŋ 8:6

Ka yak lööŋ ke Bɛ̈nydït Nhialicdun döt, bäk cath në kuɛɛrke yiic ku bäk riëëu guöp.

2 Theth 3:12

Ku wo yöök kɔc cït keek ënɔɔnë ku guïïrku keek në Bɛ̈nydan Yecu Kërtho an, bïk aa luui ë lik, ku yek kuïnden cam guöp.

1 Tham 8:9

Ënɔɔnë piŋ jamden, ku lɛ̈kë keek ëgɔk, ku tɔ ŋickï, yen kë bï meliŋ bï keek wat aa looi.”