Jeremia 11:12 - JAM DE NHIALIC 2011

¹² Ëtɛ̈ɛ̈n kɔc ke Juda ku kɔc ke Jeruthalem abïk jɔ lɔ tëde yiëth yek nyuöp wal ŋïr, ku abïk jɔ dhiau ke ke kɔɔr kuɔɔny tëde keek. Ku acïï yiëthkë keek bï kony të le ë riääk bɛ̈n.

Jeremia 11:12 Iomraidhean Croise

2 Lëk 28:22

Na wën aa cï awɛ̈ɛ̈c ke melik Aɣadh juëc, go Bɛ̈nydït luöi kërɛɛc kënë kɔn looi anande.

Yith 45:20

Aye Bɛ̈nydït lueel an, “Bäkkï tëtök, kɔc ke juöör, kɔc wään cï poth në wïïk de ciɛɛŋ thok, nyuɔɔthkï röt në löŋ nɔm! Kɔc ee röt kueer në yiëthkɛn ke tiim ku lɛ̈ŋkï yiëth cïï keek bï kony kek ee kɔckë acïn kë ŋickï taitai!

Yith 46:7

Ayek jat në ke kët ku jɔkï ɣääc, ayek tääu piny ku yen të bï yen tɔ̈u ka, acïï rɔt ee lëu në jöt tëde. Na de raan läŋ ɛn acïn kë ye bɛ̈ɛ̈r ku cïï raan kony në riääk cï ye yök.

Jeremia 18:15

Ku kɔckï acïk nïïm määr ë yɛn, ayek wal ŋïr nyuöp yiëth. Acïk kɔ̈th në kueerdɛn duëër kek lɔ thïn, acïkï kuɛɛrkɛn thɛɛr be kuany yiic, aciɛthkï ë kueer kënë kuaar yic.

Jeremia 2:28

“Tɔ̈u yiëth wään cäk ke luöi röt ënou? Wään täu wek në riääkic, takï ke kony week të duëër kek e lëu! Juda yïn de nɔm yiëth juëc cït juëc de pɛ̈ɛ̈nydïtku.

Jeremia 44:8

Eeŋö ya wek Yɛn tɔ göth, në läm ya wek yiëth lam, ku yak yiëth kɔ̈k nyuöp wal ŋïr ë Rip eenë, të cä wek bɛ̈n ceŋ thïn? Ë we loi ee kënë ke we bï we röt riɔ̈ɔ̈k, ago juöör ke piny nɔm ëbɛ̈n, week aa luööi në abiaan, ku yek rinkun tɔ ee kë de aciɛɛn?

Nyöŋ 32:37

Ku ëtɛ̈ɛ̈n Bɛ̈nydït abï kɔcke luɔp, an, nu yiëthkuön ril wään yak keek ŋɔ̈ɔ̈th tënou?

Nyöŋ 32:38

Acäk keek cääm në miök de ka yak keek nɔ̈k, ku gämkï keek mɔ̈n de miɔ̈c ye dek. Takkï keek bɔ̈ ku konykï week ënɔɔnë, tɔ ke kɔt bïk week luök.

Bäny 10:14

Lakï ku läŋkï yiëth cäk keek lɔc. Takï keek luäk week, të täu wek ë nuanic.”