Jeremia 10:5 - JAM DE NHIALIC 2011

⁵ Kek ee yiëthkë acïtkï gɛk kɔt ë dom de abuth yic, acïkï ee jam, aye keek ɣääc, në biäk cïï kek ee cath. Duökï riɔ̈c ë keek, acïn kërɛɛc duëërkï luöi week, ku cïn këpiɛth luikï week.”

Jeremia 10:5 Iomraidhean Croise

1 Mel 18:26

Gokï miɔɔr cï gäm ke nööm, ku kïïtkï, ku läŋkï Baal, aake gɔl lɔ̈ŋ ɣɔn amiäk abï akɔ̈l rɔt puk. Aake ye cööt aläl, an, “Baal piŋ jamda!” Colkï ke ke riäŋ ke ke geeu yïïŋ cïk yïkë piny. Ago ciën röl piŋkï, ku cïn raan piŋ këden.

2 Lëk 25:15

Kënë acï Bɛ̈nydït bɛ̈n tɔ göth, ago tiët tuöc Amadhia, go ë tiët lɛ̈k en an, “Eeŋö tɔ yïn lam yiëth ke alɛi, yiëth kën kɔcken lëu në kuny në riɛl cath ke week?”

Yith 16:12

Kɔc ke Mowap anɛ̈kkï röt piny ke ke lɔ në kuurdɛn yaath nɔm, ku lek lɔ̈ŋ tëdɛn ɣeric, ku acïn piath bïï luöi keek.

Yith 45:20

Aye Bɛ̈nydït lueel an, “Bäkkï tëtök, kɔc ke juöör, kɔc wään cï poth në wïïk de ciɛɛŋ thok, nyuɔɔthkï röt në löŋ nɔm! Kɔc ee röt kueer në yiëthkɛn ke tiim ku lɛ̈ŋkï yiëth cïï keek bï kony kek ee kɔckë acïn kë ŋickï taitai!

Yith 46:1

“Kënë ee thök de yiëth ke Babilon! Bel ku Nebo wään cï kɔn lam, ku ënɔɔnë acï ke duööt në mul kɔ̈ɔ̈th, ee kë cï läi cï duɔɔny tɔ nuan.

Yith 46:7

Ayek jat në ke kët ku jɔkï ɣääc, ayek tääu piny ku yen të bï yen tɔ̈u ka, acïï rɔt ee lëu në jöt tëde. Na de raan läŋ ɛn acïn kë ye bɛ̈ɛ̈r ku cïï raan kony në riääk cï ye yök.

Jeremia 10:14

Ku të cï ee kakë tïŋ, kɔc ayek aa dhän ku cïnkï nïïm, kɔc ee yiëth looi ayek gup yäär, në biäk ye yiëth yek looi lueth ku cïnkï yiic wëi.

Ɣabakuk 2:19

Amawoou në week, wek kɔc ee tiim ku kur cäk guaŋ yɔ̈ɔ̈k an, “Pääckï jatkï röt. Duëër yanh ë guaŋ jam ke week? Na cak kɔc ke deer kɔ̈ɔ̈th në ateek ku adhääp, ka cïn kë duëërkï lueel ku cïkï pïïr.

1 Kor 12:2

Aŋiɛckï nɔn ee ya wek Juöör ɣɔn, kɔc ë cï thɛl roor ë yiëth cök, yiëth cïn kethook të ye jam, acït man ee we cool ë thelë we.

1 Kor 8:4

Ku në këde cäm de ka cï läm yiëth, yath aŋicku nɔn cïn en naamde ë piny nɔm, ku aŋicku nɔn cïn en Nhialic däŋ ee tök tei.

Nyöŋ 4:28

Ku ëtɛ̈ɛ̈n, wek bï yiëth ye guaŋ ë kɔc cin aa luööi, yiëth ë loi keek në tiim ku kur, yiëth cie daai, ku cïkkï ee piŋ, ku cïkkï cäm, ku cïkkï ee ŋör.